اتفرجو على صور جديدة للجين 2 2008 احلى من الصور القديمة :)

**fahd_628** · 05-03-2008 09:09 PM

السلام عليكم

بصو على اللينك دة بصراحة العربية بقت احلى و احلى و انا انبسط جدا جدا من التعديلات الداخلية بجد حاجة جامدة و شيك جدا و الجلد بقى فى كل حتة علشان محدش يقول الخامات :D :D :D على فكرة الصور تحت مش فوق

http://paultan.org/archives/2008/03/...-cps-launched/

عاوز رأيكم

**ahmed_gamal** · 05-03-2008 09:53 PM

الف شكر يا فهد علي الصور الجامدة دي هي كدة بقيت بيرسونا بالظبط من جوة

**crazylambada** · 05-03-2008 10:00 PM

ايه الوهم ده
هي العربية شكلها اتغير من جوا و بره و لا انا اللي متهيالي

**SEATLOVER** · 05-03-2008 10:00 PM

الشبكة الامامية ..بقت رائعة ...عقبال الفوانيس الامامية يا رب

**meramor81** · 05-03-2008 10:23 PM

ميرسى يافهد على الصور بس هى دى اللى نزله الاسبوع الجاى اعتقد ان مش نفس الشكل اللى هايجى هنا فى مصر وخصوصا من الداخل انا لما سالت حبيب عن العربيه هايكون الفرش جلد قالى لا العربيه مش بتنزل زى بره والا هاتكون اغلى ومحسن قالى سيبك من الصور اللى على النت اللى بتنزل بتكون مختلفه فايه رئيك يافهد عموما احنا هانستعجل ليه ادينا منتظرين وهانشوف وبعدين صور العربيه اللى انت عارضها الموتور بتعها cpsواللى نزله كامبرو معدل صح ولا ايه

**fahd_628** · 05-03-2008 11:29 PM

شكرا يا جماعة على الردود الحلوة

بصراحة انا مسمعتش قبل كدة ان تم تعديل الكامبرو العادى اعتقد انهم بيتكلمو و خلاص و احسن حاجة تبعتى ايميل لبروتون و تسأليهم هل تم تعديل الكامبرو ولا لأ و لو انى اشك ان تم التعديل لأن المحرك هوة هوة 110 حصان و تورك 148 عند 4000 لفة مفيش حاجة اتغيرت همة ممكن يكونو حسنو العزل مثلا و بقى صوت الموتور اهدى بس غير كدة معتقدش

**fahd_628** · 06-03-2008 01:08 AM

انا اسف يا meramor81 انا كان عندى معلومة غلط

فعلا فية تحديث للكامبرو العادى و اسف على الخطأ و بيحل الDROP فى التورك ما بين ال 3000 و ال 3500 RPM و بقى تقريبا زى الCPS و لكن ال CPS احسن بعد ال 5000 RPM

**ahmedsiyam** · 06-03-2008 10:42 AM

يا مسهل
ادينا مستنيين لما نشوف هاتنزل عاملة ازاى بس هم فى التوكيل هنا بيطلبوا مواصفات اقل علشان سعر العربية يفضل منافس
لان العربية دى اصلا غالية بره و اعتقد فى موقع بروتون انجلترا العربية دى ثمنها 9000 استرلينى و دى كده تبقى عربية غالية موش رخيصة
انا طبعا فى اختيارات كتير قدامى فى نفس الفئة السعرية زيى الاوبترا و الصنى و التويوتا و الهوندا بس البروتون بتحسم كل يوم المنافسة لصالحها

**hogo_9i** · 06-03-2008 01:12 PM

يا رب ماتنزل غالية عشان اقدر اشتريه ده عربيه وهم

**kmatshooo** · 10-03-2008 12:50 PM

انا سمعت ان التعديلات دى مش نازلة على العربيات الى جاية مصر الكلام ده من حد فى التوكيل مش عارف ده بجد ولا هما بيقولوا كده علشان يخلصوا من العربيات الصفرة الى موديل 2007 من عندهم