الموضوع: فين الاهالى و فين التربية ؟؟

ده كله من غياب دور الأمن ... الأمن اللي بقي متفرغ للمظاهرات إن حدثت ولا يهمه من قريب أو بعيد حفظ النظام والأخلاق في الشارع
في القاهرة (طريق المطار) الأمر ده منتشر عادي جدا وكأنه توجد لافته تقول ((مسموح بكل ما هو مناف للأداب))
والسؤال هو:
لما لسه فيه ناس محترمين والمناظر دي بتسيء لهم ... يعملوا إيه؟ يتصلوا بمين؟ ولو إتصلو ... حد هايرد عليهم؟؟
حسبنا الله ونعم الوكيل

المشاركة الأصلية كتبت بواسطة mytutor2008

ده كله من غياب دور الأمن ... الأمن اللي بقي متفرغ للمظاهرات إن حدثت ولا يهمه من قريب أو بعيد حفظ النظام والأخلاق في الشارع
في القاهرة (طريق المطار) الأمر ده منتشر عادي جدا وكأنه توجد لافته تقول ((مسموح بكل ما هو مناف للأداب))
والسؤال هو:
لما لسه فيه ناس محترمين والمناظر دي بتسيء لهم ... يعملوا إيه؟ يتصلوا بمين؟ ولو إتصلو ... حد هايرد عليهم؟؟
حسبنا الله ونعم الوكيل

علي فكرة هقول لحضرتك حاجة .. اما ضابط بيقفش شباب امامير كدة بيحششوا في الشارع بيعمل ايه ؟ بياخد الحشيش و يمشي ! و حصلت قدامي و مع ناس اعرفها .. قالهم انا مش عايز اضيع مستقبل حد فيكوا .. متعملوش كدة تاني .. هو الراجل بصراحة تعاطف مع الاولاد اللي كل واحد فيهم في كلية ما شاء الله اسمها يهز جبال .. بس فيه حد عاقل يفتكر انهم مش هيعملوا كدة تاني !؟

بل الطامة الكبري .. ان بعض افراد الامن بيضبطوا الشباب دول و ياخدوا "الحرز" ليهم هما !

استاذ شيكو .. مصر بس في أخر سنتين .. بقت بلد تانية غير البلد
و بقي كل حاجة علي عينك يا تاجر .. السرقة و الفساد و قلة الأدب و البلطجة ..

المشاركة الأصلية كتبت بواسطة gemino

لا مش من اخر سنتين بس هى من زمان فيها كده بس اللى كان بيعمل كده كان بيستخبى و بيدارى نفسه لما يعمل اى رذيلة (كان عندهم دم :)) بس دلوقتى الجهر بالمعصية بقى هو الاساس و الموضة

حضرتك أسكندرانى وعارف طبعا (ولو بالسمع) عمارات الظباط مصطفى كامل وإللى بيحصل فيها والمنتزة والمعمورة حتى الصحراوى بقى زفت.
ونفسى أعرف فين الأهالى ال...... دول إللى بيسيبوا أبنهم أو بنتهم فى الشارع لحد الفجر
يا عم أنا لما كنت أتأخر لحد الساعه 11 بالليل يوم الخميس كنت ألاقى والدى واقف فى البلكونه مستنى أرجع (قبل الموبيل)
إحنا فى زمن ربنا يخرجنا منه على خير
من كام شهر أنا شفت عيل بتاع 4 سنين بيشتم عيل معاة يا بن ال...... والله أنا أتحدى لو كان يعرف معناها , دة يا دوب لسه متعلم الكلام
تفتكر النوعيه دى لما تكبر حتعمل إيه غير المخدرات والجنس والسرقه وكل البلاوى إللى فى الدنيا وما سمعناش عنها
إللى عندة ولد أو بنت فعلا لازم يحط عنيه فى وسط رأسه لأن المشكله دلوقتى أن لا البيت ولا المدرسه بيربوا
الأصحاب هما إللى بيربوا بعض وربنا يستر

شىء من اثنين 000 اما ان البعض يبالغ فيما يقص 000 او ان الامر فى مصر بهذا الشكل اصبح مثل شيكاجو 000 ولكن فى قرارة نفسى وما اراة من اقاربى واولادى وهم مثل كل عائلتكم 00 اقر بأن مصر ما زالت بخير وان القلة هى الفاسدة وهؤلاء هم من ارباب الفئة الجديدة التى نزلت عليها الثروة من النهب والسرقة والنصب العلنى فى مصرنا العزيزة الغالية
وثقتى فى الله ان الغمة سوف تنزاح وتبقى مصر هى مصر واهلها بخير