من عشر ايام بالتمام و الكمال قلت اروق عربيتى الدايو اسبيرو بمناسبة رمضان قمت واخد بعضى على بنزينة كار جاز مصدق بعد مكالمة مع المحترم جدا م/ محمد التازى واشتريت فيسكو 2000 للموتور واشتريت زيت dx 3 للفتيس وطلعت على شركة التوفيق فى السيدة وجبت بوجيهات بلاتينيوم وطلعت على الميكانيكى غيرت كل الحاجات وكلة مية مية وبعدين فولت بنزين وكلة لحد دلوقتى تمام


اللى مش تمام بقى انى حسيت ان مؤشر البنزين بيقل بسرعة غريبة بعد ما مشيت 100 كم معظمهم على الطريق الزراعى لحد بنها رايح جاى والباقى جوة البلد قلت مش مهم يمكن العوامة بتخرف ساعات بتعملها مشيت كمان 100 كم معظمهم على الاوتوستراد لحد مايو رايح جاى والباقى جوة البلد برضة كدة انا مشيت 200 كم وجة معاد التفويل لانى بفول كل 200 كم وهنا كانت المفاجاة العربية خدت 38 لتر بنزين
اية اللى حصل حد يفهمنى دة قبل ما ادلعها بالحاجات دى كانت بتعمل 200 كم فى الصفيحة مع العلم ان بعد تغيير الحاجات صوت الموتور هدى بشكل ملحوظ والسحب بقى اكتر من رائع فانا مش فاهم فين بقى المشكلة

ارجوكم ساعدونى هوا انا ادلعها تعل فيا كدا بس على كدة الطيب مش احسن و
لو هوا دة النظام :
يبقى مفيش غير كدا
مع العلم ان فلتر الهوا والبنزين مكملوش 2000 كم