الموضوع: العنايه بمواتير الهوندا

بالنسبة بقى للعناية بالمواتير طبعا اللى هيتعمل فى مواتير الهوندا هو اللى بيتعمل فى اى ماتور تانى سواء تويوتا او مرسيدس حتى وعشان تحافظ على ماتورك وتخلية يقعد اطول فترة ممكنة من وجهة نظرى دية افضل الطرق او اللى انا بتبعها :

1: تغير الزيت فى ميعادة او قبل ميعادة كمان حسب ظروف القيادة مع مراعاة نوع الزيت حسب حالة الماتور( اهم طريقة للمحافظة على الماتور )

2: عدم الوصول الى منطقة الريد زون عند الشد او الحرق على الغيارات يعنى لو عندك ماتور اخر عدد لفاتة 7200 لفة ماتعديش ال7000 لفة بكدة هتحافظ على ماتورك جامد جدا

3: ماتعملش خمسات او طلعات فجائية (امريكانى ) باستمرار لانة بتضعف مكونات الماتور مع كترها

4: ماتمشيش على غيار لمدة طويلة فى حالة المانيوال , بالنسبة للاتوماتيك خليك مابين الd3 ,d4 سحبهم ماشاء الله جامد

5: تخلى الماتور ياخد راحتة فى انة يسخن يعنى مش اول ماتدور تطلع على طول والكلام دة فى فترة الصباح يعنى السيارة مادرتش بقالها فترة المفروض تسيبها تسخن واول لما مؤشر الحرارة يبتدى يتحرك ابدأ فى الحركة مع مراعاة انك ماتعديش 2000 لفة كدة انت بتافظ على اجزاء الماتور الداخلية لحد مالزيت يبدأ يسخن وياخد وضعة

6: قياس مستوى الزيت كل اسبوع للاطمئنان , ودورة التبريد لو فية زيت ناقص زودة لانة كدة بيأثر على مستوى التزييت داخل الماتور

7: الاهتمام بكفاءة دورة تبريد السيارة يعنى تغسل الردياتير كل اسبوع من برة بالماء ذات (لضغط الخفيف), وتغسل دورة التبريد كل 6 شهور لو بتحط مياة عادية وكل سنة لو بتحط مياة ملونة

8: متابعة مؤشر الحرراة وانت سايق كل عشر دقايق لتفادى حدوث اى عطل مفاجىء , والتاكد من كفاءة عمل مروحة التبريد وايضا ان الثرموستات تعمل بكفاءة

9: احكام اغلاق غطاء تزويد الزيت وكذلك غطاء الرديايتر والقربة ومراعاة تفريغ الهواء منهم

10: تنظيف البوابة كل 10000 الاف كيلو وذلك لضمان سلاسة عمل المحرك واخذ منة قوتة بدون مجهود علية

11: ان يكون الشكمان سليما وليس بقة ثقوب ويكون مش مسود لضمان تنفيس افضل للمحرك وعدم التأثير على سحبة او فى خروج الغازات منة

12: الاهتمام جيدا بتنظيف فلتر الهواء , والبنزين , والرشاشات او بيجات الكربراتير

13: تغير طقم كهرباء السيارة اى سيرفيس كامل فى ميعادة او حتى مع بداية ظهور مشاكل

14: اى تأكل فى الديسك والاسطوانة الخاص بالمانيوال يتم تغيرة لعدم التأثير على الماتور من حيث ارتفاع الحرارة والضغط علية للوصول للسحب المرضى

15: ماتمشيش على السرعة القصوى فترة كبيرة

16: الاهتمام بجودة قواعد الماتور

17 : كل قطعة غيار تركب تكون اصلية

18: لما تشغل التكييف يفضل انك تمشى عادى يعنى فى حدود من 3000 الى 4000 لفة

بكدة انت هتحافظ على السيارة وان شاء الله تون معاك اطول فترة