الموضوع: العنايه بمواتير الهوندا

المشاركة الأصلية كتبت بواسطة semsem kane

بالنسبة بقى للعناية بالمواتير طبعا اللى هيتعمل فى مواتير الهوندا هو اللى بيتعمل فى اى ماتور تانى سواء تويوتا او مرسيدس حتى وعشان تحافظ على ماتورك وتخلية يقعد اطول فترة ممكنة من وجهة نظرى دية افضل الطرق او اللى انا بتبعها :

1: تغير الزيت فى ميعادة او قبل ميعادة كمان حسب ظروف القيادة مع مراعاة نوع الزيت حسب حالة الماتور( اهم طريقة للمحافظة على الماتور )

بستخدم امارات مصر ودى اول مره اجربه بس فعلا مميز وبعد ما حطيته كنت غير فلتز الزيت والهوا والبنزين وبوجيهات فرقت معايا بعد ما كانت العربيه بتموت ومبتسحبش

2: عدم الوصول الى منطقة الريد زون عند الشد او الحرق على الغيارات يعنى لو عندك ماتور اخر عدد لفاتة 7200 لفة ماتعديش ال7000 لفة بكدة هتحافظ على ماتورك جامد جدا

انا عندى عدد اللفات 9 او 8 مش فاكر بالظبط بكره هقولك بس على اى حال مش بوصل للريد زون باى حال من الاحوال وجربت قبل كده وجبت الدواسه لاخرها فى طريق اسكندريه الصحراوى ومجاش لاخره برضه ايه السبب ؟وعلى فكره السرعه اخرها تقريبا كان 200 او 190 مجبتش برضه 230 بتوعها
3: ماتعملش خمسات او طلعات فجائية (امريكانى ) باستمرار لانة بتضعف مكونات الماتور مع كترها

مبعملهاش اصلا يا خويا سمسم اخوك عاقل انا بجرى بس

4: ماتمشيش على غيار لمدة طويلة فى حالة المانيوال , بالنسبة للاتوماتيك خليك مابين الd3 ,d4 سحبهم ماشاء الله جامد

اوتوماتيك ودايما على 4d

5: تخلى الماتور ياخد راحتة فى انة يسخن يعنى مش اول ماتدور تطلع على طول والكلام دة فى فترة الصباح يعنى السيارة مادرتش بقالها فترة المفروض تسيبها تسخن واول لما مؤشر الحرارة يبتدى يتحرك ابدأ فى الحركة مع مراعاة انك ماتعديش 2000 لفة كدة انت بتافظ على اجزاء الماتور الداخلية لحد مالزيت يبدأ يسخن وياخد وضعة

بص بقه ياعم موضوع التسخين ده بقه انا عندى كتالوج الهوندا si عربى وباذن الله هرفعه للاحوه للاستفاده لانى مشفتوش هنا فيه انجليزى بس على اى حال مكتوب فيه بالظبط كده ( انك مش محتاج تسخن عربيتك الهوندا ومسمينه وضع التشغيل انت سعادتك تدور وتمشى ومش محتاج تسخين صدقنى والله معلومه متاكد منها حتى انا استغربت ) بس عموما برضه نرجع نسخنها تانى انا من ساعه ما قريت كده بدور واطلع فورى

يحصل باذن الله 6: قياس مستوى الزيت كل اسبوع للاطمئنان , ودورة التبريد لو فية زيت ناقص زودة لانة كدة بيأثر على مستوى التزييت داخل الماتور
7: الاهتمام بكفاءة دورة تبريد السيارة يعنى تغسل الردياتير كل اسبوع من برة بالماء ذات (لضغط الخفيف), وتغسل دورة التبريد كل 6 شهور لو بتحط مياة عادية وكل سنة لو بتحط مياة ملونة

8: متابعة مؤشر الحرراة وانت سايق كل عشر دقايق لتفادى حدوث اى عطل مفاجىء , والتاكد من كفاءة عمل مروحة التبريد وايضا ان الثرموستات تعمل بكفاءة

9: احكام اغلاق غطاء تزويد الزيت وكذلك غطاء الرديايتر والقربة ومراعاة تفريغ الهواء منهم

10: تنظيف البوابة كل 10000 الاف كيلو وذلك لضمان سلاسة عمل المحرك واخذ منة قوتة بدون مجهود علية

11: ان يكون الشكمان سليما وليس بقة ثقوب ويكون مش مسود لضمان تنفيس افضل للمحرك وعدم التأثير على سحبة او فى خروج الغازات منة

12: الاهتمام جيدا بتنظيف فلتر الهواء , والبنزين , والرشاشات او بيجات الكربراتير

13: تغير طقم كهرباء السيارة اى سيرفيس كامل فى ميعادة او حتى مع بداية ظهور مشاكل

صدق انا مغيرتش والعربيه ماشه دلوقتى 83000 الف وصاحبتها الى اشتريتها مغيرتش من ساعه ما اشترتها والله اعلم بس اول ما جبتها كانت 69000 المكيانيكى قالى مش محتاج تغير بس مفروض اغير فعلا

14: اى تأكل فى الديسك والاسطوانة الخاص بالمانيوال يتم تغيرة لعدم التأثير على الماتور من حيث ارتفاع الحرارة والضغط علية للوصول للسحب المرضى

15: ماتمشيش على السرعة القصوى فترة كبيرة

16: الاهتمام بجودة قواعد الماتور

17 : كل قطعة غيار تركب تكون اصلية

18: لما تشغل التكييف يفضل انك تمشى عادى يعنى فى حدود من 3000 الى 4000 لفة

اخرى 110 كلم كثير كده ؟

بكدة انت هتحافظ على السيارة وان شاء الله تون معاك اطول فترة