الموضوع: اكيد بتتكلمو عن عربية غير اللوجان

المشاركة الأصلية كتبت بواسطة egyzizo

بالنسبة للنقطة دى فإليك ما أراه حسب خبرتى المتواضعة :
موضوع تسقيط نقلة ده موضوع نسبى والقرار يختلف على حسب السرعة اللى انت ماشى عليها.
يعنى ما ينفعش أكون ماشى على الرابع على سرعة 100 ، وييجى موقف محتاج فيه سحب ، أقوم أسقط للتالت وأكبس بنزين ، مش هتستفيد حاجة أكتر من ان العربية هتزعق وهتلاقى انك لو كنت كبست على الرابع كان بقى أفيد من التسقيط للتالت.
لكن لو انت ماشى على الرابع بسرعة 60 ، واحتجت سحب ، فالتسقيط للتالت هيعمل فرق كبير فى السحب فى الحالة دى لأن التالت هيبقى لسه قدامه براح علشان يدى العربية عزم فتلاقيها تفط منك.

لاحظ ان الموضوع ده بيختلف من عربية لعربية فلازم تتصادق مع عربيتك علشان يتربى عندك sense امتى تاخد قرار التسقيط.

لو نجحت فى كده ، هتخرج من اللوجان اللى كنت بتخرجه من التويوتا بسهولة.

الموقف ماكانش رونشة وجري ولا حاجة بالعكس انا مش بجري خالص بس الموقف كان بالظبط اني كنت نازل النفق اللي في صلاح سالم بعد ماتعدي مدخل الكوربة وماسك اليمين ونازل بسرعة عادية مش كابس ولا حاجة فجاة لقيت اللي ادامي بيضرب فرامل علي الرغم اني الطريق مفتوح لكنفكرت اني لو هديت او ضربت فرامل اللي ورايا مش هايعرف يمسك نفسه قولت اسقط غيار وارمي شمال كان فيه مسافة كافية اني اطلع من الشمال بس بسرعة يعني اطلع بسرعة والم نفسي بسرعة كل ده في ثانيتين مثلا
المهم اخدت القرار وسقط غيار ومتوقع اني العربية اول ماسقط غيار هالاقي قوة موتور تنقذني بسرعة المهم سقطت الغيار وبرمي شمال لقيت العربية مش جمعت بسرعة وبتاخد وقت كاني لسه في اول الغيار طبعا روحت رديت يمين تاني كان بيني وبين اللي ادامي خلاص حاجة بسيطة اوي لانه برضه لسه بيهدي تقريبا خايف من منزل النفق الله اعلم او بيتعلم جديد

المشاركة الأصلية كتبت بواسطة egyzizo

وأنا مافيش رقم ظهر عندى اسمه 8 خالص مابشوفش غير 5 و 6 وقليلاً 7

ماهو عشان كلام حضرتك ده وكلام ناس تانية في موضوع الاستهلاك ده انا بقول اما انكم بتتكلموا عن عربية غير لوجان او عربيتي فيها مشكلة

المشاركة الأصلية كتبت بواسطة ringoo

المفروض العكس لما تلاقى الناس بتتكلم ان العربية كويسة يبقى فى حاجة غلط فى عربيتك
1- واضح ان ضغط الكاوتش عندك مش مظبوط
2- واضح انك ماتطلعتش على طرق سريعة وفتحت ماتورك
3- واضح انك بتقارن اللوجان اللى سعرها 70 الف بالتيوتا ال سعرها .......
4- واضح ان انا كداب وشكرا

لا يا فندم حضرتك مش كداب ولا حاجة بس واضح اني فيه حاجة فعلا في عربيتي وده باين اوي من كلام الناس هنا لما بيحكوا عن نفس الموديل

1- ضغط الكاوتش جالي بيه هوس من كتر مابقيسه
2- انا لسه جي من الساحل من حوالي شهر وتعمدت اروح السنة دي عشان افتح الموتور في الطريق وكمان سافرت بالليل عشان اقدر اجري براحتي وافتح الموتور وده اللي انا عملته بالظبط انا راجع القاهرة 11 بالليل ماسك طريق العلمين ماشي علي 140-150 ومبثت علي كده لاني الطريق كان فاضي خالص كانت الزحمة في اللي لسه رايح الساحل

3- التوتوتا اللي كانت معايا كانت موديل قديم وسعرها اقل من اللوجان

المشاركة الأصلية كتبت بواسطة mohamed1979

هو حضرتك معاك عربيه تانيه غير عربيتنا ولا ايه
لو حضرتك قريب من مدينه نصر ممكن نتقابل و نشوف العربيتن مع بعض

ماشي يا فتدم ليا الشرف طبعا اننا نتقابل نظبطها سوا في يوم اجازة مثلا ونتقابل انا هابعتلك رقم موبايل علي الخاص

العضو سوبر ستار
هو ينفع فى اللوجان نحط بنزين 80؟
كل اللى بنسالهم بيقولو لازم تحط 92
ياترى الصح ايه لان فرق السعر الضعف وكده ممكن نوفر كتير قوى
وياترى ممكن نعمل الموضوع ده بعد كام كيلو من استخدام العربيه؟
وهل ليه اى اثار جانبيه على السياره؟