هل المواسير السخنه بالداخل معزوله

**waleedfadeel** · 15-08-2010 02:48 AM

اكثر من شهر وحوالى 1800 كم لم اشعر يوما بسخونه بجوار دواسة البنزين اعترف انى فى معظم الاحيان بيكون التكييف شغال ولابس شوز.
اليوم فقط ومن مشوار لا يزيد عن 5 كم احسست بسخونه محسوسه لدرجة انها ضايقتنى جدا من شدتها.
اعترف انى كنت لابس شبشب وكان التكييف مطفى بس دى مش اول مرة اعمل فيها كده.
بالمناسبة قبل ما اكتب انا عملت بحث وراجعت كل ما كتب عن هذه السخونه ولم اجد الاجابه عن سؤالى وهو

هل هذه السخونه موجوده دائما وبنفس الشده منذ البدايه ولم نكن نحس بها لظروف التكييف وما نرتديه فى ارجلنا ام انها فجأة بتظهر وما اسباب ظهورها.

عموما كل ما افكر فيه هو ان تكون المواسير معزوله بماده مثل الورنيش او مواد العزل المستخدمه حول الاسلاك الكهربية او ما شابه ذلك وبعد فتره يزول تأثير هذا العزل.

ارجو الافاده وشكرا

**fox198626** · 15-08-2010 11:21 AM

على فكره حته السخونه أ نا محستش بيها قبل كده...إلا لما قولت أنا لازم أشوف السخونه اللكتيير بيكلموا عليها جايه منين..فبدأت أتحسس ناحية رجلى اليمين عند الدواسات فملقتش حاجه قولت لما أطلع فوق ناحيه اليمين مش لاقى لحد ما لاقيت فتحه صغيره مش كبيره ...فدخلت إيدى فيها ...أخيرا لاقيت السخونه اللناس بتكلم عليها..هى عباره عن أنابيب و ساخنه فعلا...بس مبطلعش أى صهد...ولما أشغل التكييف كمات إنه يجى من تحت بحس بالتكييف عادى تحت رجلى ولما ميكونش فيه تكييف بحس عادى يعنى.....وبالرغم من كده الفتحه دى كانت المفروض تتقفل مفيش كلام ومتهيألى سهل أوى إن التوكيل يقفلها بعازل لأنها حته صغيره فعلا.....حاجه كمان الأنابيب دى موجوده كمان من الناحيه التانيه (الراكب الأمامى) ناحية الشمال بس برده مفيش حد إشتكى قبل كده منها بس أنا دورت لحد ما لقيتها بس مش بسخونه العند السائق.
جرب كده تتحسس الأنابيب دى بس براحه ختلاقيها إن شاء الله...وسهل جدا إن شاء الله تقول للتوكيل عليها

**waleedfadeel** · 15-08-2010 01:45 PM

انا فعلا عملت كده ووصلت لنفس الكلام
ولكن سؤالى ليه انا حسيت بيها دلوقتى هل كانت سخنه من اول يوم وانا مش واخد بالى ام ان سخونتها بتزيد مع زيادة الكيلوات او تحت ظروف تشغيل معينه.
وشكرا لرد حضرتك

**amrelzawawy** · 16-08-2010 02:44 AM

بمناسبه السخونيه والعزل الحرارى ولونه مش عندى سخونيه خالص بس سؤال لو عايز اعمله فى التوكيل اشتريه الاول ولا هما عندهم اركب هناك وشكرا

**Falcon16** · 20-09-2010 11:39 AM

بخصوص السخونة انا اشتريت اللوجان 2011 ومن اول يوم استلمتها لاحظت حكاية السخونة دى ومش عارف احلها قولت انتظر اول صيانة اللى كنت فاكر انها 1000 زى كل عربيات الدنيا لكن كلمت التوكيل قالى ان اول صيانة 5000 وطبعا لما توصل ال5000 يكون فات على الاقل اكتر من 4 شهور ووقتها التوكيل يبتدى يتهرب منك ان فى اجزاء من العربية ضمانها 3 شهور وكده انت فى الباى باى وده المشكلة مع توكيل رينو فى مصر ليه اصراره على حكاية اول صيانة 5000 بالرغم من انه المعروف والمتبع عالميا لازم صيانة 1000 ضرورى جدا
بس حاتعمل ايه انت هنا فى توكيل رينو مصر تسمع الكلام وتقول حاضر ولو مش عاجبك اخبط دماغك فى الحيط

**nour_nrc** · 20-09-2010 11:59 AM

بص ياباشا في ناس راحت التوكيل وركبوا ليها العازل

**mhamedmm** · 20-09-2010 12:27 PM

لو حد ركب العازل وعارف يقولنا العازل عبارة عن اية بالضبط وبيفكوا اجراء اية فى العربية علشان يركبوه اصل لو هو محتاج فك اجزاء كتير يبقى بلاش منه احسن

**ahmedbakr50** · 20-09-2010 05:46 PM

المشاركة الأصلية كتبت بواسطة falcon16

بخصوص السخونة انا اشتريت اللوجان 2011 ومن اول يوم استلمتها لاحظت حكاية السخونة دى ومش عارف احلها قولت انتظر اول صيانة اللى كنت فاكر انها 1000 زى كل عربيات الدنيا لكن كلمت التوكيل قالى ان اول صيانة 5000 وطبعا لما توصل ال5000 يكون فات على الاقل اكتر من 4 شهور ووقتها التوكيل يبتدى يتهرب منك ان فى اجزاء من العربية ضمانها 3 شهور وكده انت فى الباى باى وده المشكلة مع توكيل رينو فى مصر ليه اصراره على حكاية اول صيانة 5000 بالرغم من انه المعروف والمتبع عالميا لازم صيانة 1000 ضرورى جدا
بس حاتعمل ايه انت هنا فى توكيل رينو مصر تسمع الكلام وتقول حاضر ولو مش عاجبك اخبط دماغك فى الحيط

عن نفسى أنا عملت صيانة 5000كم بعد 6 شهور وقولتلهم عليها وركبوها عادى جدا ولا فيه أى حاجه والكلام ده من حوالى إسبوع
وهو عبارة عن جزء كاوتش بيتحط تحت الدواسات

**karimnet** · 20-09-2010 08:32 PM

المشاركة الأصلية كتبت بواسطة ahmedbakr50

عن نفسى أنا عملت صيانة 5000كم بعد 6 شهور وقولتلهم عليها وركبوها عادى جدا ولا فيه أى حاجه والكلام ده من حوالى إسبوع
وهو عبارة عن جزء كاوتش بيتحط تحت الدواسات

نفس الكلام تقريباً ..