الموضوع: رابطة مالكي وعشاق التمبرا (الجزء الثاني)

المشاركة الأصلية كتبت بواسطة zago

على فكره العربيه الجيب كنت بحطلها تعاون احمر
وده بتاع مواتير ديزل
وكان زي الفل
عايز اقولك ان الموتور مكنش ليه صوت نهائي كأن العربيه مش شغاله اساسا
وكانت جيب
عاوز ايه تاني؟؟؟
التعاون الازرق على فكره حلو وبيستحمل القرص لانه تقيل تقيل تقيل
والاوبل 2000 سي سي يا معلمي
وانا والوالد بنقرص عالموتور لما نجيب أخره
وغالبا لمسافه طويله 100 او 150 كيلو مثلا على سرعه عاليه
و100 على سرعه عاليه جدا
هههههههههههههههههههه
طبعا انا عارف ان فيه زيوت احسن
لكن مش بالسعر ده
وبقولك انا كنت بغيره بدري قبل معاده بكتيييييييييير
والكلام ده بقالي عليه 3 سنين تقريبا والحمد لله بسم الله ما شاء الله الموتور لسه بصحته

هى المشكلة مش فى التغيير , المشكلة انه من اسوأ الزيوت فى معدل التبخر بتاعة
هو و الموبيل و مصر للبترول و كالتكس بيتبخروا بسرعة مع الحرارة العالية

و لو انت بتكره عربيتك قوى كده و مستخسر فيها ثمن الزيت
عندك زيت توتال اللى بيسموه ال 3000 و تمنه حوالى 58ج
القصة يا باشا مش فى تقل الزيت ( دى ثقافة الميكانيكية اللى الناس اعتبرتها من المسلمات )
القصة فى ان التقل يكون مناسب للموتور , يعنى موتور التمبرا المعفن ده بيقولوا فى الكتالوج تحط زيت نصف تخليقى 15w-40 و كل الناس اللى فى مصر بتحط زيت اتقل من ده ( عادة ال 20w-50 ) و الاسوأ ان فى ناس بتحط الزيت ثابت اللزوجة ( SAE 50 زى التعاون الاحمر )
و النتيجة ان الموتور اخره 200-250 الف كم و يفرفر

فما بالك بموتور الاوبل ال 2.0 ؟؟؟؟؟؟؟؟؟؟؟؟

فى حين انك لو استخدمت زيت اجود شوية و مناسب اكتر للموتور ممكن مع الصيانة المنتظمة يعمل ضعف الكلام ده , و الدليل ال 128 اللى كانت معايا كانت عاملة حوالى 300 الف و الموتور لسه ما اتفتحش و كبسه 87%
لان صاحبها الاولانى اللى اشتراها زيرو سنة 87 كان بيغير زيت شل الاصفر من ساعة ما اشتراها لحد ما باعها


و يا ترى لما بتحط للاوبل ال 2.0 اللى انت طالع بيها السما زيت تعاون ازرق
بتحط ايه فى التمبرا , زيت اكل و لا زيت شعر ؟؟

المشاركة الأصلية كتبت بواسطة kohana

السلام عليكم ورحمة الله وبركاته
مبارك عليك الخطوبة ياأسامة وربنا يبارك لك فى العروسة ويجعلها قرة عين لك
ومبار ك عليك السيارة وربنا يديك خيرها ويكفيك شرها
ومنور بين إخواتك

يا باشا الف الف الف شكر علي الكلام الجميل ده
انا اسف ان الرد جه متأخر اوي
بس والله العظيم لسة شايف كلامك دلوقتي حالا
كتر خيرك و ربنا يبارك فيك
و يرزقك عربية حلوة ان شاء الله

المشاركة الأصلية كتبت بواسطة zago

حد عايز يعمل مشروع؟؟؟

مشروع إيه يا حج ؟؟؟؟؟؟؟؟؟؟؟

أنا ممكن أدخل بالمجهود

المشاركة الأصلية كتبت بواسطة bonanza

يا باشا الف الف الف شكر علي الكلام الجميل ده
انا اسف ان الرد جه متأخر اوي
بس والله العظيم لسة شايف كلامك دلوقتي حالا
كتر خيرك و ربنا يبارك فيك
و يرزقك عربية حلوة ان شاء الله

الشكر لله وآسف على إيه متقولش الكلام ده إحنا إخوات
وربنا ييسر لنا موضوع العربية ده إن شاء الله

المشاركة الأصلية كتبت بواسطة heshamzaky

غيرت الرادياتير النهاردة القلق كلة كان من الرادياتير

مبروك يا اتش , بس جديد و لا من عند شريكك :))

و لو الجديد , بتاع الحلمية و لا واحد تانى ؟؟ و سواء ده او ده , مصنوعين فين ؟؟؟؟؟؟؟


و لو قلتلى انه جديد حاحكى للناس القصة اللى حكيتهالك بتاعة الفرق بين الجديد و المستعمل

[QUOTE=galilio_mad;


و يا ترى لما بتحط للاوبل ال 2.0 اللى انت طالع بيها السما زيت تعاون ازرق
بتحط ايه فى التمبرا , زيت اكل و لا زيت شعر ؟؟[/QUOTE]