خلاص هسافر وجرب حظي وربنا يكرم ... ادعولي بالله عليكم

**otefa** · 25-08-2010 08:31 PM

ربنا يوفقق .........شوف الموقع ده
Kuwait Business Directory : دليل شركات الكويت

**otefa** · 25-08-2010 08:36 PM

بالنسبة للأوراق=شهادة التخرج (يفضل توثيقها)+شهادات الخبرة
الموبيل=في شركة الوطنية كويسة وبكروت شحن.
بالنسبة للجرائد=أعتقد الوسيط

**ahmed88hassan** · 25-08-2010 09:36 PM

ربنا يوفقك انشاء الله
بس اهم حاجة حاول تبقي تطمنا عليك ونت هناك

**m_kamal** · 05-09-2010 08:57 AM

المشاركة الأصلية كتبت بواسطة moatazbunny

النهاردة حجزت تذكر الطيران الحمد لله وإن شاء الله أنا متفائل خير ولو مليش نصيب اسمي غيرت جو وشفت أخويا وزرته
إن شاء الله هسافر يوم 9/9 فجرا ... هاحضر العيد هناك إن شاء الله
ادعولي وياريت لو حد يقدر يقولي اخد فلوس مصري ولا كويتي من هنا ..
وياريت لو حد يقولي في هناك أماكن زي مصر كده فيها شركات كتير ولا إيه .. اقصد زي أكتوبر ونيل سيتي وال تجمع وال smartvillage
وأجيب خط هناك إيه وإيه أحسن نظام ل خطوط الموبايل.
وياترى إيه الجرايد اللي هناك ممن ادور فيها على وظايف
وإيه الاوراق اللي لازم اخدها معايا ...
معلش تعبكو معايا شوية بس إن شاء الله مردودة

تيجى الكويت بألف سلامة يا باشا ان شاء الله

الاماكن اللى فيها شركات كتير هى الكويت العاصمة ... كلها شركات و فيه مناطق زى المنطقة الحرة مثلا فيها شوية شركات حلوة برده...

لو هتجيب فلوس معاك مش هتفرق كتير لأن ده هيعتمد انت هتشترى الكويتى من عندك بكام ... بس عموما كدة كدة هات معاك شوية كويتى لحد ما تقابل اخوك فى المطار و كدة يعنى و لو حتى 20 او 30 دينار كويتى

احسن اسعار مكالمات حاليا هى فيفا و خليك فى نظام (كروت الشحن) بلاش نظام الفاتورة فى الاول .. و لعلمك المكالمات من الخطوط الارضية ببلاش ....يعنى لو هتتصل باى تليفون سواء موبايل او من تليفون ارضى المكالمة بتبقى ببلاش ....و اشتراك الخط الارضى 30 دينار فى السنة و خلاص بدون اسعار مكالمات

الجرايد كتير منها الوسيط الصدى الدليل الهدف و دى جرايد مجانية بتتوزع مجانا
و طبعا الجرايد العادية .. اكتر اتنين فيهم وظايف الراى و الوطن و طبعا تابع على النت كمان

اهم حاجة شهادة التخرج موثقة من الخارجة المصرية من اى مكتب توثيق من المنتشرين فى كل مكان فى مصر ثم توثقها من سفارة الكويت بالدقى

و طبعا شهادات الخبرة
و لو معاك اى كورسات برده هات الشهادات بتاعتها

و بالتوفيق يا باشا ان شاء الله

**ahmedhilmy** · 05-09-2010 09:58 AM

موفق ان شاء الله

**mr_vampire** · 05-09-2010 04:34 PM

المشاركة الأصلية كتبت بواسطة hazemhany

والله يااستاذ مصطفي انا اعرف اللي بيروح هناك عشان يدور ع شغل بيتبهدل بهدلة جامدة ولو لاقي حاجة بتبقي ضايعة والكلام ده انا قريته في منتديات كتير وممكن تخش ع منتدي محاورات المصريين وتشوف تجارب ناس بنفسك ...نصيحتي ليك متسافرش غير وعقدك في ايدك او رايح ع شركة محددة ..انما تروح منك لنفسك كده هتتعب ..والله اعلم

انا مع الراي ده تسافر وعقدك في ايدك افضل وكمان اصعب واغلي حاجة هناك السكن يعني انتا كفرد ممكن تسكن في استوديو حاجة كدة اودة وحمام ب 70 دينار يعني في حدود 1400 جنيه وطبعا تنقلاتك بتاكسي غالي جدااااااااااااااااا ففكر تاني ولو اخوك مطلعش الفيزا. قوله ياجلها شوية وهو يدورلك علي حاجة.

**Ahmed Selim** · 06-09-2010 01:53 AM

ربنا يوفقك للى فيه الخير إن شاء الله
كل اللى أقدر أضيفه على كلام الزملاء هو أنك تاخد معاك رخصة قيادة دولية علشان هتنفعك لو أخوك معاه عربية و ينفع يسيبهالك تروح تقدم فى شركات و هو فى شغله.

أعرف أكتر من واحد راحو الإمارات من غير عقود..... فيه منهم اللى ربنا وفقوا و لقى شغل و فيه منهم اللى رجع مصر.

و متفتكرش أن الحياة هتبقى وردى........ده مش تشاؤم بس ده من واقع تجربة فى الإمارات برضه.

الناس دى بتدى مرتبات عالية بالنسبة لمصر و الحكومة هنا بتعرف تلم فلوس من الناس إزاى من غير ما ياخدوا بالهم :(

و بالنسبة للجرائد.....دور فى كل الجرائد المنتشرة هناك.....أكيد أخوك هتلاقيه عارفهم.

و أعلم أن رزقك لن يأخذه غيرك.

ربنا معاك مرة تانية و طمنا عليك و أنت هناك كل لما تلاقى فرصة.