الموضوع: استفسار هام بخصوص عطل فى موبايل ( عطل touch screen )

المشاركة الأصلية كتبت بواسطة ashouhdy

والله انا كنت عامل كوبى قبل كدة فمهتمتش بس اسألهم اعتقد سهل يعملوا كوبى او قولهم واكد فى الورقة بتاعت الصيانة عدم تحديث السوفت وير لأن اى موبايل داخل الصيانة بحدثوا السوفت وير ..... وربنا يستر عارف شعور لما 400 اسم يضيعوا منك من الكونتاكتس بتوعك !!!

انا فعلا ان شاء الله لو اتفقت معاهم على ال Backup لازم اخليهم يكتبوها فى امر الشغل اللى هاخده علشان المشكله اللى حصلتلى سابقا مع رايه كانت متقلقش يا باشا مفيش فورمات ولما رجعت استلم لقيت التليفون ابيض واتقالى بعلو الصوت ان محدش قالك كدا والداتا دى مش مشكلتنا

ربنا يستر فعلا الكونتاكتس الجديدة لمده 8 شهور هتروح كدا كلها :(

المشاركة الأصلية كتبت بواسطة Ahmed A.Maksoud

معلش أسمحلى أحبطك و أقتل بصيص الأمل اللى جواك و أقولك

سياسة التوكيلات أنهم ملهمش دعوة بالداتا......نوهائياً يا نوح بك

أنت ممكن تجرب حل من حلين علشان تحاول تجيب الداتا بتاعتك

تشوف حد معرفة فى التوكيل أو تسألهم و لو رفضوا أعرض عليهم أنهم يعملوها مقابل فلوس....بس أسأل بكام الأول علشان ممكن يصدموك.

أو الحل التانى أنك تسأل أى حد من معارفك على حد عفريت فى الموبيلات و تحاول تخليه يجيب الداتا قبل ما تروح التوكيل.

حبيب قلبى :) , انا قولت كدا برده مصر هتفضل غاليه علينا

يا باشا انا جربتها سابقا واتقالى الداتا بتاعتك دى مش مشكلتنا المفروض تعمل Backup قبل العطل , قال يعنى الموبايل كان بينتش منى على الاول قبل ما يفصل !!!!

انا هجرب اتوصل معاهم لإتفاق وامضاء على كمبيالات بالحفاظ على الداتا والا هلجأ فعلا لحد من برا يسحبلى الداتا الاول وبعدين ابقى ارجعلهم , وياريت يكون الحل معاهم بفلوس اهو يبقى الواحد ضمن ان هيلتزموا بكلامهم

المشاركة الأصلية كتبت بواسطة ashouhdy

او تصلحوا برة التوكيل وتخسر ال4 شهور اللى فاضلنلك فى الضمان .... كدة كدة الشاشة مش حتعدى 200 جنية بالكتيير

انا الحل ده هخليه بعد فقد الامل , حاكم ان يبقى عيب صناعة واشيله انا هتزعلنى قوى خاصة لو رجع تانى بعد فتره

المشاركة الأصلية كتبت بواسطة A_H_M_A_D

إيه أخبار التليفون؟

أنا بصراحة كنت ناوي أشتري سامسونج ستار , بس لما قريت موضوعك ده قلقت !!

والله انا حتى الان راميه لإنى عندى شغل ومش فاضى اشوف القصه دى

غالبا هعمله الاسبوع الجاى

التليفون الستار كويس بشكل عام خاصه بعد نزول سعره دلوقتى بقا صفقه ماليه متميزه جدا , مميزاته وعيوبه بقا

انه تليفون مش حمال أسيه واقل استعمال مش محترم ليه بيبان على الجسم الحارجى القابل بشده للخربشه والكسر وواضح كمان انه بيبان على الهاردوير زى ما حصل معاى فى التاتش ( حتى الان معرفش عيب صناعه ولا استعمال )

الكاميرا صورها جيده جدا نهارا , سوبر سيئه ليلا وطبعا مفيهوش فلاش

الشاشه حجمها والوانها والتاتش بتاعها تقييمى ليهم ممتازين

السماعه الخارجيه ممتازه والهيدفونز اللى بتنزل معاه صوتها رائع بمعنى الكلمه لو انت من هواه الاغانى والموسيقى فى العمل مثلا

التليفون كسرعه استجابه للأوامر بطئ شويه عن باقى التليفونات التاتش الشهيرة , ابطأ حتى من منافسيه من النوكيا فى نفس الفئه فى حين ان حساسيه التاتش فيه اعلى منهم

كسوفتوير تعبان قوى , ملوش اى برامج نهائى يادوب هو الاذان وشكرا , وحتى لو لقيتله فهو بيهنج لو شغلت ال Music player وقعدت تقلب فى القوائم فما بالك بقا لما تنزل له Application وتشتغل عليها

بس التطبيقات المثبته اصلا فى الجهاز ممتعه ومفيده جدا والتعامل معاها فعلا ممتع , واجهه المستخدم كلها بشكل عام التعامل معاها ممتع

كتليفون , اسماء ومواعيد ورسائل وافتح واقفل وزمن تحدث وعمر بطاريه اديله 15 من 10 بأمانه , وملحوظه كمان صوت سماعه التحدث عالى قوى لو انت فى مهرجان واللى بيكلمك صوته واطى هتسمعه بوضوح تام ودى كانت ميزه خرافيه بالنسبه لى علشان بتكلم فى التليفون فى الشارع كتير ومش بسمع الصوت الواطى كويس

من الاخر لو عايز تليفون شكله اعلى من سعره وانت بتتكلم كتير ومحتاج بطاريه تسعفك طول الوقت وعايزه يبقى تاتش وملكش فى شغل التطبيقات يبقى ده تليفونك , لو عايزه علشان تنزل عليه برامج او استعمالك حاد شويه يبقى بلاش منه

ملحوظه اخيره : احمد عز فى التجمع قالى ان سامسونج فى مصر ليها 3 ضمانات , اسوءهم هو يونيون جروب اللى انا معاه وفى واحد تانى اسمه سكاى تقريبا بيقول انه ممتاز من تجربته معاهم

فلو هتجيب الستار خد بالك من حته مين الضامن دى

امبارح رحت التوكيل علشان ادخل التليفون الصيانة بعد ما استعوضت ربنا فى الارقام الى هتقع منى

طبعا الشركة ملهاش غير مركز صيانة يتيم فى كل القاهرة فى مصر الجديدة - ميدان الحجاز

رحت على الساعه 9 ونص كدا لقيت الدنيا هناك بالضرب , قولت يمكن عاملين 80% خصم على التليفونات ولا حاجه !!!

دخلت أخد رقم للصيانة لقيت قدامى لسه 32 واحد :)))) , تقريبا كان فى صفقة تليفونات مضروبة نزلت السوق ولا ايه

البلد كلها جايه تعمل صيانه !!

قعدت الف فى مصر الجديدة ساعه ونص بالظبط ورجعت لقيت مشى 20 واحد ولسه قدامى 12 قولت مش مشكله اقعد , وبعد ساعه جه الدور عليا اخيرا

دخلت وشرحت المشكلة للموظف وبعدين لقيته بيقولى ما هو شغال عادى اهو !!! , ببص لقيت اتنح وارخم موقف ممكن يحصلك فى مركز صيانه بيحصلى بالفعل

التليفون شغال زى القرد ومفيهوش اى مشكله نهائى والتاتش ولا كأنه لسه طالع من العلبه

اخدت التليفون منه واشيل البطاريه وارستر الجهاز وكله تمام وكأن شيئا لم يكن :@:@ , سألته عن السبب قالى مش عارف بس هو غالبا مشكله فى السوفت واتحلت لوحدها

روحت البيت شحنت التليفون وشغال بيه من امبارح مبهدله ومش عايز يعملها تانى , حد عنده تفسير !!