الموضوع: ماساتى مع الانوس كلفتى 7000 جنيه

الحمد لله انها جت على كده
اهم حاجه طلع حاجه لوجه الله فداء ليك والعربيه

نفول
الحمدلله انك طلعت منها سلم وماكان فيك اي اصابه والحمدلله انها جت معاك لحد كده انا الحمدلله قدر ربنا علي موقف زي ده بس كان اصعب منك بشويه كنت اشتريت سياره شيروكي 97 يوم الخميس اوعدت معاي الحمعه والسبت والاحد والاتنين كنت مسافر بيها والحمدلله قدر ربنا انها تعطل بنص الطريق حاولت ادورها مادارت سبتها شويه وجيت ادورها دارت متلتله ولحطات وسمعتها ضربت مدفع التاني التالت لاقيت كوره لهب مهوله طالعه من الماتور ومسك بخرطوم طرمبه البنزين المهم الناس الحمدلله كانت خايفه تقرب من المنظر اللي كانت شيفاه واللي معاه طفايه خاف يطلعها اوينزل بيها
انا سلمت امري لله وانا شايفها بتولع ادام عيني وقولت خلاص النار دلوقتي هتوصل للتنك وحمدربنا وقولت الدعاء وبعدت عن العربيه بعد ما ايقنت انه كل شي خلاص انتها وسبحان الملك يجي اتوبس هيئه نقل عام وينزل السواق والكمسري كل واحد شايل طفايه كبيره ويطفو والناس بالاتوبيس نزلو جابو تراب من الشارع وطفوها في لحظات المهم كانت العربيه تقربيا من قدام كل شي فيها راح لحد تحت التبلوه وطبعا حاجه الاميركاني كنت اعرف انها غاليه بس ماكنت اعرف انها دبح نزلت اسال علي الدفيره الكامله للحوض والتبلوه لاقتها ب5500 ومسطره الرشاشات والحاجات الللي ولعت عملت بحدود السته
ربنا اكرمني بكهربائي ابن حلال قالي هنجيب فيش الرشاشات والحاجات المهمه وانا هعلمك الباقي وبالفعل عملنه والعربيه اخدت اسبوع صرفت عليها 11 الف لحد مارجعت تاني وبعدها اقسمت انها مش هتقعد معاي تاني بعتها بعدها باربع ايام من بعد ماعملتها بخساره 10 الاف لانها رشت طبعا يعني العربيه اعدت معاي 14 يوم صرف علي 21 الف جنيه وكانت بالنسبالي صدمه طبعا المهم بعدها بتلت ايام ربنا اكرمني واشتريت النوبيرا وانا واقف مع اخويا بيتفرج عالعربيه اسمع صوت عربيه جايه عامله امركاني وتخميس جامد وصوت صارخه فرامل وحاجه بتخبط بشده راحنا نشوف انا واخويا ايه اللي حصل لاقنا اقسم بالله العظيم نفس العربيه عامله حادثه وخبطت عربين وبعدها دخلت بعمود بالوقت ده سجدت لربنا سبحانه وتعالي شكر وانا فعلا راضي ومقتنع ان ربنا سبحانه وتعالي رحيم بينا لابعد الحدود وكان ده من اكبر الدروس اللي اتعلمتها بحياتي واستفدت منها فربنا ياجرك بمصبتك ويرزقك التعويض عليها وبلاش تندم لان ربنا عدل ورحيم

المشاركة الأصلية كتبت بواسطة emad2100

انا فعلا عملت شكيت فى البلى ومورت العربية على سرعة 100 كم والصوت زى ما هو موجود

طيب كده حضرتك لازم تحدد البلي التالف أمامي ولا خلفي , وبعدها توكل على الله وغيرهم , بس نصيحه بلاش تغيير بليه وبليه لا , يعني لو البليه الاماميه يمين بايظه يبقا غير يمين وشمال وهكذا

بالنسبه للبلي الأمامي : الـ skf الأسباني (اصلي) سعرها 110 جنيه - سعر الواحده
بالنسبه للبلي الخلفى : الـ Vaico الألمانى سعرها 45 جنيه - البليه الواحده

والبلي الامامي يركب عند خراط على مكبس , والخلفي بيركب عادي بدون مكبس

المشاركة الأصلية كتبت بواسطة emad2100

انا متشكر على هذه المعلومات لكن عندى سؤال يعنى لو الميكانيكى قالى ان السبب هو البلى الامامى اشتريه وخلى خراط يركبه ويعنى ايه خراط مكبس ومكانه فين مع تحياتى

لو البلي الامامي طلع بايظ حضرتك بتشتري البلي زي ما اتفقنا وبتروح للميكانيكي وهو بيفك المساعد والكلام ده وبتروح معاه لخراط (وطبعا اي خراط بيكون عنده مكبس) وبتركب البلي على المكبس عادي , وفكره المكبس هو انه بيضغط على البليه ويبيتها مكانها بشكل سليم وصحيح , لكن تركيب البليه بالدق بيتلفها من قبل ما العجله تمشي عالارض

اختبار البلي عند الميكانيكي بيكون عن طريق ان بيرفع العجله المشكوك فيها , ويلفها على سرعات عاليه , ولو في صوت زنه او خشونه ظهر منها فـ ده معناه ان البليه بايظه

طبعا العجل الامامي هو يقدر يديله الحركه عن طريق الموتور وتعشيق غيار ولف العجله على سرعه عاليه , والعجل الخلفي بيلفه بإيده , واحيانا لما بيكون صوت العجله مش واضح بيحط ودنه على الرفرف فوق العجله ويسمع الصوت

قدر الله و ماشاء فعل لكن لازم تعرف العيب منين فى الموتور ومتسكتش علية