تقرير كامل لنيسان صني 2010 (الاختيار - الشراء – الترخيص – صيانة الالف )

**harizy** · 19-08-2010 06:38 PM

المشاركة الأصلية كتبت بواسطة mohamedbook

الحمد لله صوت المتور مش عالي والعربية مش بتسخن الحمد لله بس معنديش الخبرة الي احكم بيها عليه عشان لسة اول مرة اجربة بس من قراتي للموضيع بتاعت الزيت اقتنعت بية خصوصا ان هو مش متعبي في مصر وايماراتي والشركة المنتجة من افضل الشركات
ورمضان كريم

أنا اشتريت العربية فى نهاية شهر 7 من هذا العام، وعلى وشك عمل صيانة الـ 1000 ك، يعنى ممكن اشتريه بعد استخارة المولى عز وجل، وأخليهم يحطوه فى التوكيل بدل من زيت موبيل 1، أو السوبر، ونبقى نطمن بعض لو فى حاجة كلمنى وأنا لو لقيت فيه مشكلة أقولك، وإن شاء الله يبقى خير ومفيش مشاكل

**fgfg** · 19-08-2010 10:26 PM

مشاء الله يا جماعه انا اشتريت نيسان صنى موديل 2010 وجميله جدا جدا معايا وعلي فكره الكنبه الي ورا مش ضيقه بالوصف الي انتوا بتتكلموا فيه ده انا كنت مرعوب من كده لما ركبت علي الكنبه لقيتها معقوله ولما الكرسين الي قدام يتقدموا لقدام الكنبه بتبقي مستريحه والمكنه شديده جدا جدا مشاء الله بس للاسف الدبرياج مرفوع جدا جدا وبيخلي العربيه تبطل منى اوقات بس ده كان في الاول لحد ما اتعودت عليها

------------------------

الكتابة باللون الاحمر مخصص للمداخلات الادارية , ولذلك تم تغير لون الخط

يرجى مراجعة قوانين المنتدى

مشرف القسم

19 ب

**mohamedbook** · 20-08-2010 04:32 AM

المشاركة الأصلية كتبت بواسطة harizy

أنا اشتريت العربية فى نهاية شهر 7 من هذا العام، وعلى وشك عمل صيانة الـ 1000 ك، يعنى ممكن اشتريه بعد استخارة المولى عز وجل، وأخليهم يحطوه فى التوكيل بدل من زيت موبيل 1، أو السوبر، ونبقى نطمن بعض لو فى حاجة كلمنى وأنا لو لقيت فيه مشكلة أقولك، وإن شاء الله يبقى خير ومفيش مشاكل

الف مبروك علي السيارة وربنا يباركلك فيها
هما مش هيعترضوا علي موضوع الزيت انت اديهلهم وهما هيقوموا بتغير الزيت ويديلك الباقي منة كمان
وعشان ترحم نفسك من موضوع الضريبة ده الي هي 10 في المية من ال 220ج يعني هتريح نفسك من 22ج هما مش كتير بس فارق بارده بجانب جودة الزيت
المهم لون عربيتك اية وهل هي اتومتك ولا مانيول وسوبر صالون ولا ex
انا سيارتي مانيول ex صالون +abs
وان شاء الله يكون فية تواصل بنا لو فيه اي مشكلة

**harizy** · 20-08-2010 04:42 AM

المشاركة الأصلية كتبت بواسطة mohamedbook

الف مبروك علي السيارة وربنا يباركلك فيها
هما مش هيعترضوا علي موضوع الزيت انت اديهلهم وهما هيقوموا بتغير الزيت ويديلك الباقي منة كمان
وعشان ترحم نفسك من موضوع الضريبة ده الي هي 10 في المية من ال 220ج يعني هتريح نفسك من 22ج هما مش كتير بس فارق بارده بجانب جودة الزيت
المهم لون عربيتك اية وهل هي اتومتك ولا مانيول وسوبر صالون ولا ex
انا سيارتي مانيول ex صالون +abs
وان شاء الله يكون فية تواصل بنا لو فيه اي مشكلة

يا باشا والله شاكر اهتمامك وسرعة ردك، العربية دهبى (مش بحب أقول شامبين عشان فيها رجس أمرنا المولى باجتنابه) مو 2010، سوبر صالون

**mohamedbook** · 20-08-2010 09:33 AM

المشاركة الأصلية كتبت بواسطة fgfg

مشاء الله يا جماعه انا اشتريت نيسان صنى موديل 2010 وجميله جدا جدا معايا وعلي فكره الكنبه الي ورا مش ضيقه بالوصف الي انتوا بتتكلموا فيه ده انا كنت مرعوب من كده لما ركبت علي الكنبه لقيتها معقوله ولما الكرسين الي قدام يتقدموا لقدام الكنبه بتبقي مستريحه والمكنه شديده جدا جدا مشاء الله بس للاسف الدبرياج مرفوع جدا جدا وبيخلي العربيه تبطل منى اوقات بس ده كان في الاول لحد ما اتعودت عليها

الف مبروك علي السيارة
ضيق الكنبة الخلفية بيبان لما السائق او صاحب الكرسي الامامي بيرجع الكرسي لوة لو هو طويل شوية بتبقي مشكلة كبيرة
اما موضوع الدبرياج لو كان عالي ومش مريح رجلك ممكن تخليهم في التوكيل يوطهولك شوية علي حسب رحتك

**melsfrrag** · 22-08-2010 01:03 PM

صباح الفل ورمضان كريم
ممكن حد من الاخوة يفيدنى وعن تجربة فعلية ايه هى مميزات الاتوماتيك الصنى السوبر صالون وهلى المانيوال افضل من الاتوماتيك فى الصنى وياريت الاقى رد سريع مشكورين وانتم طيبين

**ahmedhawas** · 23-08-2010 03:14 PM

متعرفش هما في التوكيل وطولك الدبرياج ازاي
انا عربيتي دبرياجها فعلا عالي ومتعب جدا وبقالي عالحال ده اكتر من سنتين لحد مازهقت من سواقتها
صني 2008 ex manaul

**mohamedbook** · 24-08-2010 05:57 PM

المشاركة الأصلية كتبت بواسطة ahmedhawas

متعرفش هما في التوكيل وطولك الدبرياج ازاي
انا عربيتي دبرياجها فعلا عالي ومتعب جدا وبقالي عالحال ده اكتر من سنتين لحد مازهقت من سواقتها
صني 2008 ex manaul

والله انا مليش في الميكانيكا اوي بس هو وطهولي وخلاة ممتاز ولو رحت الاي ميكانيكي شاطر هيوطيهولك باردك

**badreldinahmad** · 25-08-2010 04:03 PM

السلام عليكم ورحمة الله وبركاته
الحقيقه ان دى المشاركه الاولى لى فى المنتدى الذى اشتركت فيه اليوم فقط بعد نصيحه من صديق عزبز لما نويت بيع سيارتى الجولف مو 90 و اشترى عربيه جديده وكانت السيراتو الجديده عاجبانى لكن انتهى الأمر للمقارنه بين الأوبترا والصنى، وانا ميّال اكتر للصنى و اتمنى من حضراتكم ممن له تجربه او عنده معلومه ان يساعدنى فى هذا الأمر هل عيوب التصنيع مما يمكن التغاضى عنها ولا لأ، كمان انا عايز اجيب السوبرصالون بس هل لأنها عفشه رياضيه هتكون ناشفه؟ يعنى انا عندى اطفال وعايز العربيه تكون ناعمه فى المطبات ما تدبش، والبنزينن اخباره ايه، ارجو الإفاده وكل عام وانتم طيبون

**badreldinahmad** · 27-08-2010 01:09 AM

اولا الف مبروك يا استاذ محمد على العربيه وربنا يرزقك برزقها ويكفيك شرها
ثانيا جزاك الله كل خير والله يباركلك بكل كلمه كتبتها بإسهاب وشرح وافى تماما وانا كتبت للساده الاعضاء اسألهم النصيحه لأنى على وشك شرا؟ وفعلا تقفيل كاوتش الباب والشنطه مستفز للدرجادى؟ وايه حكاية خامات التابلوه؟