السلام عليكم ورحمة الله

حبيت انقلكو تجربتى ربما تفيدكو

انا معايا برسونا 2009

تم تغيير الطنابير فى صيانة ال 20000 بسبب الغربله الناتجه من تلف الطنابير الاماميه
ركبت التيل المحلى اللى ب 140 جنيه + طنابير جديده

النتيجه فى اقل من 5000 كم :
1- فرامل بتحجر ومابتمسكش
2- رائحة شياط بعد اول فرملتين
3- الطنابير الجديده باظت هى كمان وبترجرج جامد

قولت انقل لكم التجربه لتعم الفائده وعدم اختيار التيل المحلى تانى

المره دى هاخد معايا تيل ريمسا اسبانى واخليهم يغيرولى الطنابير بواحده جديده فى الضمان ويركبولى الريمسا ويطلعو الطنابير من الضمان


ملحوظه : اسلوب القياده عنيف شويه يعنى ممكن لو حد هادى مايحسش بحاجه خالص غير وقت مايحتاج فرمله حقيقيه بس

شكرا


تم تعديل العنوان ليتناسب مع الموضوع
مشرف القسم ب8
14/8/2010 01:16am