بخصوص لانسر 1300خليجي

**timo_crosswind** · 05-03-2008 03:29 AM

انا اشتريت لانسر 2008خليجي 1300 عامل 6000 كم بس انا حاسس وانا في العربيه ان المتور صوته عالي الباور نوعا ما تقيل سامع صوت في عفشه العربيه مش عارف اميزه وحاسس ان العزل للصوت جوه الكابينه ضعيف ده طبيعي؟اوسؤال تاني ايه احسن مكان اعمل فيه صيانه للعربيه انا مش معايا ضمان مع العلم اني عملت صيانه 1000 و5000 عند صبحي سند بس بصراحه مرتحتش ارجو الرد وشكرا لاهتمامكم

**timo_crosswind** · 07-03-2008 11:23 AM

انا سالت علي بعض المشاكل اللي قبلتني في لانسر 1300 خليجي ومحدش رد علي واضح اني ضيف تقيل عليكم عموما شكرا للتعاون واسف اذا كنت ازعجتكم

**Dr Ahmed** · 07-03-2008 12:05 PM

أولا: مبروك على السيارة
ثانيا: الموتور وأنت داخل السيارة تقريبا غير مسموع ، اللى انت سامعه صوت الكاوتش ودا بسبب النوع اللى بييجى مع العربية + الطرق بتاعتنا وهيزيد الصوت لما تبدأ تحط فيها لحامات.
وصوت الكاوتش دا شكوى عامة لكن مقدور عليها
أحسن مكان للصيانة إما مراكز الشركة المصرية (عناوينها وتليفوناتها مكتوبة بقسم متسوبيشى) أو مراكز بوش أو مراكز الرواش ، ويوجد موضوع منفصل فى قسم متسوبيشى لمراكز الصيانة
وياريت تاخد جولة فى قسم المتسوبيشى هتلاقى إجابات أكتر من اللى تتوقعه.

**timo_crosswind** · 07-03-2008 12:16 PM

الف شكر يادكتور احمد علي ردك يعني كل الي بسمعه ده طبيعي؟

**Dr Ahmed** · 07-03-2008 05:37 PM

أعتقد كده
أنا كنت فى الأول فاكر ان فيه مشكلة لكن لقيت كل الانسر كده واتعودت على كده

**timo_crosswind** · 07-03-2008 05:59 PM

مع ان الكاوتش الي في عربيتي دانلوب ومكتوب عليه صنع في اليابان.ايه راي حضرتك في احسن كاوتش اجيبه للعربيه يكون اداءه عالي وملوش صوت؟

**Moh.Fahmy** · 07-03-2008 06:26 PM

استاذي الفاضل
انا معايا عربية زي اللي معاك بالضبط الصوت اللي صادر من الكاوتش ده بيعتمد علي نوعية الطريق اللي انت ماشي فيه يعني لو مشيت علي طريق ناعم مش ممكن تسمعه ابدا
انما صوت العفشة ده اللي غريب شوية و ياريت تروح التوكيل و يكشفوا عليها
الكاوتش اللي عندي دنلوب زي اللي معاك و حرام انك تفكر تغير الكاوتش دلوقتي لسه بدري عليه
بخصوص الباور لازم حضرتك تعرف ان الباور لازم يتقل شوية علي السرعات العالية عشان التحكم في العربية يكون كويس
انما يا باشا العربية اللي معاك زي الدهب بالظبط لانها بسم الله ما شاء الله عربية بدون مشاكل و موفرة في البنزين قوي و حمالة قسية و اسعار قطع غيارها معقولة و اما تفكر تقول يا بيع 100 واحد حيجولك جري يشتروا بالسعر اللي انت عايزه ..عايزك تكون سعيد بالعربية لانها تستحق

محمد فهمي

**Dr Ahmed** · 07-03-2008 06:26 PM

والله حضرتك ما أعرف، أنا برضه اللى عندى دنلوب العنيف ، ولو عرفت كاوتش ساكت عنه شوية إبقى قول لى ..

**timo_crosswind** · 07-03-2008 06:46 PM

انا عاجز عن الشكر ياستاذ محمد واتمني تكون معرفه خير انا هكشف علي العفشه واعرف الصوت ده طبيعي ولا لا.اخوك تامر عابد

**Moh.Fahmy** · 07-03-2008 06:55 PM

تحت امرك تامر باشا و احنا كلنا هنا اخوات و اللي عنده حاجة او معلومة ببيفيد بيه اخوه ما بيخبلش بيها

محمد فهمي

الموضوع: بخصوص لانسر 1300خليجي

LinkBack

أدوات الموضوع

عرض

-

-

-

-

-

المواضيع المتشابهه

مساعده بخصوص مساعدين لانسر 99

استفسار بخصوص لانسر 1600

سؤال بخصوص لانسر 84

بخصوص شراء لانسر

استفسار بخصوص لانسر ex 2008

الكلمات الدلالية لهذا الموضوع

المفضلات

المفضلات

ضوابط المشاركة