الزملاء الاعزاي والاصدقاء الافاضل

في محاولة لتنشيط المنتدي يسعدني اضافة اول موضوع من سلسلة
<<<<<<< صلح سيارتك بنفسك >>>>>>

وهي سلسلة متخصصة في سيارات الديهاتسو الغرض منها نقل الخبرات بين الاعضاء
اتمني ان تنال اعجابكم

الحلقة الاولي
الاكسدام
السيارة تريوس 2000


المشكلة بدات مع كثرة استخدام المارة لكبوت عربيتي والدفندر الامامي ككنبة ومضجع احيانا وبالتالي زاد الضغط علي الاكسدام لحد ما طق من جنابه
وبقي في فرق كبير بينه وبين خط الفوانيس الامامية للعربية لدرجة انك كنت تقدر تحط ايدك بالكامل من الفرق ده

زي ما هو واضح في الصورة



طب والعمل؟
من خلال المعارف والاصدقاء اهتديت لسمكري كويس اسمه "محمد" موجود في اول شارع يمين وانت جاي من عند فتح الله السيوف – ش مصطفي كامل ومتجه لدوران المطافي بتاعة السيوف – اسكندرية طبعا
محمد كان مستصعب شغل التقفيل لانه بياخد وقت وطلب اني اجيله يوم بدري وطلب 200 جم وانا فاصلت ومن هنا لهنا اتفقنا علي 100 جم شاملة الفك والضبط والتركيب والتقفيل واعمال سمكرة الاكسدام وملحقاته وكان عليا انا اني الحم الاكسدام عند اي واحد بتاع فيبر

نخش علي الشغل
الخطوة الاولي
فك الدفندر الامامي من مساميره الجانبية والسفلية المارة عبر الشبكة الامامية







فك الفوجات





نزع الاكسدام الامامي بالكامل
وهنا وضحت المشكلة ان في عدد 3 شفة فيبر اللي بتثبت الاكسدام في شاسيه خاص بيه امام الردياتير مقطوعين تماما





وكمان بعض مسامير واماكن التثبيت علي شاسيه الاكسدام معوجين ودي مهمة السمكري





يتبع

تقبلوا تحياتي