الموضوع: رابطة مالكي وعشاق التمبرا (الجزء الثاني)

المشاركة الأصلية كتبت بواسطة galilio_mad

و يا ترى لما بتحط للاوبل ال 2.0 اللى انت طالع بيها السما زيت تعاون ازرق
بتحط ايه فى التمبرا , زيت اكل و لا زيت شعر ؟؟

هههههههههههه
زيت دره
بحط زيت دره وبططسايه بدل فلتر الهوا
يا ريس بالراحه عليا شويه
:b4_611::b4_611::b4_611::b4_611:
بص يا معلم
انا بصراحه ولا ليا في ثقافه الميكانيكيه ولا الكفتجيه
انا باختصار شديد ماشي بالمبدأ بتاع مفيش حاجه في البلد مش مضروبه
حقولك مثلا مره كنت بزوود زيت فتيس للعربيه الجيب من بنزينه موبيل وانا بتمشى في البنزينه لاقيت ان البرميل اللي الماكينه بتسحب منه الزيت اللي بيتحط في الفتيس عندي مكتوب عليه ( التعاون )
يعني بنزينه موبيل بتحط في فتيس العربيات زيت تعاون
وطبعا بتدفعك في الكيلو تمن زيت التعاون مرتين
فأيه اللي يضمني انه ثابت اللزوجه ولا التبخر ولا انه يكون مش زيت طعميه اساسا ؟؟؟؟؟؟
اللي اعرفه بقى انه كل ما الزيت يبقى لزج وتقيل يبقى العمر الافتراضي ليه اطول ويستحمل سخونه وسوء تشغيل اكتر ومن زماااااااااااااان اعرف ان زيت التعاون ده الاحمر بيحطوه في العربيات لما موتورها يبقى خفيف شويتين
فلو افترضنا ان فيسكو دي بتعبي نفس الزيت اللي التعاون بتبيعه
تقدر تطلع الفرق بين الاتنين ؟؟؟
محتاجين بقى معمل كيميائي صغير


لكن مع الافتراض انهم مش حراميه
احب اقولك اني لسه دلوقتي حالا والله العظيم واخد الاوبل مشوار لحاد الهرم ومفيييييش اي فرق في صوت الموتور اللي محطوط فيه زيت فيسكو عن صوته وهو فيه تعاون ازرق
لا فرق صوت ولا صوره ولا سحب ولا اي شيء
وبعد الفين كيلو حطلع مقياس الزيت واشوف اللزوجه
وحتى لو زي الفل برضو حغيره


التمبرا ياباشا غيرتلها زيت مره واحده بس اول ما جبتها ومعملتش معايا 3000 كيلو لسه
واول ما اجيبها من بتاع الدوكو حغير الزيت
وححطلك اغلى زيت فيسكو يا معلمي
ولا تزعل



دانت حبيبي