ارتفاع الحرارة بعد تشغيل التكييف

**midoooooo007** · 07-08-2010 01:44 PM

انا عندى هيونداى فيرنا 2004 فيها مشكله مجنناى وخربت بيتى ومش عارف المشكله منين العربيه لما امشى على السريع بتبقى الحراره فى النص طبيعى ولو شغلت التكييف بعدها ب 10 دقايق الاقى الحراره رفعت لبعد النص بشويه حلوين واحياننا بتزيد للأخر مع العلم انه التكييف شغال عادى جدا ومبحسش بأى تغير فى العربيه ولا صوت ولا لخبطه ولو وقفت وفتحت الكبوت احس بالحراره عادى والمراوح شغاله طبيعى يعنى مفيش تغير ولو العربيه اصلا حرارتها عاليه حقيقى المفروض ان التكييف بيفصل اوتوماتيك؟؟؟ولو قفلت التكييف مفيش بعدها بدقيقه الاقى الحراه نزلت النص تانى .. وانا مغير ترموستات الحراره ومنظف دورة التبريد ورغم ذالك مش عارف اصل العيب منين فا ياريت حد يفدنى فى المشكله دى علشان مجننانى ومجننه كل ميكانيكى اروحله وجزاكم الله كل خير ورمضان كريم

**kamatsho** · 07-08-2010 05:06 PM

2_ اتأكد من غطاء الراديتيير موجود او لاء واتأكد من نظافه الراديتيير ( علما بأن يجب تنظيف الراديتيير من الاتساخات او الصدأ سنويا )
3- اتأكد ان المروحه الى بتسحب الهواء من الخارج ل غرفه المحرك بالدااخل شغاله
4_ الثرموستات تأأكد انها سليمه
5_ تأكد من منسوب المياه داخل مضخه المياه ( مكان تزويد المياه)
6_مروحه المحرك ليس بها اى خلل ؟ وبصراحه انا عايزك تروح تغسل الراديتير كويس فى محطه شيل عشان المشكله بتاعتك دى بتقول ان فى انسداد فى خرطوم موصل للراديتير

**essam_shaaban** · 07-08-2010 05:23 PM

المشاركة الأصلية كتبت بواسطة kamatsho

2_ اتأكد من غطاء الراديتيير موجود او لاء واتأكد من نظافه الراديتيير ( علما بأن يجب تنظيف الراديتيير من الاتساخات او الصدأ سنويا )
3- اتأكد ان المروحه الى بتسحب الهواء من الخارج ل غرفه المحرك بالدااخل شغاله
4_ الثرموستات تأأكد انها سليمه
5_ تأكد من منسوب المياه داخل مضخه المياه ( مكان تزويد المياه)
6_مروحه المحرك ليس بها اى خلل ؟ وبصراحه انا عايزك تروح تغسل الراديتير كويس فى محطه شيل عشان المشكله بتاعتك دى بتقول ان فى انسداد فى خرطوم موصل للراديتير

كلام سليم 100% و احب اضيف عليه كمان جزئية صغيرة جدا ان كان عندي نفس المشكلة تقريبا و طلع جوان غطاء الريادياتير كان عاوز يتغير قام بتاع الريادتيرات عمله جوان من عنده وحكم قفله وعملي دورة غسيل وحطيت مياه خضرا الكلام ده بقاله بتاع 4 او 5 شهور وبصراحة المؤشر عمره ما اتحرك عن الثلث والحمد لله

**pharonicking** · 07-08-2010 06:08 PM

المشاركة الأصلية كتبت بواسطة kamatsho

2_ اتأكد من غطاء الراديتيير موجود او لاء واتأكد من نظافه الراديتيير ( علما بأن يجب تنظيف الراديتيير من الاتساخات او الصدأ سنويا )
3- اتأكد ان المروحه الى بتسحب الهواء من الخارج ل غرفه المحرك بالدااخل شغاله
4_ الثرموستات تأأكد انها سليمه
5_ تأكد من منسوب المياه داخل مضخه المياه ( مكان تزويد المياه)
6_مروحه المحرك ليس بها اى خلل ؟ وبصراحه انا عايزك تروح تغسل الراديتير كويس فى محطه شيل عشان المشكله بتاعتك دى بتقول ان فى انسداد فى خرطوم موصل للراديتير

كلام جميل"

**rzeiny** · 08-08-2010 01:01 AM

اكشف على الخراطيم وغطاء الرادياتير

**fawzyyyy** · 08-08-2010 03:33 AM

حضرتك بتقول اما بتفتح الكابوت بتحس ان هي عادي و مبطلعش دخان و المراوح شغالة...؟؟؟؟؟

يعني ممكن يكون العيب من العداد نفسه.............!!!

شغل التكيف و اول ما الحرارة تعلي روح لاي حد بتاع ردياتر يقيسلك درجة حرارة العربية

**mido_1311** · 03-09-2010 07:30 AM

المشاركة الأصلية كتبت بواسطة kamatsho

2_ اتأكد من غطاء الراديتيير موجود او لاء واتأكد من نظافه الراديتيير ( علما بأن يجب تنظيف الراديتيير من الاتساخات او الصدأ سنويا )

المشاركة الأصلية كتبت بواسطة kamatsho

3- اتأكد ان المروحه الى بتسحب الهواء من الخارج ل غرفه المحرك بالدااخل شغاله
4_ الثرموستات تأأكد انها سليمه
5_ تأكد من منسوب المياه داخل مضخه المياه ( مكان تزويد المياه)
6_مروحه المحرك ليس بها اى خلل ؟ وبصراحه انا عايزك تروح تغسل الراديتير كويس فى محطه شيل عشان المشكله بتاعتك دى بتقول ان فى انسداد فى خرطوم موصل للراديتير

تمام يا بوب

**Abulmagd** · 28-04-2014 05:43 PM

المشكله عندك من ريلاي مروحة الكوندنسر ، في مروحتين خلف الرادياتور اللي علي جانب السائق اسمها مروحة الرادياتور و اللي علي جانب الآخر اسمها مروحة الكوندنسر و دي بتشتغل مع التكييف
لو التكييف شغال و العربيه بارده قبل ما مؤشر الحراره يصل للنصف المروحتين بيشتغلوا علي السرعه البطيئة
لو العربيه سخنت الاتنين بيشتغلوا علي السرعه العاليه
لو التكييف مغلق مروحة الرادياتور بتشتغل وحدها
تربل شوتنج
في الصباح اول ما تشغل العربيه و هيا بارده شغل التكييف، المفروض المروحتين يشتغلوا علي السرعه البطيئة
تمشي شويه بالعربيه و التكييف شغال ياريت داخل المدينه المفروض تلاقي المروحتين شغالين علي السرعه العاليه
المشكله عندك ان لما الحراره تزيد مروحة الكوندنسر بدل ما تشتغل علي السرعه العالية بتوقف خالص و ده بسبب ان الريلاي بتاع الكوندنسر مش شغال
هتلاقي علي غطاء الريلاي بوكس رسم يوضح اسماء الريلاي، الريلاي اللي فيه المشكله اسمه cond fan 2
غيره ب ١٥ جنيه و المشكلة هتتحل انشاء الله

**tantawy13** · 29-04-2014 03:05 PM

كل الكلام اللي اتقال من الاعضاء جميل جدا انا كان عندي نفس المشكلة بتاعاتك بالظبط وغيرت غطا ريداتير ورياتير كامل وغسلت وميه خضرا وغيرت الترموستات الحرارة وشيلت الكوعة بتاعة المية وطلع في النهاية وربنا يسترها عليك جوان وش سلندر عايز تتئكد منها الصبح قبل ما تدور العربية افتح غطا الريداتير وخلي حد يدورلك العربية لو في نقطة مية نطت برة الريداتير يبقة غالبا جوان واتئكد وخد اكتر من رئي ميكانيكي قبل ما تتعامل بس اعتقد انك حتكون نفس مشكلتي وحتلاقي بيت مية من اللي في الشميز بيهرب وان شاء الله حلها سهل جوان وخراط من غير تليين ولا اي حاجة