انتهاء كوبرى 4.5 بطريق السويس

**Ayman-Ahmed** · 12-08-2010 07:14 PM

المشاركة الأصلية كتبت بواسطة khaled_nowaihy

بيقى أكيد الافتتاح فى 6 أكتوبر طبعاً
ولازم بعد ما يخلصوا الكوبرى ده يا ريت يفكروا فى مشكلة ال u-turn اللى بعد تقاطع الأوتوستراد
ده مهزلة

بحكم سكنى قريب جدا من الكوبرى.اقولكم ان الفردة اللى جاية من السويس شغالة معظم الوقت بمعنى انهم ساعات بيقفولها لما بيطلعوا اوناش فوق او بيصبوا السور الحديدى للفردة التانية.

بس 6 اكتوبر اعتقد بعيد اوى لان الكوبرى فاضله تشطيبات بسيطة ومعظمها فى مطلع الكوبرى.

اول امبارح شغلوا الفردة الرايح 1\2 ساعة واعتقد تحت التجربة عشان اتقفلت تانى بس كانوا لسة بيعملوا فى السور الحديدى.

ربنا يسهل ويقربوا يخلصوا عشان استوينا من الزحمة صبح وبلليل تحت الكوبرى

-تقصد ال u-turn اللى عند الدار ؟ لان معظم الزحمة هناك بسبب الافراح-المترو-الشريط المتكسر-عدم صبر اللى قاطع الطريق او يبعدوا حتى عن الشمال هنا.

المشاركة الأصلية كتبت بواسطة hugan

لسه بدري عليه
كوبري طريق السويس اهم با لنسبه لهم علشان الوزراء عند نزولهم من التجمع
انما كوبري موقف العاشر
لايعنيهم في شيء عل مهلم

هو فيه وزراء ساكنين فى التجمع ولا تقصد مدارس اولادهم اللى هناك؟

**Dr Zezo** · 12-08-2010 07:21 PM

المشاركة الأصلية كتبت بواسطة hugan

لسه بدري عليه
كوبري طريق السويس اهم با لنسبه لهم علشان الوزراء عند نزولهم من التجمع
انما كوبري موقف العاشر
لايعنيهم في شيء عل مهلم

ازاي بس

دا اتسفلت و بقي ميه ميه فاضل شوية تفاصيل صغيرة كده و كنت سألت واحد من اللي شغالين هناك و قال انهم هيفتحوا علي اسبوع كده

عامة مش مشكلة ادينا متعايشين مع الواقع

**hugan** · 12-08-2010 09:23 PM

المشاركة الأصلية كتبت بواسطة emo_ayman

بحكم سكنى قريب جدا من الكوبرى.اقولكم ان الفردة اللى جاية من السويس شغالة معظم الوقت بمعنى انهم ساعات بيقفولها لما بيطلعوا اوناش فوق او بيصبوا السور الحديدى للفردة التانية.

بس 6 اكتوبر اعتقد بعيد اوى لان الكوبرى فاضله تشطيبات بسيطة ومعظمها فى مطلع الكوبرى.

اول امبارح شغلوا الفردة الرايح 1\2 ساعة واعتقد تحت التجربة عشان اتقفلت تانى بس كانوا لسة بيعملوا فى السور الحديدى.

ربنا يسهل ويقربوا يخلصوا عشان استوينا من الزحمة صبح وبلليل تحت الكوبرى

-تقصد ال u-turn اللى عند الدار ؟ لان معظم الزحمة هناك بسبب الافراح-المترو-الشريط المتكسر-عدم صبر اللى قاطع الطريق او يبعدوا حتى عن الشمال هنا.

هو فيه وزراء ساكنين فى التجمع ولا تقصد مدارس اولادهم اللى هناك؟

حضرتك ما رحتش حي الوزراء بجوار الجولف
طبعا ساكنين هناك واوقات طريق السويس بيقف لما يكون الوزراء عندهم اجتماع مع الرئيس في مكتبه في روكسي
الوزراء الساكنين
سامح فهمي
احمد شفيق
الراجل بتاع الانتاج الحربي الغمراوي
سامي عنان رئيس الاركان
عبد العظيم وزير المحافظ
دول الللي انا اعرفهم بحكم المشاريع اللي عملت فيها في الجولف
وعلي رائسهم سامح فهمي لاني توليت بند من بنود التشطيبات في فيلته

**alaasaid** · 15-08-2010 03:04 PM

السلام عليكم ,

انا ساكن فى الشروق و الكوبرى بصراحة فرق جدا عن الاول قبل الكوبرى كان لازم انزل متأخر عشان تكون الزحمة خفت شوية مش قبل 8 بليل عشان اتحرك من الشروق انما دلوقتى الحمد الله الطريق بقى ممتاز و بقى عذاب بس فى الرجوع لحد ما الكوبرى يخلص فى الاتجاهين

**El.Hossieny** · 16-08-2010 04:06 PM

انا ساكن في الماظة ( يعني جنب الكوبري علي طول ) و كان عذاب ليا لما اجي رايح علي الرحاب او التجمع او طالع الدائري .... .انما بعد الكوبري الحياة هتختلف اكيييييييييييد 180 درجة ( ان شاء الله ) ... و انا من اشد المنتظرين للكوبري اللي هيحل ازمة مرورية رهيبة

**karkor30** · 17-08-2010 09:57 AM

مازال العمل جار فى الطريق وقاموا بأعمال توسعة للطريق في كلا الاتجاهين

الطريق بقى واسع جدا والرصف بتاعه برضه كويس لكن لسه بعض أعمال الرصف شغالة وبعض الاعمال فى الكوبر نفسه

ان شاء الله هيبقى كويس جدا وهيحل ازمة الزحمة فى المنطقة دى

**Samir Elshahawy** · 25-08-2010 05:31 PM

الاخوة الاعضاء الكرام ..

كل عام و حضراتكم بخير ...

منذ قليل و أثناء عودتي من العمل بمكتب الشركة في ألماظة متجها الي الرحاب عبر الكيلو 4,5 اذا بي أجد المرور سلس جدا و الحركة منتظمة في سهولة و يسر تامين و ذلك نتيجة أنتهاء الاعمال بكوبري الكيلو 4,5 في الاتجاه القادم من ألماظة الي طريق السويس

بصراحة الكوبري جميل جدا و ممهد بشكل رائع لدرجة اني و لو أول مرة أجتزت الكيلو 4,5 في اقل من 5 دقائق

شكرا جزيلا للقوات المسلحة علي هذا الجهد
و شكرا لشركة المقاولون العرب التي ساهمت في هذا العمل و مازالت تسهم في توسعة و رصف الطريق

و مبروك لنا جميعا بهذا الانجاز الذي يسهم في تخفيف عبء مروري فظيع عنا

مع خالص تحياتي
م/ سمير الشهاوي

**faron525** · 25-08-2010 10:33 PM

خبر رائع الحمد لله علي الانجاز وعقبال كل الطرق تبقي كده

**m7nsh** · 26-08-2010 06:55 AM

مبروك لكل مستخدمى هذا الطريق

و لكن فى سؤال بعد اذن حضرتك ياباشمهندس ..
انا عارف الكوبرى اللى فى اول طريق النصر بعد مساكن شيراتون .. و بيكون من تحته شارع الثوره اللى بيطلع على طريق السويس ..
يعنى الكوبرى ده المفروض بيخدم اللى ماشى على الأوتوستراد .. واللى رايح طريق السويس من الماظه مش بيطلعه !

هو ده غير اللى حضرتك بتقول عليه ولا انا متلخبط ؟

-

الموضوع: انتهاء كوبرى 4.5 بطريق السويس

LinkBack

أدوات الموضوع

عرض

-

-

و أخيرا .. تشغيل كوبري الكيلو 4,5 -

-

-

المواضيع المتشابهه

عودة حركة السير إلى طبيعتها بطريق «السويس القاهرة» بعد إنهاء قطع الطريق

حادث بطريق أكتوبر يشل حركة المرور

حادث بطريق أكتوبر يشل حركة المرور

انتهاء خدمه الاحتياط

مزرعة فواكة بطريق الساحل الشمالى

الكلمات الدلالية لهذا الموضوع

المفضلات

المفضلات

ضوابط المشاركة