السلام عليكم
انا اخ جديد معاكوا في المنتدى واحب اشيد بروح التعاون الجميله هنا ومدى الافاده الي شايفها هنا بجد منتدى جميل جدًا وبيعكس مدى تعاوننا مع بعض كمصريين :)

انا والدي عايز يشتري عربيه فانا كنت عايز استشير الناس هنا ايه افضل عربيه من النواحي التاليه
1- الثبات عامل مهم لانه عامل حادث قبل كدا ومتعقد من العربيات الأي كلام على الطريق السريع
2- الصاج بتاعها يكون حاجه تقيله ومحترمه علشان العربيات الي بتتطبق لو وقع عليها بسكوت دي متنفعش معاه
3- العربيه تكون مشاكلها الفنيه قليله علشان الجري على الميكانيكا بقا والتصليح ده حوار عايز وقت ووالدي مشغول دايما ومش فاضي لحد فينا اصلا

أنا بحس ان الكلام ده ممكن يتوفر في الفيكترا بس المشكله انها حرارتها بترتفع كتير على كلام الناس وكمان لما تبوظ فيها هتبهدل علشان اصلحها وايه رأيكو في الانسجنيا دي هي لسه مش متوفره في مصر ولا ايه النظام؟

أتمنى ألاقي تفاعل من الي يقدر يساعد