حد استلم ابيزا جديده من قريب؟

**zico900** · 15-08-2010 06:55 AM

جاري كان اشتري الابيزا الجديده من 3 شهود تقريبا.....فواحد زميلي استلم ابيزا 2010 من اسبوع من التوكيل و كان معها استبن نفس المقاس!!! مع ان كل الدفعات كانت واخده منفاخ

هل المواصفه اتغيرت ولا التوكيل اكل علي جاري الاستبن؟؟ لان مستني التوكيل يفتح يوم الاتنين علشان يروح يتخانق.....

يا رات الناس المعها العربيه من قريب تقولنا مستلمين اه استبن ولا منفاخ؟؟

وشكرا

**sherifahmed** · 15-08-2010 02:25 PM

انا لسه حالا مكتشف انه منفاخ
انا بفكر انى اشتكيهم فى جهاز حماية المستهلك

**John_Samy_1** · 15-08-2010 02:26 PM

لأ فعلا أول 3 دفعات كانوا منفاح وسائل تصليح وبعدين أيقنوا إنه مينفعش في بلدنا الحبيبة فالمواصفات اتغيرت وبقيت تنزل بستبن ( بره بتنزل بالمنفاخ ) الجنط فالتوكيل ب300 جنيه الماني من غير كاوتش

**zico900** · 15-08-2010 07:28 PM

يعني نعدي الموضوع ولا نعمل مشكله؟؟ الناس الاستلمت منفاخ هتعمل اه؟

**sherifahmed** · 16-08-2010 12:44 PM

انا عن نفسى لما اروح الصيانة هاكلمهم بالذوق فى الاول
مرضيوش هاشتكى فى الجهاز

**John_Samy_1** · 16-08-2010 01:22 PM

ماعتقدش الجهاز هيعمل حاجة عشان احنا استلمنا العربية كده و ده مكتوب في الكتالوج. هو على فكرة المنفاخ وسائل التصليح فاعلين جدا وشاغلين كويس بره بس احنا عندنا فيه حاجات غريبة بنمشي عليها. هو عامة المنفاخ وسائل التصليح بيصلحوا أي خرم لحد 7 مم بكفاءة تامة وكان الكاوتش جديد. اكبر من كده مش هيعمل حاجة. وعند التصليح مش لازم تشيل المسمار أو الحاجة اللي في الكاوتش.
لو عايز زيادة اطمئنان هتجيب جنط 300 جنيه + كوريك 100 جنيه ( تمساح أو 30 جنيه عادي ) + مفتاح عجل 20 جنيه + كاوتش 400 جنيه = من 750 ل 820 جنيه. أنا فاضلي الكوتش هاجيبه الشهر اللي جي.

**sherifahmed** · 16-08-2010 03:00 PM

انا فاهم كل دا
بس الفكرة انهم لو استمروا انهم يجيبوا كل الدفعات كدا يبأه حقكهم
بس انهم يعدلوا بعد كدا و يجيبوها بالاستبن يبقى مش حأهم
ال820 جندى دول انا زنبى ايه اتحملهم انا
المشكلة ان احنا فى مصر و لازم يبأقى معاك استبن

**John_Samy_1** · 16-08-2010 03:10 PM

المشاركة الأصلية كتبت بواسطة sherifahmed

انا فاهم كل دا
بس الفكرة انهم لو استمروا انهم يجيبوا كل الدفعات كدا يبأه حقكهم
بس انهم يعدلوا بعد كدا و يجيبوها بالاستبن يبقى مش حأهم
ال820 جندى دول انا زنبى ايه اتحملهم انا
المشكلة ان احنا فى مصر و لازم يبأقى معاك استبن

حضرتك معاك حق والحركة ديه طلعت من نافوخي. بس أنا بقول لحضرتك اللي هيقوله. هما من حقهم يغيروا مواصفات أي موديل من غير اعلم العميل ومش معنى كده إنهم يعوضوا اللي استلم بمواصفات قديمة إلا في حالة عيب التصنيع. يعني لو ده كان تعديل لتلافي عيب نروح نخرب بيتهم

بس ديه حاجة زي كماليات اضافية. الBMW الفئة التالتة الجديدة بتنزل من غير استبن ولا منفاخ. بتنزل بحاجة اسمها Run Flat tires. أنا مش بحاول احبطك أو حاجة أنا بس بحول اقولك اللي هيقولوه ( عشان اتقالي) واستعواضت ربنا. بس لو حضرتك لقيت حل أو عايز نقدم شكوى

أنا معاك. لو تحب نجرب نبعت للشركة الأم برده ممكن الموضوع سهل.

**sherifahmed** · 16-08-2010 04:37 PM

يا باشا انا عارف انهم من حقهم يغيروا فى المواصفات بدون اخطار العملاء
بس دى مش مواصفة دى حاجة ناقصة فى العربية
فكرة ان البىيمر نازلة run flat ممكن تمشى بس الكوتش اللى راكب فى الابيزا عادى
دا غير فكرة ان لما السائل يخلص هايملوه طبعا لا

**zico900** · 16-08-2010 05:49 PM

لو هتعملوا شكوي انا معاكو

الموضوع: حد استلم ابيزا جديده من قريب؟

LinkBack

أدوات الموضوع

عرض

-

-

-

-

-

-

-

المواضيع المتشابهه

ابيزا 98 لسه جديده وشوية أسئله محتار فيها

اسبرانزا fsv جديده والنترا 2006 و لانسر2008 اوبروتون واجا جديده

افيدونى يرحمكم الله (يخصوص شراء ابيزا جديده)

ازاى استلم عربية جديده (زيرو)

في حد استلم سيراتو ex قريب

الكلمات الدلالية لهذا الموضوع

المفضلات

المفضلات

ضوابط المشاركة