الموضوع: في تسجيل صوتي.."كاميليا" تطلب الصلاة عليها لو لم تعد

المشاركة الأصلية كتبت بواسطة ahmed hassan

انا شخصيا معنديش مشكله في اي مناقشه موضوعيه... بس هل احنا نعرف حقيقة الموضوع ايه علشان نناقشه؟
ثانيا واقع حياتنا بيقول ان احنا -معظمنا- مش بتوع مناقشه منطقيه... و ده شيء ممكن نتعايش معاه في مواضيع عاديه زي السيارات مثلا ... لكن المواضيع الحساسه لازم نتفادى النتائج السلبيه اللي ممكن تنتج عن مناقشتها... لان حتى لو ١٠٠ عضو تناقشوا بتعقل و موضوعيه ممكن واحد بس يدخل يضرب "كرسي في الكلوب" و يبوظ الدنيا.. و اظن الكلام ده مش جديد و كلنا شفناه في حياتنا.

أكتر كلام منطقي وعاقل عجبني.
لو كل خبر لاسلام أخ أو أخت أو العكس وقعدنا نعقب عليه واحنا مش عارفين حقيقته أو كل خبر عن هجوم على دير أو كنيسة مسكناه واحنا برده مش عارفين التفاصيل أو صحته, النتيجة مش هتكون كويسة. أنا شخصيا الأخت الفاضلة معرفهاش ولا تقلل أو تزيد في شيء صحة الخبر أو خطأه بس أنا معنديش أي تفاصيل حقيقية غير اللي بسمعه من جرايد ومواقع عمرها مانشرت ريحة الحقيقة. احنا نفتقد في وطنا العربي الحقيقة والمصداقية ونلجأ لوكالات الانباء الاجنبية. دحنا من شهر ماكناش عارفين البنزين غلي ولا لأ ودلوقتي مش عارفين العربيات غليت ولا استهبال.
الخوف إن المناقشة تتحول من مناقشة خبر وصحته اللي مناقشة دينية ده مش مكانها. ياريت أي حد عنده معلومة من مصدر موثوق يفيدنا.
كل الاعضاء على مستوى علي من الإحترام والمسئولية بس المناقشات ديه ساعات بتنجرف مهما كان مدي مسئولية الالشخاص. السادات كان عارف كده زمان ولجأ لأعنف حملة اعتقلات ( من النحيتين ) لاحتواء الازمات ديه. يمكن عشان احنا شوية بشوية بنفقد الإحترام في النقاش, وده (من وجهة نظري المتواضعة) اهم من العقل وإن الكلام يكون موزون أو معسول.

المشاركة الأصلية كتبت بواسطة hugan

الاخوه الذين يدعون الي غلق الموضوع انما يقلدون النظام المصري

أول حاجه هقولك "ربنا يسامحك" علشان بتشبهني بالنظام المصري.

المنتدى بيمثل المجتمع مش صفوة المجتمع ... (هوه يعني ايه صفوة المجتمع؟ المثقف و لا الغني و لا الفنان لا عالم الدين و لا السياسي؟)

تاني حاجه سيادتك حكمت على رأيي و عليا بدون مناقشة الاسباب اللي انا كاتبها و أكدت نظريتي. فشكرا ليك

أنا شايف المناقشات تكاد تكون عامة ولا يوجد فيها تجاوز يدعو للدعوة لغلق الموضوع خاصة مع تدخل المشرفين لضبط الإيقاع

ولو قصرنا النقاش على الأخبار المؤكدة فقط لتوقفنا عن النقاش

المشاركة الأصلية كتبت بواسطة hugan

الاخوه الذين يدعون الي غلق الموضوع انما يقلدون النظام المصري
اكفي علي الخبر ماجور
لا طبعا اذا لم نتناقش والكل يقول رائيه ما الفائده من مثل هذا المنتدي الذي من المفروض انه يجمع صفوه المجمتمع فكريا
في مشاكل طبعا في مشاكل
وما ينفعش اننا نكرها
زياده سلطه الكنيسه علي الدوله نعم واعتبار الكنيسه الممثل الشرعي والوحيد للمسحيين في مصر امر واقع ولا يمكن انكاره
تقوقع المسحيين ولجو ئهم الي الكنيسه في كل مشكله وضغط الكنيسه علي الدوله واستجابت الاخيره نتيجه ترهلها امر واقع ولا يمكن انكاره
العزف علي نغمه الا ضطهاد ولي ذراع الدوله الضعيفه امر واقع
تسليم شخص مصري كامل الاهليه الي الكنيسه مذا يتم تسميته الا بمعني ان الكنيسه هي الممثل الرسمي والمتحدث باسمهم
المظاهرات والضغط علي الحكومه لكل شخص يعلن اسلامه والمطالبه بتسليمه ماذا يسمي هذا.
نحن نتناقش بعقلانيه بدون ان نعيب في احد وارجو من المشرف عدم حذف المشاركه مثل سابقتها لانها لايوجد بها ما يعيب او يزعل
في المصري اليوم تم تسليم زوجه الكاهن الي الكنيسه خبر رسمي
ماذا يسمي هذا
كل واحده تغضب من جورها لازم الكنيسه تستلمها
شيئ غريب
ارجو عدم الحذف

اصل احنا عنصرييييييييييييييييييييي ييييييين جدا الا القليل
من اول التريقة على الصعايدة مرورا باللى بيحصل فى الشارع من "يا اجرة" و "يا نقل" و "تلاقى امك اللى جايبهالك" الى مسلم و مسيحى
و فى خلل لأ مش خلل ده شرخ فى النظام
كلام ان الكنيسة فارضة سيطرتها ده مش واقعى بدليل أزمة زواج الأقباط
و صحيح ان اقباط المهجر صوتهم عالى
و الازهر مش فارض سيطرته برضه
الشغل الشاغل لاجهزة الدولة حماية النظام و كل امور الشعب تليه
فبما اننا لا هنودى و لا هنجيب لو اتناقشنا ميت سنة
و بما ان اشعال نار الفتنة شىء محتمل جدا جدا
فحذف و ليس غلق الموضوع احسن

المشاركة الأصلية كتبت بواسطة hugan

يا باشا لا ارجوك ماتزعلش انا لااقصدك بشخصك في اكتر من رائي طالبو بغلق الموضوع
لاالمنتدي تقريبا بيمثل الناس المحترمه اللي في المجتمع الا القليل من الاعضاء ودي نسبه مسموح بيها في اي فئه
معلش مش واخد بالي ممكن تقولي ايه هي نظريتك بجد والله مش تريقه
المناقشه للوصول الي حل افضل من دفن الرؤس في الرمال

دي اسبابي اللي قلتها في مشاركتي

واقع حياتنا بيقول ان احنا -معظمنا- مش بتوع مناقشه منطقيه... و ده شيء ممكن نتعايش معاه في مواضيع عاديه زي السيارات مثلا ... لكن المواضيع الحساسه لازم نتفادى النتائج السلبيه اللي ممكن تنتج عن مناقشتها... لان حتى لو 100 عضو تناقشوا بتعقل و موضوعيه ممكن واحد بس يدخل يضرب "كرسي في الكلوب" و يبوظ الدنيا.. و اظن الكلام ده مش جديد و كلنا شفناه في حياتنا.

- لا أعلم في الحقيقة ما هي طبيعة التوثيق المطلوب لخبر مثل هذا..مظاهرات أمام الكاميرات وخبر تسليم كاميليا ومن قبلها للكنيسة وتصريحات من مسؤولي الكنيسة بأنها حاليا تخضع لغسيل دماغها المغسولة في مكان مجهول..مش فاهم إيه المطلوب أكثر من كده عشان نعرف نفهم الأخبار ونحللها

وبعدين الناس اللي اعترضت جابت خبر من اليوم السابع منقول فيه الكلام ده بالنص..والتوبيك ده مبنى على خبر من جريدة المصريون والكل يعلم مصدر أخبار المصريون وأنها قريبة الصلة جدا بدوائر نافذة في سياسة البلد...الموضوع واضح وضوح الشمس..وأرى أن الاستناد إلى فكرة عدم توثيق الخبر هو ضرب على وتر غاية في الضعف...الخبر أوثق من أن يوثق

- ممكن أقول إيه المطلوب ببساطة...نطلب إن كاميليا تظهر على شاشة التليفزيون تقول إنها مش مجبرة على شئ ولا مسجونة ومش عاوزة تدخل الإسلام..مش ده برضه حل كويس؟!.. يبقى ليه مناخدش بيه...النتيجة معروفة طبعا

- ومنذ متى وكل الناس تستطيع إجراء أي مناقشة بهدوء..يوجد دائما منفلتو الأعصاب ومن ليست عندهم قدرة على ضبط انفعالاتهم..إذا فالحل بهذه الطريقة هو غلق باب المناقشة حول أي شئ بدءا من هذا الموضوع وانتهاء بالنقاش حول أفضل أنواع الآيس كريم مرورا بالسيارات الكوري والصيني بحسب تخصص المنتدى

- أعيد التذكير مرة أخرى حتى لا تجرفنا الكلمات....
--- الواقع هو ما يحدد وجود مفاسد وخسائر من عدمه وهذا الموضوع ما هو إلا انعكاس للواقع وليس هو البادئ بالمشكلة..ولو أغلق الموضوع أو تم حذفه ونام من طالب بذلك هنيئا قرير العين أن (نايل موتورز منطقة خالية من الحساسية) فسيظل الواقع المؤلم المرير كما هو..يضغط على أعصاب الناس يوميا ويسكب في جراحهم المفتوحة أطنانا من الملح
--- والحل أن نتكلم مع بعضنا بهدوء وتعقل بقلوب مفتوحة وعقول واعية

نسأل الله أن يهدينا لما اختلف فيه من الحق بإذنه إنه يهدي من يشاء إلى صراط مستقيم