الموضوع: اكيد بتتكلمو عن عربية غير اللوجان

انا بجد بقيت استغرب جدا لما بقرا تقييمات الناس هنا بخصوص اللوجان من ناحية العفشة واستهلاك البنزين وكذا حاجة تانية
يعني استهلاك البنزين مش بيقل عندي عن 8 مفيش رقم ظهر عندي اسمه 5 او 6 ده خالص
كمان العفشة ناشفة بسمع اقل طوبة تحتي وانا ماشي
والببان من كتر الرزع مكنة الازاز بقت تعمل صوت ماشاء الله
سواء بابي الشمال او اليمين والباب اللي ورا يمين من كتر يأسي منه بقي اللي يجيي يقفله اقوله ارزع الباب عشان يتقفل لاني بالراحة ولا بيتقفل ولا زفت


استهلاك البنزين انا شايفه عادي جدا
نيجي بقي لاكتر حاجة حارقة دمي هي السحب بتاع العربية عبارة عن بطة بلدي بتقوم
خصوصا لما تكون ماشي مثلا علي الرابع وتيجي تاكل غرزة وتتزنق انا كنت في التويوتا كنت بروح جايب التالت وقارس عليه واحدف العربية لحد ماخرج من الغرزة وارجع اديها الرابع تاني
في اللوجان مرة واحدة في صلاح سالم جربت اعملها من بطء السحب كنت هاعمل كارثة ربنا سترها عليا

كنت متوقع اول مانقل غيار اقل اللي هو التالت هاتدي العربية دفعة انقذ بيها نفسي بس لقيت صوت الموتور عالي جدا نتيجة اني نازل من غيار اعلي لغيار اقل لكن السحب زي الزفت


نيجي بقي لحاجة اهم هي التوكيل اللي شعاره ثبت الزبون ويقنعك اني كل حاجة في العربية زي الفل واني كل شكاواتي عبارة عن تهيؤات في تهيؤات واني اي حاجة بقولها في العربية يكون الرد بتاعها ده طبيعي وعادي وفي كل العربيات كده هما 3 جمل رد علي اي حاجة

جديا بفكر مش اشتكي في التوكيل تاني في اي حاجة هاطلع مني علي جهاز حماية المستهلك علي طول وهما يتصرفوا اني مش هاخد العربية غير لما تبقي زي مالناس هنا بتكتب تقييماتها كده بالظبط
لكن اني اروح التوكيل واشتكي ويقابلني واحد مش ضايق نفسه ويثبت فيا لا

يعني متنصحش بالعربية دي ولا اية بالظبط انا في حيرة منها غريبة بسمع كلام وفي نفس الوقث بسمع النقيض بتاعه
اخيرا انا عرفت العربية دي مسمهاش لوجان اسمها بطيخة يعنى انت وحظك يا حمرا يا قرعا
الله يكون في عونك ......

المفروض العكس لما تلاقى الناس بتتكلم ان العربية كويسة يبقى فى حاجة غلط فى عربيتك
1- واضح ان ضغط الكاوتش عندك مش مظبوط
2- واضح انك ماتطلعتش على طرق سريعة وفتحت ماتورك
3- واضح انك بتقارن اللوجان اللى سعرها 70 الف بالتيوتا ال سعرها .......
4- واضح ان انا كداب وشكرا

المشاركة الأصلية كتبت بواسطة ringoo

المفروض العكس لما تلاقى الناس بتتكلم ان العربية كويسة يبقى فى حاجة غلط فى عربيتك
1- واضح ان ضغط الكاوتش عندك مش مظبوط
2- واضح انك ماتطلعتش على طرق سريعة وفتحت ماتورك
3- واضح انك بتقارن اللوجان اللى سعرها 70 الف بالتيوتا ال سعرها .......
4- واضح ان انا كداب وشكرا

لا يا فندم حضرتك مش كداب ولا حاجة بس واضح اني فيه حاجة فعلا في عربيتي وده باين اوي من كلام الناس هنا لما بيحكوا عن نفس الموديل

1- ضغط الكاوتش جالي بيه هوس من كتر مابقيسه
2- انا لسه جي من الساحل من حوالي شهر وتعمدت اروح السنة دي عشان افتح الموتور في الطريق وكمان سافرت بالليل عشان اقدر اجري براحتي وافتح الموتور وده اللي انا عملته بالظبط انا راجع القاهرة 11 بالليل ماسك طريق العلمين ماشي علي 140-150 ومبثت علي كده لاني الطريق كان فاضي خالص كانت الزحمة في اللي لسه رايح الساحل

3- التوتوتا اللي كانت معايا كانت موديل قديم وسعرها اقل من اللوجان

المشاركة الأصلية كتبت بواسطة أبو أدم

مش عارف انا حاسس انك طاحن العربية شويتين تلاته...

لانك مش عاحبك العفشة ودة ما يختلفش عليها اتنين هنا

واستهلاك البنزبين معايا 8 دايما زيك

لكن لما اطلع دائري او طريق مفتوح هاتلاقى 5 - 6

.... فيمكن تكون العربية محتاجة عناية منك شوية ...

-صيانات دورية

-تربيط عفشة

-تغيير الزيت والفلاتر ...


حاجة اخيرة موضوع السحب ...

دة حسب الطريق و خلافة ...

لكن فى نفس المكان دة عند نفق العروبة كدة اللوجان كانت بتشد معايا وتعدى من طوب الارض

بس انا ما كنتش بسقط نقلة زي ما زيزو قال كدة بالضبط ..الا لما يكون الغيار الساقط فريب من السرعة اللى انا ماشى عليها

شكرا يا فندم علي ردك بس


صيانات دورية ( كله في مواعيده بالفواتير في التوكيل

تربيط عفشة ( بيعملوه في التوكيل وانا بعمل الصيانة ولو اني اشك في كلامهم )

تغيير الزيت والفلاتر ... برضه في التوكيل في مواعيده


واضح اني عندي مشكلة في استهلاك البنزين صح طب لو كده فعلا رايي حضرتك اعمل ايه ؟

المشاركة الأصلية كتبت بواسطة hardlive

شكرا يا فندم علي ردك بس


صيانات دورية ( كله في مواعيده بالفواتير في التوكيل

تربيط عفشة ( بيعملوه في التوكيل وانا بعمل الصيانة ولو اني اشك في كلامهم )

تغيير الزيت والفلاتر ... برضه في التوكيل في مواعيده


واضح اني عندي مشكلة في استهلاك البنزين صح طب لو كده فعلا رايي حضرتك اعمل ايه ؟

حضرتك روح التوكيلب السحب ممكن يكون من طلمبة البنزين ولو الاستهلاك عالي قوي غالبا هتكون الطلمبه والله اعلم بس اسال في التوكيل وخليهم يكشفوا عليها


لو رحت ابقى اشتغل مع مهندس امجد راجل محترم وصادق وبتاع شغل وابقى سلم عليه لو سمحت قولوا خالد صاحب اللوجان النبيتي

أخى الحبيب أنا شايفك متحامل على العربيه جدا...وبالذات فى حكاية العفشه.. أكيد ضغط الإطارات مش متظبط والبنزين لما يكون إستهلاكه عادى على فرض إن هو كده يعنى عند الكل وده الطبيعى...يبفى مفيش برده مشكله إنما لما يكون إستهلاكه عالى تبقى هنا المشكله....العربيه مع الضغط عليها على ربى إم عالى المفروض إنها تجيب ال100 على 11ثانيه ونصف وده متهيألى رقم معقول جدا..أما لو حضرتك كنت بتقارنها بعربيات تسارعها 7 ثوانى أو 8 ثوانى من صفر إلى 100 أكيد حيبقى فيه فرق ملحوظ وحتحس بيه وتبقى مقارنه غير عادله أصلا..وأخيرا ربنا يوفقك وتحل أى مشكله فى عربيتك......