الموضوع: إشتريت ماروتى النهاردة

ألف الف مبروك يا جميل ربنا يديك خيرها و يكفيك شرها

المشاركة الأصلية كتبت بواسطة abdm

ألف مبروك وربنا يديك خيرها ويبعد عنك شرها
الرخصة لازم تتصلح لتلاتة سلندر علشان يبقى الرخصة سليمة وكمان هتقلل معاك فى مبلغ الترخيص كتير
ثانيا: خد الآوراق ذى المبيعة بتاعت العربية أو صورة منهم من صاحب العربية الآصلى وكدة كدة الورق موجود فى ملف العربية فى المرور . لو العربية لسة الرخصة فيها كتير ما تستعجلش وأمشى بيها لغاية ما الرخصة تنتهى وبعد كدة أفحص وأنقل ملكية وغير الرخصة بأسمك وعدل عدد السلندرات
والله الموفق والمستعان

بالنسبة لموضوع ان الرخصة 3 أو 4 سلندر فدي كانت حصلت معايا ان الرخصة اتطبعت 4 سلندر ورحت قولتلهم لا العربية 3 سلندر، فتحوا الملف وبصوا على الفحص الفني لقوها 3 سلندر قاموا قالولي خلاص هانعدلها.
قاموا راحوا غيروا رقم 4 إلى رقم 3 بالإيد على الرخصة وغلفوها تاني.
بالنسبة لانها تقلل في مبلغ الترخيص، اعتقد مش هاتقلل ولا حاجة لأن الضريبة بتتحدد على السعة اللترية والسنة مش على عدد السلندرات.

المشاركة الأصلية كتبت بواسطة mesaharaty

وبالنسبة للرخصة 4 سلندر هو يعنى ضرورى آخد المبايعة من اللى باع لى العربية ولا الموضوع يمشى فى المرور عادى أرجو الإفادة فى الموضوع ده أنا قلقان جدا

ياباشا ألف مبروك عليك
وانت رايح المرور اعتقد لازم يبقى معاك حاجتين:
1- عقد بيع مسجل في الشهر العقاري، يعني لو انت اشتريت بتوكيل لازم تروح الشهر العقاري وتعمل لنفسك عقد بيع مسجل.
2- الحاجة الثانية هي رخصة العربية.
وربنا يوفقك

المشاركة الأصلية كتبت بواسطة mesaharaty

أنا فعلا اشتريت بتوكيل والرخصة تنتهى فى 5/2011

يعنى ممكن أمشى بالرخصة عادى لغاية ميعاد انتهائها
أنا مارضيتش أشترى بعقد علشان كده حيكون مفروض عليا أجدد على طول وأفحص كمان

طيب السؤال بقى هل الفحص حيكون مع التجديد فى 5/2011 ولا فى ميعاد الفحص الفعلى المكتوب على الرخصة (2012) وعلى فكرة التاريخ مكتوب على الرخصة كده :- فحص 2012 يعنى مش متحدد شهر كام

أنا مش فاهم حاجة

لا يا باشا للأسف هاتفحص لما تروح المرور عشان انت هاتعمل عندهم نقل ملكية عشان الرخصة تطلع باسمك.

السلام عليكم ورحمة الله وبركاته
نادي الماروتية يهنئ العضو الجديد بقبول انتسابة للنادي

الف مبروك يا زعيم وربنا يكفيك شرها ويرزقك خيرها وكفيك شر الناس