الموضوع: رابطة مالكي وعشاق التمبرا (الجزء الثاني)

المشاركة الأصلية كتبت بواسطة galilio_mad

ha ha, very funny





اتش , على فكرة مش ده اللى عندك , ده بتاع الديجيبليكس
اللى عندك بتاع الميكروبليكس microplex و هو احدث شوية من ده و شكله مختلف و بوش برضو





الله يسلمك يا باشا , و ان شاء الله حادخل على الموضوع





الله يسلمك يا هانى , و المنتدى و الرابطة منورين باهلها




خالد باشا , متشكر جدا





ربنا يخليكى و يبارك فيكى يا ست الكل

فلتر الانجكشن فعلا بيبقى تحت العربية , فى الحته اللى تحت الكنبة قدام تنك البنزين , و بيبقى متغطى بقطعة بلاستيك كحماية ليه , بتتفك ب 3 مسامير و يبان الفلتر

فلتر الهوا , بيبقى كرتون و مشرشر و بيبقى راكب جوه العمة البلاستيك اللى فوق الموتور
خليه يبصلك عليه و لو حالته كويسة ممكن ينضفة بالهوا و يركبه تانى

بالنسبة للكبالن , مفيش نوع كويس , انا كنت جايب انضف نوع موجود فى السوق و ما كملش 10 شهور و ساعات بسمع طقطقة خفيفة منهم , القدام اللى كان بقالهم 17 سنه فى العربية و الكاوتش بتاعهم اتقطع بتاع 10 مرات و كل مرة امشى بيهم شهر ولا شهرين مقطوعين ما كانوش بيطقطقوا كده

سيبيهم لغاية ما يتفرتكوا و بعدين غيريهم ( مش حتلاقى زى الاصلى اللى فى العربية )


مشكلة الدوارة دى بقى انا عندى احساس ان العربية مكتومة , بصى على فلتر الهوا اللى قلتلك عليه و قوليلى ايه الاخبار

ان شاء الله هخليه يبص عليه بس اقوله على موضوع فلتر البنزين كمان ولا ايه

المشاركة الأصلية كتبت بواسطة heshamzaky

شوماخر و الله العظيم كنت بكتب المشاركة و بسال جاليليو و ما شوفتش مشاركتك انتى رأيك اية و ممكن نتأكد من السعر لان الجديد حا يبقى تقريبا ب 400 جنية الجوز انتى عاوزة توفرى و لا تجيبى جديد يا غنية ههههههههههههههههه

بصراحه منوفيه عايزه اوفر لا ان قريب هبيع العربيه يعنى سنه با ذن الله كده فامش عايزه اظبط فيها كتير
ان شاء الله ال 1600 هجيب لها كله جديد
بس على فكره الكبالن دى متغيره قريب يعنى والله ما كملت السنه وده ال مجننى وبعدين بصراحه حاجه متدخلشى العق بقه العربيه تتطقطق لما تتصلح ويركب لها حاجات جديده
وبالنسبه لدوراره العربيه برضو لسه مش بتدور بسرعه معلشى بقه هتعبك معايا ياريت صوره فلتر الهواء ده عشان انا فى دماغى حاجه تانيه خالص ومش فاكره انى شفته قبل كده

المشاركة الأصلية كتبت بواسطة heshamzaky

الموتور بتاعك زى دة كدة يا شوماخر صح

اه تمام هو ده وفلتر الهوا بقه بيكون فين

المشاركة الأصلية كتبت بواسطة heshamzaky

بيبقى فى العمة المستطيلة و الفلتر مستطيل بيركب جوة العمة بالتقريب الصور اهية

تمام كده ربنا يبارك فيك والله كده ان شاء الله هخليه يبص عليه وادعى ان يكون هو ده السبب لا انى بجد قلقان لتكو ن جاجه كبيره