الموضوع: ألماس دهب صفيح .. معدنك ايه؟

انا معدني ...ممكن نقول ذهب

بلاش ...

خليني فضة (أصلي ساعات بابقى زبالة)

بس أفضل ان الناس تعرف عني اني صفيح

صفيح مصدي و متطبق كمان

اصل الصفيحة بتعور اللي يشوطها انما حتة الفضة ...تتسرق و هي ساكته

فلو شكلي صفيح يبقى أكثر أمانا

انا ماقدرش احدد معدنى
لانى كل واحد بيشوفنى من زاوية معنية حسب الطريقة اللى بتجبرنى انى اعملو بيها
محترم هاشيلو ف دماغى
مش محترم وواطى
يبقى خدنى جنبك ياشنورى
بس انا مابحبش غير اديداس

اسعى دائماً للوصول للأمثل قدر المستطاع

و بالتالي اسعى لأكون كالمــاس مع من يستحق

و إن جاز لي الحكم اعتقد اني ذهب أو فضه

و اصبح صفيح (غير مؤذي) مع من لا يستحق

و اتحول الى صفيح (مدبب الحواف) مع من يؤذيني
او يؤذي اهلي, زوجتي, ابنائي, بيتي, .............



موضوع رائع, و متميز كالعاده يا نور... شكراً

لا اعلم حقيقة معدنى.....بس عاوز اعرف

اعرف ازاى؟؟؟؟؟؟؟؟؟؟؟؟؟؟؟؟؟؟

ومحدش يقولى من مواقفك اللى بتقابلك لان كتييييير قوى بتقابلك ناس تطلعك السما خصوصا لو كنت بتقدملهم خدمة
وكمان مش هقدر احددها بينى وبين نفسى لانى ممكن اعمل خير والناس شايفاه جدعنة او مجهود بس انا ولا حسيت بيه او مش فى دماغى اصلا (حاجة اقدر اعملها وعملتها)
وكمان لو عملت حاجة غلط مثلا (ممكن اكون انا فاهم انها صح )
وكمان مش هتسمع لكلام الناس لان كل اللى بيغلطك مثلا ليه وجة نظر وممكن ميكونش يعرف تفاصيل ومش هقعد اشرح للناس موقفى

عشان مطولش عليكم
الناس مش هقدر اخد منها تقييم لان لا كل الناس اجتمعوا على الحلو ولا كل الناس اجتمعوا على الوحش
كل واحد ليه وجهة نظر

طب احددها بينى وبين نفسى ازاى؟؟؟؟؟؟؟؟ ومهتم فعلا بكده لان ده بيدى ثقة بالنفس ومعرفة حقيقتها لو انت كويس وكمان بتحاول تحسن نفسك للاحسن لو انت غلط

واسف للاطالة......يارب كلامى يوصلكم انا نفسى اتلغبطت