فاهم حاجه ولا اشرح وأطول وبعدين الاقي جاليليو سايبنا وماشي؟؟؟؟
Ha Ha, very funny
المشاركة الأصلية كتبت بواسطة heshamzaky
دة كمبوتر العربية يا رجالة الى عاوز يتفرج على شكلة للعلم بالشيىء شايفين صنعة اية يا جدعان فرنساوى و الله اول مرة امسكة و اشوفة دة صورتة لما كنت مع زلبانى فى المنتجع ههههههههههه
اتش , على فكرة مش ده اللى عندك , ده بتاع الديجيبليكس
اللى عندك بتاع الميكروبليكس MicroPlex و هو احدث شوية من ده و شكله مختلف و بوش برضو
المشاركة الأصلية كتبت بواسطة ZALABANY
حمد الله على السلامه يا جاليليو باشا وياريت تفعلنا الموضوع التاني بتاع التمبرا سؤال وجواب
الله يسلمك يا باشا , و ان شاء الله حادخل على الموضوع
المشاركة الأصلية كتبت بواسطة hany121
حمدا لله علي السلامه يا جاليليو. منور المنتدي والرابطه..
الله يسلمك يا هانى , و المنتدى و الرابطة منورين باهلها
المشاركة الأصلية كتبت بواسطة kdosoki
عودٌ حميد يا ابو حميد
خالد باشا , متشكر جدا
المشاركة الأصلية كتبت بواسطة reemnabel
حمد له على السلامه ياجاليليوا ونورت المنتدى بجد
الفلتر ال غيره حاجه بيضه كده ومتركبه قدام وفعلا انا اعرف ان فلتر الانجكشن بيكون تحت العربيه بس انا قولته بص عليه قالى مفيش حاجه
وانا متاكده ان العربيه انجكشن
ومعلشى مش عارفه ايه فلتر الهوا ده لو ال فى دماغى ال هو شكل الخرطوم كده وراكب بحلقه كده صح لو هو ده مغيرتوش قبل كده والبوجيهات اشتريت طقم جديد تلاته شمعه وبصراحه زى الفل مفيهاش حاجه
ومحدش لعب فى كهربا العربيه خالص والمشكله كانت قبل تغير الكوتشه
ومعلومه جديده بقه
الكبالن بتطقطق فى الملفات واتصلت بالمكانيكى قالى ان الكبالن كانت كوتشه الى فيها شحم فضت الشحم فا اثرت على الكبالن وامبارح قالى انه غير الجلده التانيه كمان غير ال انا اشترتها ال شكل البيانوا شويا
دى انا اشتريتها ب 15 جنيه ولما فك الكوبلين فعلا كانت مقطوعه بس الجلده التانيه دى انا بقه مشفتهاش وهو بيغيرها وبصراحه اتجننت يعنى العربيه كانت ماشيه زى الفل قبل ما اغير الكوتشات وتتشحم وتتملى زيت ولما تظبط العربيه تطقطق
ربنا يخليكى و يبارك فيكى يا ست الكل
فلتر الانجكشن فعلا بيبقى تحت العربية , فى الحته اللى تحت الكنبة قدام تنك البنزين , و بيبقى متغطى بقطعة بلاستيك كحماية ليه , بتتفك ب 3 مسامير و يبان الفلتر
فلتر الهوا , بيبقى كرتون و مشرشر و بيبقى راكب جوه العمة البلاستيك اللى فوق الموتور
خليه يبصلك عليه و لو حالته كويسة ممكن ينضفة بالهوا و يركبه تانى
بالنسبة للكبالن , مفيش نوع كويس , انا كنت جايب انضف نوع موجود فى السوق و ما كملش 10 شهور و ساعات بسمع طقطقة خفيفة منهم , القدام اللى كان بقالهم 17 سنه فى العربية و الكاوتش بتاعهم اتقطع بتاع 10 مرات و كل مرة امشى بيهم شهر ولا شهرين مقطوعين ما كانوش بيطقطقوا كده
سيبيهم لغاية ما يتفرتكوا و بعدين غيريهم ( مش حتلاقى زى الاصلى اللى فى العربية )
مشكلة الدوارة دى بقى انا عندى احساس ان العربية مكتومة , بصى على فلتر الهوا اللى قلتلك عليه و قوليلى ايه الاخبار
ازيك يا جاليلو عامل اية و بص الكمبيوتر دة بتاع التمبرا فعلا و دة لما سألنا علية أعتقد قال 250 جنية مش عارف بس فاروق برضو قالى دة مش بتاعك قولتلة يا عم افتكر حاجة عدلة و بعد الشر و بص انا كنت لسة حا أقول ل ريم لو عاوزة كوبلن ممكن و الله يا ريم لو تحبى نجيبلك كوبلن استراد أصلى لو عاوزة قولى لى و خلى أخوكى يعدى عليا فى وسط البلد و جربيهم و لو فيهم حاجة أمرى لله أغيرهم و تجبيبولى بيبسى هههههههههههه هما مش جا يبقو غالين مش متذكر هما يا ب 120 او 180 جنية عارف يا جاليليو انا شوفت عندة الكوبلن المشرشر زى بتاعى عشان ال abs بس و الله مش فاكر السعر ممكن الكبالن 120 او 150 او 180 الجوز و الله مش عارف انت رأيك اية فى الحوار دة
انا تمام يا اتش و الحمد لله , لسه فى المكتب لحد دلوقتى
و بعدين انا ما قلتش انه مش بتاع تمبرا , انا قلت انه مش زى بتاعك
الشكل اللى انت مصوره ده القديم اللى بيبقى راكب ورا درج التابلوه و بيشتغل مع الديجيبليكس
بتاعك احدث عشان شالوا البوبينة و الديجيبليكس و الاسبراتير و حطوا المايكروبليكس
و خلينى اصدمك و اقولك انى لما جبت الجنبين كاملين كنت واخد الكبالن بالاكسات بتاعتها و حالتها زيرو تقريبا و برضو بتوع abs
ما ركبوش عندى عشان الاكس اطول , رجعتهمله
عارف بكام , ب 150ج بس الكبالن و الاكسات
و عشان الناس برضو تبقى عارفة فرق الاسعار بين القاهرة و بورسعيد
انا كنت جايب الجنبين دول بتوع برافا , فرامل كاملة + مساعدين + سوست + مقصات + كبالن بالاكسات + الصرتين
بكام بقى , ب 500ج عشان خاطر جاليليو :) , و ما عرفتش اجيب السعر ده تانى لاى حد :)))
و كل الحاجة دى راكبة عندى ما عدا الكبالن , شغالين بقالهم اكتر من سنتين ماقالوش لأ
كل اللى حصل انى غيرت التيل بعد حوالى سنة و من شهرين ثلاثة المساعدين ابتدت تتعب و ان شاء الله حاغيرهم قريب
و بالمرة , كنت جايب الكونترول ده من هناك برضو ب 200ج من عند واحد معرفوش لانى مالقتش عند الناس اللى باتعامل معاها
و لوحة التكييف التتش ب 100ج
و ال Throttle Body ب 175ج و الكربراتير ب 300 و يتفكوا من على مكنة مش تاخدهم من على رف
و بالمرة برضو , انا عندى 4 ابواب كاملين و شوية حاجات عفشة وفرامل و مش عايزهم
حابقى اصورهم و اعملهم موضوع و اللى عايز منهم حاجة انا تحت امره
أنا نزلت ركبت العوامه بس المؤشر بيترعش في المطبات مش عارف كده بايظه ولا ايه
وركبت مفتاح 2 شده للمروحه للاحتياط عشان لو فصلت لأي سبب ماجبتش الواحد شده قالولي ضعيف وممكن يسيح
يا عم جاليليو بورسعيد طبعا أرخص بس المشوار طويل و ما نعرفش حد هناك بس الاسعار دى فى الجون و فاهم قصدك الكمبيوتر دة بيبقى لة فيشة مبططة و مستطيلة شوفتها تحت الدرج بتاع التابلوة كدة بس ربنا يبعدنا عن شر الحاجات دى مش طالبة ابدا
أنا نزلت ركبت العوامه بس المؤشر بيترعش في المطبات مش عارف كده بايظه ولا ايه
وركبت مفتاح 2 شده للمروحه للاحتياط عشان لو فصلت لأي سبب ماجبتش الواحد شده قالولي ضعيف وممكن يسيح
يا عم زلبانى انا مركب المفتاح ال واحد شدة المفتاح المصرى ب 4 جنية ترمية فى الزبالة و التركى يا 7 او 8 جنية و فل الفل العومة بعد ما ركبت المؤشر بيرعش مش عارف بس زيادة فى الاحتياط غيرها ههههههههههههههه احنا خسرانين اية مش دافع فلوسها خد واحدة فل الفل
ريم هانم ازيك يا استاذة عاملة اية بصى دة الى اتغير عندك كاوتش الكوبلن و كاوتشة الزيت عشان تبقى ميكانيكى شاطر و الراجل ما يضحكش عليكى وراكى عصابة التمبرا ههههههههههههههه
الله ينور عليك يا استاذى هو فعلا الجلده الى انا اشترتها وركبها كانت زى ال فى الصوره فعلا وال طلعت من العربيه كانت ضايعه ومقطوعه جامد بس برضو لحد دلوقتى مش فاهمه ايه علاقه ده با ان صوت الطقطقه يظهر كده هو مش المفروض ان لو فى طقطقه واتغيرت الجلده دى واتشحمت الجلده التانيه واتغيرت ان صوت الطقطقه يختفى
العكس بقه ال حصل يعنى والجلده مقطوعه والشحم واقع والزيت بيسرب العربيه مكنشى بيتسمع لها صوت
وربنا يبارك فيك لو فعلا هغير الكبالن هتعب حضرتك معايه وتجيبهم لى بس ادعى لى بقه ما يتغيروش لانى لسه مغيراهم مكملوش سنه
شوماخر التمبرا استغفر الله الذي لا اله الا هو الحي القيوم واتوب اليه
المفضلات