الموضوع: كم سعر Bmw E92 M3 Cabrio (نصين) ؟؟؟؟

المشاركة الأصلية كتبت بواسطة abo_hosni

طيب بعيداً عن الحالات الصعب ترخيصها، العربيات الملحومة دي موجودة في ظل بزنس تجارة عربيات الحوادث. يعني في النهاية يوجد منها عدد كبير في مصر و تمشي في شوارعنا كل يوم
في ناس تشتري عربية عاملة حادثة total loss بغرض شراء (ورق + رقم شاسيه) و يروح يشوف عربية نفس الموديل نصفين يلحم فيها الرقم و يجمعها و سمكرة و بوية إلخ ... و خلاص ماحصلش حاجة. تتباع، يمشي بيها كده.

سؤال لو سمحتم:
هل حصل و حد سمع قبل كده عن حادثة لواحد بسبب أن العربية ملحومة نصفين؟

لأن كلمة (نصين) دي من المبررات الأولى لعدم شراء سيارة تماما زي (راشة دواخل) هل كان لحام الشاسيه سبب مباشر في مشكلة لسيارة؟
مع الأخذ في الاعتبار أن العربيات دي ماشي في الشوارع كل يوم و بتوصل لدرجة أن ناس ما تكتشفش أن العربية اللي اشتروها مستعملة كانت نصين ملحومين إلا لما المشتري الجديد يكشف عليها

كلامك مضبوط السيارات النصفين موجوده وبكثره أنا لم اشكك فى هذا الكلام لكن أنا قولت إن 90% من الكابروليه نصفين! لكن هل تعمل إنك لا قدر الله إذا مشيت على مطب بسرعه عالية ممكن السيارة تنقسم منك! إذا كان اللحام غير جيد! موضوع الترخيص هيكون صعب إذا كانت السيارة بالفعل نصفين و تم لحمها! لأن المرور مش هيستنى لحد ما تحصل كارثه وناس تموت عشان يرفض ده إذا إنت بتعمل كشف الترخيص العادى و حصل دخان أسود بيرفض يرخص لك السيارة يبقى هيرخص لك السيارة النصفين!!!

موضوع إن السيارات النصفين بيزنس فهو تجارة من ناحية محركات, عفشه, قطع غيار لكن مش تجارة ركوب لأنها إذا كانت تجارة بيع وشراء سيارات للركوب و كان موضوع الترخيص سهل و الموضوع إن السيارة مش مشكله إنها تكون نصفين يبقى كل الناس هتشترى بالشكل ده يتخرب بيوت أصحاب المعارض و التوكيلات

وتأكيدا لكلامى إن الراجل هيروح يشترى سيارة نصفين و يشترى سيارة حادثه و يضرب شاسيهات و هذه فى حد ذاتها كارثه إذا عرفت فى المرور و حضرتك اسأل و قولى لى ما قيل لك فى موضوع ضرب الشاسيهات! و يلحم وقصه كبيره!

ثالثا و أسف للأطاله لصاحب الموضوع إنت هتتعب لأن أنت بتدور على e92 m3 كابروليه و هى نادره بعض الشىء على حد علمى!

المشاركة الأصلية كتبت بواسطة TheBuccaneer

كلامك مضبوط السيارات النصفين موجوده وبكثره أنا لم اشكك فى هذا الكلام لكن أنا قولت إن 90% من الكابروليه نصفين! لكن هل تعمل إنك لا قدر الله إذا مشيت على مطب بسرعه عالية ممكن السيارة تنقسم منك! إذا كان اللحام غير جيد! موضوع الترخيص هيكون صعب إذا كانت السيارة بالفعل نصفين و تم لحمها! لأن المرور مش هيستنى لحد ما تحصل كارثه وناس تموت عشان يرفض ده إذا إنت بتعمل كشف الترخيص العادى و حصل دخان أسود بيرفض يرخص لك السيارة يبقى هيرخص لك السيارة النصفين!!!

السيارات اللي على علب شاسية سهل لحام نصفين فيها لانها في الاخر من ناحية السقف و القوايم و الارضية و دة صاج عادي

انما السيارات اللي على شاسية (دفع خلفى او دفع رباعي) بيبقى الشاسية بتاعها عبارة عن شاسية صلب شبية بقضيبين قطار من الصلب بطول السيارة و البودي الصاج راكب الكامل متحمل فوقهم, و الشاسية الصلب دة لا يمكن يتلحم بسهولة و اللحام بيبان فية لانة لا يتم دهانة اساساً
و الشاسيهات دي لو اتلحمت حتى بتبقى سهل تقطم



موضوع إن السيارات النصفين بيزنس فهو تجارة من ناحية محركات, عفشه, قطع غيار لكن مش تجارة ركوب لأنها إذا كانت تجارة بيع وشراء سيارات للركوب و كان موضوع الترخيص سهل و الموضوع إن السيارة مش مشكله إنها تكون نصفين يبقى كل الناس هتشترى بالشكل ده يتخرب بيوت أصحاب المعارض و التوكيلات

وتأكيدا لكلامى إن الراجل هيروح يشترى سيارة نصفين و يشترى سيارة حادثه و يضرب شاسيهات و هذه فى حد ذاتها كارثه إذا عرفت فى المرور و حضرتك اسأل و قولى لى ما قيل لك فى موضوع ضرب الشاسيهات! و يلحم وقصه كبيره!

لأ حضرتك اذا كان الموضوع حادثة و بياخد محضر حادثة و بينزل بورسعيد يشتري عربية و يخرجها بالمحضر و ينقل رقم الشاسية عليها رسمي و بمعرفة المرور كمان بيدقوا لة رقم الشاسية عالقايم

بس لازم يتعمل تقرير ان العربية متدمرة توتال لوس و لا يمكن اصلاحها في المحضر (تقرير بمعرفة المرور) النظام دة كان ماشي في التسععينات ايام عربيات ليبيا و اعتقد لسة شغال زي ماهو

ثالثا و أسف للأطاله لصاحب الموضوع إنت هتتعب لأن أنت بتدور على e92 m3 كابروليه و هى نادره بعض الشىء على حد علمى

كلام سليم جدا و الاخ اللي بيقول انها مرطرطة "بالعبل" غلطان لان مافيش تاجر حايجيب سيارة زي دي غالباَ الا بالطلب لانها حاتقف علية غالية ومش حاتتباع بسهولة و اكيد مش حا يبيع منها حتت صغيرة في المتقطع (يفرطها يعني) لأنها حاتخسر معاه و حايلبس بقيتها و كمان لأن اللي بيبقى معاه زيها بيصين في التوكيل و مش بيشتري قطع غيار استيراد
الا لو حادثة او تأمين بيبيعها توال لوس و حد بيشدها زي ما قلنا و دي نادرة و غالبا بتتجاب بالطلب زي ما قلنا

(زي اللي اشتري مرسيدس بودرة متقطعه في سنة مانزلت و فضلت عنده 6 -7 سنين ماباعش منها مسمار) كان عارض موتورها ب 35 الف بالمناسبة (احمد حاحا على ما اذكر)

!

اشكركم على تصحيح معلوماتى الخاطئة انا فعلا كنت بتكلم على موديلات التسعينات مش الموديلات الجديدة

موضوع اللحام ده مفيش منه ضرر لو اتعمل كويس يعني انا كان معايا عربيه مغيره نص كامل ومشيت بيها حوالي 6 سنين والحمد لله مقابلتش اي مشاكل من اللحام..

المشاركة الأصلية كتبت بواسطة fahd_628

دة لو تم عمل الموضوع و تم ظبط السقف و كل الكلام دة !

الكابورلية مالهاش سقف اساسا و دة بيبقى حمل عالشاسية انة يكون بة دعامات تمسك السيارة جيدا كي لا تنقطم من منتصفها لنصفين

المشاركة الأصلية كتبت بواسطة hardman20060

موضوع اللحام ده مفيش منه ضرر لو اتعمل كويس يعني انا كان معايا عربيه مغيره نص كامل ومشيت بيها حوالي 6 سنين والحمد لله مقابلتش اي مشاكل من اللحام..

اقرأ تعليقي السابق لو سمحت, السيارات التي على علب (سيفيك, لانسر, 128, ريجاتا, .....) ليس بها مشكلة في لحام نصفين و الموضوع سهل انما اي سيارة على شاسية (بي ام , مرسيدس, جيب,......) الموضوع مختلف تماماً