كل سنه وانت طيب يا باشا, ولا شكر على واجب :-)
انا من رأيي لما تروح لميكانيكي شاطر زي ما قولتلك تخليه يبصلك تاني على البوجيهات واسلاك البوجيهات والفلاتر والايدل كنترول , وكمان ينضف البوابه تاني
ويبصلك على البوبينه ويعملها اختبار شراره , ويتأكد من ان اسلاك البوجيهات راكبه كويس على البوجيهات وفي البوبينه
وياريت لو يظبطلك الثغره بتاعت البوجيهات على 0.7 مللي , وكمان يشوف حالة البوجيهات ايه ؟؟ يعني نضاف ولا في حاجه مهببه فيهم
اتوقع لو كل ده اتعمل بإحتراف المشكله هتزووول بإذن الله
لو مفيش عندك ميكانيكي شااااطر في الكوري والياباني , روح لمحمد عبده وهو هيقوم باللازم
او
المهندس فهد جنب جامع جمال عبد الناصر - كوبرى القبة - رقم الموبايل 0100205205 - على فكره هو مهندس فعلا ومش بيشتغل بإيده في العربيه لكنه غالبا بيكون موجود في الورشه كأستشاري تقريبا , وانا بقول تقريبا لاني متعاملتش معاه لكن في زميل لينا في المنتدي اسمه دكتور/ احمد مصطفى هو اللي بيتعامل معاه وانا كنت طلبت منه عنوانه عشان اروحله وبعدها حصلت شويه ظروف ومروحتش , واكتشفت صدفه ان في واحد زميلي في الشغل بيتعامل معاه وبأمانه بيشكر فيه جدااااااااا
ملحوظه : هو شغال في الكوري والياباني فقط حسب معلوماتي , ما عدا الالنترا القديم !! وبصراحه مش عارف السبب :-)
حبيت بس انقلك المعلومه ليعم النفع بإذن الله :-)
المفضلات