الموضوع: عمرة ال128

لا حل لمعرفة عمرة وللا شنبر غير فك وش السلندر، لأن الدخنة من الشكمان تحدث من الشنبر او كاوتش الصباب، والبخرة من الامام تحدث من الشنبر، اى بسبب وجود خلوص بين الشنبر والشميز، وقد يكون الخلوص بسبب ان الشنبر متآكل ، وا ان الشميز متآكل او كلاهما، الشنبر لو متآكل والشميز سليم فهذا يستلزم تغيير طقم شنبر ثمنه فى حدود 200 جنيه ومصنعياته 200 اخرى، لكن عادة لا احد يفك وش السلندر والكارتيرة ويغير الشنبر بدون تغيير الصبابات و سبيكة الكرنك وطرمبة الزيت حتى لا يعاد فتح المحرك فى القريب

أما لو كان الشميز متآكل فيستلزم الأمر توسيع الشميز وشراء مكبس ذو مقاس اكبر مع طاقم الشنبر الخاص به، وطبعا الصباب ومستلزماته وطرمبة الزيت وطاقم جوانات ، وقد يستلزم الامر خراطة الكرنك لو فيه علامات تآكل وهو ما يسمى عمرة كاملة

عمرة ال 128 تتراوح ما بين اقل من 1000 جنيه لو مافيهاش خراطة، الى حدود ال1600 لو فيها خراطة، وممكن تسافر لحد 3000 جنيه لو فيها بعض الحبشتكانات الضافية مثل تغيير وش السلندر بالكامل و شراء كاربراتير جديد و شراء طاقم دبرياج و شراء كرنك جديد ...الخ، كل بند من هذة لو هناك احتياج له يضع تكلفة اضافية للعمرة ولا شئ يظهر سوى عند فك الموتور

لو انت عايز تعرف شنبر وللا عمرة قبل ما تشتغل هتغرم تمن جوان وش سلندر ومصنعيات فك و تركيب الوش المذكور، يعنى حسبة 70-80 جنيه

او انك تفك الموتور ورزقك على الله واللى فيه تعمله

او انه لو مش مضايقك تحطله زيت شنبر وتتعايش معاه كدة لحد ما يبقى معاك ميزانية للشنبر او العمرة او تغير العربية