هل تصليح الكاوتش يستلزم ترصيص؟

**medo666** · 17-08-2010 03:38 PM

رصص الفرده بس

**Akram** · 17-08-2010 10:56 PM

قبل ما تفك الكاوتش الخارجي علم المكان قدام البلف و لما يلحم خليه يرجع الكاوتش لنفس العلام و لو فرق في الترصيص هيبقى بسيط , انا دائما بعمل كده .

**aminibrahim** · 17-08-2010 11:46 PM

يعني ايه ترصيص؟

**Akram** · 18-08-2010 01:48 AM

كلمة ترصيص من معدن الرصاص ,
و دي قطع رصاص بأوزان مختلفة و السبب في استخدامها إن الجنط و الكاوتش مع الإستخدام بيبقى في انحرافات إو اختلاف في توزيع الثقل و بالتالي بيعمل رجرجة في الدركسيون وانت ماشي و خصوصاُ على سرعات معينة و الحل هو وضع الجنط على جهاز الترصيص و الجهاز بيظهر فرق الوزن أو الثقل كام و مكانه فين و بيتم تثبيت قطع الرصاص على الاماكن دي علشان نتلافي الفرق ده و يتم الترصيص مرة تانية على الجهاز لغاية لما يدي صفر يعني مفيش أي اختلاف في الثقل ,
و على فكرة بخلاف موضوع الرجرجة كمان بيبقى فيه تأثير على العفشة .

**khpopo** · 18-08-2010 02:26 AM

المشاركة الأصلية كتبت بواسطة Akram

قبل ما تفك الكاوتش الخارجي علم المكان قدام البلف و لما يلحم خليه يرجع الكاوتش لنفس العلام و لو فرق في الترصيص هيبقى بسيط , انا دائما بعمل كده .

+111

ربنا يوفق

**karimfahmy99** · 18-08-2010 03:51 AM

المشاركة الأصلية كتبت بواسطة khpopo

+111 :m_yes[1]:
ربنا يوفق

كلام سليم بس دى اصلا شغلة بتاع الكاوتش . بس طبعا كلهم .......... او بيتعمدوا عشان تنفعة او تنفع حد تانى فى الترصيص . زى ما قالو حتى لو طلع بتاع الكاوتش ................. انت قولة قبل ما يفك علم بالطباشيرة ع الكاوتش عند نقطة البلف .

نقطة تانية مش خابور هو اللى هيبوظ اتزان العجلة بدليل انى عملت على نفس فردة الكاوتش 6 خوابير بسبب زجاج ع الصحراوى و كملت بيها ع ال 100 و ازيد و مفيش اى حاجة لا رعشة و لا غربلة . المقصود ان خابور و لا 2 مش هيبوظوا الترصيص الفك هو اللى يبوظ الترصيص . و فى نقطة مهمة كمان ناخد بالنا منها و اللى يقدر يعملها يبقى كويس و حاجة سهلة . فى ورش الكاوتش معظمهم عندهم مكن فك الكاوتش الالى و دى حصلت معايا اثناء فك الكاوتش لاحظت ان العتلة اللى بتفك الكاوتش سحبت معاها الرصاصة من مكانها و فى حالات تانية ممكن تتفك . المهم الحل و اللى بنصح بية بقلم فلومستر الكبير من النوع اللى ميتمسحش تعمل بس نقطة على يمين و شمال قفيز الرصاصة حتى لو اتفكت او اتهزت تبقى عارف مكانها و ترجعها تانى طبعا لون يكون مخالف للون الجنط او يكون مرئى للى يركز . طبعا دى معلومات اضافية اللى عاوز يعملها و اللى مش عاوز يكبر دماغة

**mekkawy0** · 18-08-2010 09:25 AM

في البداية أحب إني أشكركم جدا على إهتمامكو.
أنا إمبارح رحت لبتاع الكاوتش و خليته يرصص العجلة دي بس و كانت فعلا محتاجة ترصيص. ماعملتش حاجة في باقي العجل خالص.
جربت العربية وأنا جي النهاردة كانت زي الفل و ماكانش في أي غربلة لغاية 120 كلم/س.
يبقى كدة فعلا لازم الواحد يحط علامه عند مكان البلف علشان يرجع العجلة تاني لوضعها.