الموتور بيهبط شويه عند النقل الي الثاني

**peranha** · 05-03-2008 01:06 PM

عندي تمبرا انجكشن 1995 والاحظ اني لما اجي انقل علي الثاني الموتور يهبط شويه مني واضطر ادوس دبرياج شويه . علما ان العربيه بتاكل زيت لكن مفيش دخنه من الشكمان .
غيرت الادلر وال throtle position والبوجيهات والعيب لاذال موجود .
ارجو الافاده يا اهل الخبره وشكرا لكم جميعا .

**peranha** · 05-03-2008 01:13 PM

نسيت اقول ان التابلوه ديجيتال يمكن يكون الكومبيوتر له تاثير علي العيب وكمان ساعات الاقي ال rpm بيزيد لوحده من غير ما ازود بنزين لدرجة انه بيوصل الي 20 او 25 .

**kh_talaat** · 05-03-2008 02:16 PM

بالنسبة لموضوع ال Rbm إللي بيعلى لوحدة وأنت واقف يبقى الكهرباء مش مزبوطة ومحتاجة تتزبط عند كهربائي سيارات

**peranha** · 05-03-2008 02:38 PM

المشاركة الأصلية كتبت بواسطة kh_talaat

بالنسبة لموضوع ال Rbm إللي بيعلى لوحدة وأنت واقف يبقى الكهرباء مش مزبوطة ومحتاجة تتزبط عند كهربائي سيارات

دي مفيهاش اسبراتير وسير الكاتينا بيتظبط علي علامه ثابته والهوا والبنزين بتوعها بيتظبطوا عن طريق حساس الشكمان اللي بيقيس نسبه ثاني اكسيد الكربون ويظبط الهوا اوتوماتيك...شكرا علي الرد

**peranha** · 09-03-2008 11:15 AM

شكرا علي الرد وانا رحت للميكانيكي ودردشت معاه الاول قالي غير بوجيهات ولما قلتله دي جديده خلي الاسطي اللي عنده يفك حساس الفولان (هو سماه كده ) ونظفه والحقيقه العربيه اتظبطط واختفت المشكله

**HAJHANY** · 17-03-2008 09:55 PM

فين حساس الفولان ده علشان عندى مشكله شبيهه والتوكيل غير بوجيهات وفلتر بنزين وقالى ابقى ابقى اقرص على البنزين شويه

**HAJHANY** · 17-03-2008 09:57 PM

فين حساس الفولان ده علشان عندى مشكله شبيهه والتوكيل غير بوجيهات وفلتر بنزين وقالى ابقى ابقى اقرص على البنزين شويه واشبع الغيار

**salam** · 05-09-2010 11:04 AM

السلام عليكم ورحمة الله وبركاتة
عندى سيارة - تمبرا 93 انجكشن فيها مشكله فى العدادات بتاعة السرعه والكيلو متر مين بيصلحهم او مين بيبيع جديد تمبرا .
المشكلة الثانية عاوز اعرف مركز متخصص او ميكانيكى بيعرف يصلح التمبرا مايكونش هيتعلم فيا لانى بصراحة الناس كلها اتعلمت فيا

**salam** · 09-12-2010 12:18 PM

السلام عليكم ورحمة الله وبركاتة
اخوانى عشاق التمبرا
انا اتعرفت على ميكانيكى ممتاز وخبير فى التمبرا
اسمة الاسطى / ادوار
ومعاه كهربائى فوق الممتاز تمبرا وجميع السيارات الحديثة بجد الناس دى عندها ضمير مش موجود عند كتير من الميكانيكيا ومعاهم مساعد كويس جدا اسمة حمادة هليكوبتر والله انا زبون عندهم ولكنهم ناس محترمين وفهمين كويس فى التمبرا
لانى نص ميكانيكية مصر اتعلمو فيا بدون مايصلحو عيب العربية فأنا لاقيت انى اكتب التليفونات الخاصة بهم لمن يرغب او عنده مشكلة تمبرا
الميكانيكى / ادوار
0122234272
الكهربائى / اشرف
0164347891
حمادة هليكوبتر
0174123924 -0196804224
عنوان الورشة
عين شمس - الشارع الجديد قرب سنترال عين شمس
بجوار قهوة ظريف والبطل الرومانى بتاع الكاوتش محطة سيد احمد وبالظبط مابين مزلقان العشرين بتاع السيراميك ومزلقان عين شمس
جزانا وجزاكم الله كل خير