ازاى استلم عربية جديده (زيرو)

**michohat** · 16-10-2009 02:38 AM

السلام عليكم ورحمه الله وبركاته
زميل لى اشترى نيسان صني 2010 من احد المعارض وعاوزنى اروح معاه علشان نستلم العربية
ايه المفروض ناخد بالنا منه ونعمله علشان نتأكد ان العربية سليمه و نستلمها صح؟
وهل يمكن بعد الاستلام انه يلمع العربية بالشمع علشان يعمل فوق الفابريكه تحمى الدهان؟

**loma_satanic** · 16-10-2009 03:33 AM

والنبى خلى بالك اصل بتوع المعارض دول يقولك هروح ارخصهالك بيفحتوا العربيه والله ويشدوا ويجروا بيها

**a7mode** · 16-10-2009 04:59 AM

شوف العربيه ماشيه كام كيلو .. وخد لفه حوالين العربيه من بره براحه كدا وركز فى الدهان وفى الاكصدامات كويس وفى السقف .. ومتخليش حد من التوكيل يروح يرخصها لوحدو خليك معاه لانهم فعلا بيبهدلو العربيه جرى هههههههههههه الف مبروك

**michohat** · 16-10-2009 07:48 PM

المفروض تكون عامله كام كيلو او المفروض مش تزيد عن كام كيلو؟
وايه هيا الحاجات اللى اخد بالى منها غير جسم العربية من بره
ايه اللى يتراجع عليه ولا مفيش حاجه بما انها زيرو؟
وايه الاوراق اللى ناخدها من المعرض؟

**a7mode** · 17-10-2009 04:38 AM

بص انا لسه من فتره استلمت العربيه بتاعت والدى كانت عامله حوالى 50 كيلو فهيا بأى حال من الاحوال المفروض متزيدش عن 70 كيلو مثلا

مفيش حاجه تانى يتبص عليها ممكن تفحص الصالون طبعآ بس معتقدش هتلاقى فيه اى مشاكل

المعرض حيديلك الاوراق مش انت اللى بتقولو عليها هوا عارف وهيديهالك من غير مانت تقول

**A.Saad** · 17-10-2009 09:21 AM

بص ان ما يكونش فيها خرابيش
بص على كارتيرة العجل والمساعدين
بص على حوض الموتور
جرب التكييف
جرب الاشارات والاضاءة الداخلية والخارجية
بص على الاستبن
ببص على العدة وحلقة القطر لو بتيجى معاها
شغل الكاسيت والافضل تاخد cdمعاك لو هوة cd
تاخد
الاريال والطفاية بتاعت السجاير والولاعة والكتالوج
المفتاح الاصلى والاحتياطى

ساعة الاستلام انت بتمضى اقرار استلام بالساعة معناه انك مسئول عن العربية من ساعتها
تقوم واخد عربيتك معاك والمندوب يقابلك بعدين علشان الترخيص
مش تسيبها بعد ما تمضى الاقرار لان لو اتعمل بيها مصيبة
مش هتعرف تثبت انها عندهم وهتكون انت المسئول