هل تصليح الكاوتش يستلزم ترصيص؟

**mekkawy0** · 17-08-2010 10:20 AM

إمبارح كان في مسمار في الكاوتش عندي. رحت للراجل بتاع الكاوتش. المهم شلنا المسمار و فكينا الكاوتش و لحمناه بلحام داخلي و كل حاجة زي الفل.
وأنا جاي الشغل النهاردة الصبح و الدنيا فاضية كنت ماشي على 100 كلم/س زي كل يوم بس النهاردة حسيت إن الدركسيون بيرعش في إيدي و وضح إن العربية محتاجة ترصيص، فهل إصلاح الكاوتش بالطريقة دي يستلزم الترصيص ولا لأ.
هل أرصص الفردة دي ولا أرصص كله.

**أبو عبدالله** · 17-08-2010 10:51 AM

هترصص الفرده دي فقط
ولكن هيا الرعشة متعرفشي تحدد من اي اتجاه يعني من عند الفردة دي بالذات ولا لأ ؟؟؟؟

**Hegazio** · 17-08-2010 10:52 AM

أه طبعا .. هو حتلاقي فيه 15 بالكتير بس بيفرقو برضه
و الفردة اللي اتصلحت بس
و اقولك علي حركة حلوة .. رصص الباقي .. بس ازاااااي .. خليه يحطها علي المكنة زي ماهي برصاصها و يقيسها و لو فيها لغاية 5 ما ترصصهاش
لكن ولاد الذينة بيعملو ايه .. يشيلولك الرصاص .. و يحطوها علي المكنة .. و يرصصوها تاني ف نفس المكان .. و تدفع زي الباشا

**mohamed_rhem** · 17-08-2010 10:56 AM

اكيد حترصص لان الكتلة اختلفت بس المفروض الرعشة ده تبان علي سرعة اكبر من كده وبكتير

اكيد في حاجة غير الترصيص في العفشة

**M.Zaher** · 17-08-2010 01:44 PM

المفروض قبل ما يحل الكاوتش بيعلم عليه مكان الترصيص القديم عشان يركبه بنفس المكان لكن لو معملش كده لازم هاتحتاج ترصيص للفرده
في كاوتشات بيبقى عليها علامه حمرا مكان الترصيص

**Hegazio** · 17-08-2010 01:58 PM

المشاركة الأصلية كتبت بواسطة m.zaher

المفروض قبل ما يحل الكاوتش بيعلم عليه مكان الترصيص القديم عشان يركبه بنفس المكان لكن لو معملش كده لازم هاتحتاج ترصيص للفرده
في كاوتشات بيبقى عليها علامه حمرا مكان الترصيص

ده منين الكلام ده لو سمحت .. تصليح الفردة بخابور أو لزق أصلا يغير من اتزان العجلة ولازم تترصص من جديد

**جمال** · 17-08-2010 02:01 PM

طبعا فك الكاوتش ثم اعادة تركيبة بيغيرمن الاتزان بتاع العجلة نتيجة ان الكاوتش لم يعاد وضعه فى نفس المكان بالضبط
وبالتالى يحتاج ترصيص , حتى لو علم مكانه