اكيد بتتكلمو عن عربية غير اللوجان

**hobby10** · 17-08-2010 03:58 PM

المشاركة الأصلية كتبت بواسطة zkralla

اعملى تجربه كده فى حته فاضيه
صفرى العدادات وامشى على 90 ولا 100 لمده خمس دقايق بس وشوفى الاستهلاك كام

تمام ححاول اجرب طبعا وهو فعلا انا فاكرة اخر مرة سافرت فيها كان المعدل كويس جدا كان اكيد اقل من 6 على ما افتكر بس ده من مدة طويلة .... وفى نفس الوقت انا حيبقى عندى مشكلة برضه لو كان الاستهلاك كويس فى السفر بس جوه البلد مش كويس ... هو الفرق بس لو لاقيته كويس فى السفر عن جوه بالمقارنة يعنى حتبقى غريبة او ممكن ده يبقى ليه معنى ليهم بس مش عارفة بصراحة

عموما انا يهمنى ان يكون كويس جوه يعنى 8 او 9 لكن 12 و 12.5 دى كتير قوى بصراحة

**hobby10** · 17-08-2010 04:00 PM

المشاركة الأصلية كتبت بواسطة joso

طيب ممكن حضرتك تجربي تمشي من غير التكيييف وتشوفي الاستهلاك عامل ازاي ده اولا

ثانيا هل حضرتك بتحسي ان السحب فيه مشاكل او العربيه مش بتجمع بسرعه

لو غبه مشاكل في السحب ممكن تخليهم يبصوا لحضرتك على طلمبة البنزين

ثالثا

رمضان كريم

انا من خبرتى التكييف بيفرق اه بس مش قوى يعنى ممكن تفرق فى ليتر تقريبا بس متهيقليش اكتر من كده

بالنسبة للسحب متهيقلى عادى مفيش مشكلة يعنى الوضع زى ما انا متعودة عليه فى السحب مفيش جديد

شكرا لحضرتك على الاهتمام ورمضان كريم :)

**أبو أدم** · 18-08-2010 12:25 AM

المشاركة الأصلية كتبت بواسطة hardlive

واضح اني عندي مشكلة في استهلاك البنزين صح طب لو كده فعلا رايي حضرتك اعمل ايه ؟

اولا : لو استهلاك البنزين معاك 8 فى الزحمة وساعات 9-10 فى الزحمة اوي ...

فدة طبيعي مع التكييف

ثانيا : انا لما شكيت فى استهلاك البنزين عملت اللى قال عليه الاخ / هانى دة

لقيت الاستهلاك من 5.8 لحد 6.5

جرب دة ..........

المشاركة الأصلية كتبت بواسطة zkralla

عشان تحسب استهلاك البنزين لازم تصفر العدادات وتمشى على طريق طوالى
مثال
لو رحت اسكندريه على سرعه 10كيلو فى الساعه هتستهلك قد ايه بنزين
رجاء كل الى يتكلم عن رقم استهلاك بنزين على الكمبيوتر يقول متوسط السرعه كام ويطلع على طريق طوالى ويصفر ويجرب تانى
كده هيبان لو الاستهلاك عالى فعلا وهو عنده مشكله ولا هو متخيل ده

اذا عملت التجربة دة ولقيت الاستهلاك 8 يبقى فعلا انت عندك مشكلة فى استهلاك البنزين

يبقى اول حاجة تشك فيها

1- فلتر البنزين
2-البوجيهات

لكن لو طلعت فى الطريق المفتوح و مشيت 5 -10 كم بسرعة 90 ولقيت استهلاكك لحد 6.5 يبقى كويس اوي

**أبو أدم** · 18-08-2010 12:27 AM

المشاركة الأصلية كتبت بواسطة hobby10

انا من خبرتى التكييف بيفرق اه بس مش قوى يعنى ممكن تفرق فى ليتر تقريبا بس متهيقليش اكتر من كده

بالنسبة للسحب متهيقلى عادى مفيش مشكلة يعنى الوضع زى ما انا متعودة عليه فى السحب مفيش جديد

شكرا لحضرتك على الاهتمام ورمضان كريم :)

مضبوط ...

التكييف بيفرق 1 لــ 1.5 لتر لكل 100 كم تقريبا