الموضوع: اضاءة غير الزينون ؟؟

المشاركة الأصلية كتبت بواسطة mido_soliman

بص يباشا انا مش حركب زينون لاعتبارات خاصة بيا يمكن مش عند باقى الناس وهية
1-الزينون وجع دماغ مش الواحد بيركبة ويريح دماغة زى ما الناس معتقدة دة اعتقاد خاطىء والدليل
قولى واحد جاب زينون اعد معاة سنة كاملة من غير لمبة او جهاز يتحرقوا منة طب وهوة هل يعقل انى اجيب زينون بالشىء الفلانى وميكملش سنة وعلى غفلة حاجة تحصل فية واغنى انا ظلموة واعد الف وادور على نفس الجهاز ونفس اللمبة اللى كانت عندى واساسا كلة مضروب ودى مشكلة تانية ان الرخيص مضروب والاصلى صينى بردة بس غالى جدا جدا
2-انا بصراحة مش حستحمل ظابط ميسواش 3 تعريفة فى سوق الرجالة انة يوقفنى ويغتت من باب الغتاتة ويدفعنى فلوس لان حتى مبدا الردار بالنسبالى انا بحسة جباية او اتاوة فما بالك لما يوقفنى ويدفعنى الشىئ الفلانى بردة بالنسبالى حتى لو جنية علشان انا مركب زينون وهوة ممنوع يبقى انا اشتريت زينون بمبلغ وقدرة علشان احسن الروية الليلية وفى نفس الوقت بدفع علية فلوس يا صيانة يا مخلفات دة غير انى ملزم لما اجى افحص انى اشيل الزينون قبلها واركب اللمض القديمة وهوة اساسا عقبال معاد الفحص حيكون شيع من زمان ياراجل الزينون دة يتجاب لما يبقى ليجال دة اولا ولما يبقى الاصلى منة بالكتير ب 500 جنية مش الاقى الطقم الاصلى ب 1800 جنية صينى ولمبتة لما تتحرق اجيبها لوحدها ب 400 جنية لية يباشا هوة انا راكب جاجوار ولا اية :)
انا عايز بس الناس تتفاعل معايا شوية وتجاوب على مشاركتى الاساسية لان انا شايف ان الناس متكلمتش خالص على اللمبات العادية دى وكمان نوع الزيت
تحياتى

على فكرة ياميدو الزينون دلوقتى ملهوش دعوة بالضفيرة نهائى يعنى بتاخدله الوصله بتاعته من طرفين البطارية وخلاص
انا جبت زينون hid 6000 وركبهولى واحد كهربائى بس صنايعى نضيف(فى اسكندرية) ماخدش فى ايده ربع ساعة من غير تقطيع سلوك ولا لعب فى الضفيرة كل الى عمله خد زى ماقلت فى الاول طرفين من البطاريه وركب اللمبات مع العلم ان عربيتى برضه لسه فى الضمان
وبعدين قالى دلوقتى الزينون بقى غير زمان يعنى لو لمبة اتحرقت هتغيرها لوحدها او لو اى قطعة حصل فيها حاجة ممكن تغيرها لوحدها من غير ماتجيب جهاز كامل .
عموما الاختيار لك بس انا حبيت اوضح النقطة ديه واسف على الاطاله
وربنا يباركلك فى سيارتك ويكفيك شرها ...تحياتى

المشاركة الأصلية كتبت بواسطة max_pin

على فكرة ياميدو الزينون دلوقتى ملهوش دعوة بالضفيرة نهائى يعنى بتاخدله الوصله بتاعته من طرفين البطارية وخلاص
انا جبت زينون hid 6000 وركبهولى واحد كهربائى بس صنايعى نضيف(فى اسكندرية) ماخدش فى ايده ربع ساعة من غير تقطيع سلوك ولا لعب فى الضفيرة كل الى عمله خد زى ماقلت فى الاول طرفين من البطاريه وركب اللمبات مع العلم ان عربيتى برضه لسه فى الضمان
وبعدين قالى دلوقتى الزينون بقى غير زمان يعنى لو لمبة اتحرقت هتغيرها لوحدها او لو اى قطعة حصل فيها حاجة ممكن تغيرها لوحدها من غير ماتجيب جهاز كامل .
عموما الاختيار لك بس انا حبيت اوضح النقطة ديه واسف على الاطاله
وربنا يباركلك فى سيارتك ويكفيك شرها ...تحياتى

يباشا متشكر جدا على زوقك وكرم اخلاقك وانا فعلا من باقى المواضيع والمناقشات غالبا حركب الزينون بس اظبط الفلوس الاول ان شاء الرحمن ياريت لو تعرف مكان مضمون اجيب منة توصفلى واجيب ال 6000 بكام ومعلش طولت عليك يباشا ومتشكر جدا

المشاركة الأصلية كتبت بواسطة mido_soliman

يباشا متشكر جدا على زوقك وكرم اخلاقك وانا فعلا من باقى المواضيع والمناقشات غالبا حركب الزينون بس اظبط الفلوس الاول ان شاء الرحمن ياريت لو تعرف مكان مضمون اجيب منة توصفلى واجيب ال 6000 بكام ومعلش طولت عليك يباشا ومتشكر جدا

العفو يامان احنا اخوات...بص ياباشا الزينون الى انا أشتريته HID 6000 خمسه وخمسين وات من شركة السيد جابر فى سموحة - عزبة سعد- اسكندريه ب525 جنية بالعراك
ودية صورة العلبة بس للأسف بعد مالجهاز اتركب


ودية صور طريقة التوصيل هتلاقيها سهلة وبسيطة جدا يعنى انت لو بتعرف فى الكهربه ممكن توصله


ودى صورة العلبة من الداخل


ملحوظة صغيرة:
جربت فلاش الزينون فى النهار كان واضح جدا حتى من على بعد
عشان لو بتنبه حد ولا حاجة
النور الواطى قوى جدا وفارش اوى ومشيت فى طرق منوره اضائتها قوية وكان نور الزينون الواطى واضح فيها والعالى بقى يعمى
بالنسبة للطرق المضلمه فرق شاسع بين النور الاصفر العادى والزينون
فعلا الزينون افضل بكتير واقوى بكتير
بالنسبة للوقت التسخين:
اللمبات اول مابتفتحه بيديلك اضاءة كويسه
بعد بظبط 10 ثوانى بتقوى اكتر بعد كده بتكون وصلة لقمة الاضاءة
نصيحتى ليك بقى:
اولا راعى الناس الى فى الطريق عشان النور يعمى فعلا
كل ماتستخدم الزينون بشكل سليم وكويس هتعيش معاك اللمبات
حاول تقلل من الفلاش لأن الفلاش بتاعه مغرى جدا
اذا كان معاك فلوس كويسه وبتحب عربيتك اوى اوى
هات ال HID 6000 الى ب1600 الكورى
انما لو عاوز حاجة شغاله وكويسه وسعره كمان كويس
يبقى هات ده وربنا يوفقك واسأل كتير وفاصل كتييييير
تحياتى

عاجز عن الشكر يباشا هوة انا بحب عربيتى اوى اوى صحيح بس 1600 جنية ممكن يخلونى اكرهها :)
بيتهيالى اخلينى فى دة احسن هوة بقالة معاك قد اية وعيوبة اية ؟ عمرة الافتراضى قليل مثلا علشان كدة الفارق الكبير بين سعرة وسعر الكورى والجهاز واللمبة بتوعة لما بتحرقوا بتغيرهم بكام ؟
تحياتى