الموضوع: حل يساعد على تقليل السخونة في التمبرا

اولا انا لسه شايف الموضوع
واختلف مع كلام الميكانيكي بتاع زلباني بشده
اي حاجة في العربية لازم تكون راكبة ويكون ليها لازمة أمال عملوها لييهههه؟؟؟
المهم الوصلة دي اسمها PCV
وده اختصار :Positive Crankcase Ventilation
المهم اثناء عمل المحرك بتطلع أدخنة عبارة عن هواء وبنزين نئ غير محترق كاملا وممكن شوية زيت هربان من الصبابات
الوصله دي عن طريق الضغط السلبي الموجود في علبة فلتر الهواء نتيجة دخول الهواء للمحرك بتعمل ايه
الوصله بتشفط الابخرة دي وتدخلها تاني لغرفة الاحتراق
يبقي تلخيصا فوايدها هي :-
1- عدم تلويث الجو بالابخرة دي
2- حماية المحرك من الابخرة المتصاعده والضاره
3- تقليل السخونة بدرجة بسيطة
4- تقليل استهلاك الوقود بدرجة بسيطة

في رأيي الوصله دي مهمه جدا وما ينفعش نلغيها
وشكرا

بص يا باشا
أولا الابخرة دي موجوده في جزء من المحرك خارج غرفة الاحتراق يعني موجوده في مكان المفروض يكون أبرد من غرفة الاحتراق
مجرد الشفط الواقع بالوصله هيقلل حرارة الجزء ده عن طريق ازالة الابخرة الساخنه
ازالة الابخرة والعوادم الضارة بيقلل الحمل علي الموتور والموتور بيكون أهدي لانك شلت حمل وغازات ضارة وسخنة من عليه
الحاجات الضارة والسخنة بتروح غرفه الاحتراق وده مكان عادي فيه انه يكون سخن جدا عشان كفاءة الاحتراق فا مافيش مشكلة اني ادخله غازات سخنة
يبفي كده حافظنا علي درجة ثابته للاحتراق
وعلميا الموتور مستريح من غير احمال زائده فأكيد هيبقي طبيعي مش سخن زياده عن اللازم

وعليك يا عدووول يا حبيبي