على وشك شراء tiida

**sabryfouad** · 18-08-2010 10:31 PM

المشاركة الأصلية كتبت بواسطة ahmed.tv

احنا سعداء بوجودك معانا فى منتدى نايل موتورز , وسعداء بالاخص بوجودك معانا فى قسم نيسان
وبالنيابة عن اسرة نيسان كلها , بنوجهلك التحية

مرسى على شعورك الطيب وكلامك الجميل ده , بس فعلا انا شايف ان العربية معايا ممتازة , وبحب اعطى كل حاجة حقها , عشان الناس بس مش تفتكر انى متحيز او حاجة للعربية عشان هى معايا , بل بالعكس
كل كلمة لازم اكون قدها وعن تجربة وخبرة , يااما كدا يا اما اسكت
وغير كدا العربية معايا وموجودة واللى عايز يجربها انا تحت امره عشان يتاكد

فى حاجة بقا حابب انصحك بيها
خالى بالك احيانا المعارض اللى بتعمل عروض بيكون مشكوك في امرها لان احيانا السيارات ممكن تلاقى فيها عيوب فخلى بالك , واشترى من مكان مضمون ووكيل معتمد رسمى وليه سمعته

http://www.nilemotors.net/nile/158434-a.html
, القى نظرة عليه واكيد حتستفاد منه , هو للصنى بس فى حاجات مهمة بتفيد كل الملاك

وربنا يوفقك للخير ومبروك مقدما

المهم والاهم
انك مش تقطع ومنشوفكش تانى

,
لان يمهمنا وجودكم كلكم عشان التفاعل والمشاركات ونقل الخبرات مهمة لينا كلنا وكلنا بنستفاد منها , زى ما حضرتك استفدت كدا

ووجودك معانا شرف لينا اكيد
وتحت امرك فى اى استفسار
احمد مصطفى

مشكوررررر يا طيب وكلك ذوق بس هنا مفيش تلاعب فى التوكيلات لان توكيل البابطين بالكويت من افضل توكيلات السيارات فى كل شئ خدمه البيع ومابعد البيع والعروض اللى بيعملوها دلوقتى دى بس عشان الشهر الكريم وعشان خلاص الموديلات الجديده نزلت فلازم يخلص الكميه اللى عنده فيضطر ينزل السعر شويه انما السيارات واحده وتقديم الخدمات متساويه لكل السيارات وكمان السياره عليها عرض خدمه مابعد البيع لمده 5 سنوات عداد مفتوح واشكركم جميعا

**Ahmed.TV** · 19-08-2010 04:46 AM

اذا كان الضمان بالطريقة دى , يبقا اكيد التيدا تكسب فعلا ,
ياريت يكون عندنا ضمان 5 سنين كدا فى مصر وعداد مفتوح , كانت العربية دى واى عربية من نيسان كانت كسرت الدنيا
وبعدين مش عارف الوكلاء فى مصر ومراكز الخدمة ليه مش يعملوا كدا صحيح
ما هما كدا كدا بيكسبوا وحيخسروا ايه لو عملوا كدا
واى حاجة بتبوظ بتكون على الضمان وبيبعتوا يجيبوا القطعة اللى بتبوظ من بره مصر وعلى حساب الوكيل الرسمى
يالا ربنا يهدى الجميع ويحنن قلوبهم علينا

**Ahmed.TV** · 19-08-2010 05:53 PM

فوانيس ايه اللى بتتباع هنا
ياريت توضح اكتر عشان مشاركتك غير مفهومة
لو قصدك على فوانيس التيدا
او اى فوانيس للسيارت مفيش حد هنا فى القسم بيبع فوانيس

**redafbm** · 24-08-2010 02:21 PM

السلام عليكم
اخوانى انا ناوى اشترى التيدا بس معايا 45000 جم فقط لا غير فقط لاغير وانوى انها تكون جديده لأن خبرتى زيرو
فى السيارات رجاء النصيحة فى امكانية تقسيط الباقى وما هى الضمانات المطلوبة

**Ahmed.TV** · 24-08-2010 04:37 PM

لازم تنزل اى معرض من المعارض المضمونة وتشوف انظمة التقسيط ايه وايه اللى مطلوب لان كل نظام وليه ورق معين ونظام وتشوف ايه اللى يناسبك , وكل ده لازم تشوفه بنفسك

وانصحك تروح اتو ايجيبت فرع المهندسين عند الاستاذ احمد المقدم هناك واسال عليه
وقوله انك من النايل موتورز وقوله عاوز ادفع مقدم كذا وهو حيقوم بالازم معاك ويعرفك على الانظمة وكل اللى يناسبك , وحيقوم بالازم معاك
وابقا احكلنا وطمنا
وربنا يوفقك
ومبروك مقدما

**raedegypt** · 24-08-2010 04:41 PM

فى اليابانى وعن تجربه اركب الماذدا 3 زوووووم . افضل من الكلام دة كله . فلوسك فى جيبك اتفرج وقرر .

**raedegypt** · 24-08-2010 05:25 PM

MazdaUSA - Wireless Tour
اتفرج علىها حكايه .. تحفه يابانيه . رفاهيه صالون فخم جدآ وتابلوة وتكييف وهدوء وسحب لاء حكايه وجرب . والكلام عن قطع غيار عندك التآمين يغطى وعربيه مثل دة امامك مش اقل من عشر سنين لما تفك مسمار واحد