العربية مش عايزة تدور

**cOrn** · 19-08-2010 09:16 AM

المشاركة الأصلية كتبت بواسطة haroun707

انا اقصد صوت غريب فى ماتور العربية

انا على العموم جه فى بالى كمان حاجة ممكن تبص عليها وهى طقم الكهرباء البوجيهات وغيرها

وانا حاسس على فكرة انها حتطلع حاجة صغيرة جدا وهايفه

يا ريت تطلع حاجة هايفة والله . بس انا لسه مغير طقم بوجيهات ngk اللى غايظنى ان العربية كانت ماشيـــــــــــــــــــــ ـــــــة يعنى 100% حاجة فصلت او اتقطعت مثلا

**cOrn** · 19-08-2010 09:18 AM

شكرا يا هارون باشا على تعاونك معايا والله و هقول الاخبار اول بأول لنشر الفائدة انشاءالله

**bassam266** · 19-08-2010 09:44 AM

احتمال كبير تكون الموبينه بما انك بتقول الكهرباء كلها شغاله و المارش تمام يبقى يا البوبينه يا البوجيهات يا السلك اللى طالع من الموبينه للاسبراتير ملهاش حاجه تانيه شوف الموبينه شغاله ولا لأ ازاى؟

شيل السلك اللى طالع من الموبينه للـسبراتير من الأسبراتير و لمسه مع جسم العربيه لو طلع شرار تبقى الموبينه شغاله لو مطلعش تبقى الموبينه مش شغاله بس لازم تكون فاتح كونتاكت جرب و قولى ايه اللى حصل

**haroun707** · 19-08-2010 09:47 AM

المشاركة الأصلية كتبت بواسطة matrixco

يا ريت تطلع حاجة هايفة والله . بس انا لسه مغير طقم بوجيهات ngk اللى غايظنى ان العربية كانت ماشيـــــــــــــــــــــ ـــــــة يعنى 100% حاجة فصلت او اتقطعت مثلا

بس ياباشا انا ححكيك على حاجة حصلتلى
كنت نازل رايح مشوار ومتأخر المهم العربية مبتدورش جيبت ميكانيكى قالى البوجيهات رحت جيبت طقم كهرباء كامل
واللى انا فاكرة ان البوجيهات كانت ngk وطبعاً لما حصل كل ده كنت خلاص اتأخرت والميعاد راح خلاص
فا قفلت العربية وطلعت البيت تانى
وتانى يوم الصبح بدور لقيت العربية متلته يعنى دايرة ثلاثه بس مش اربعه

المهم رحت للميكانيكى بتاعى جابلى من عنده طقم بوجيهات اسمه بوسنه وده كان بحوالى 15 جنية

ولغايه لما بعتها كان فيها

انا بس عاوز اقولك ان البوجيهات ممكن تكون مضروبه او واخده رطوبه فا تقطع تانى

**haroun707** · 19-08-2010 09:55 AM

المشاركة الأصلية كتبت بواسطة bassam266

احتمال كبير تكون الموبينه بما انك بتقول الكهرباء كلها شغاله و المارش تمام يبقى يا البوبينه يا البوجيهات يا السلك اللى طالع من الموبينه للاسبراتير ملهاش حاجه تانيه شوف الموبينه شغاله ولا لأ ازاى؟

شيل السلك اللى طالع من الموبينه للـسبراتير من الأسبراتير و لمسه مع جسم العربيه لو طلع شرار تبقى الموبينه شغاله لو مطلعش تبقى الموبينه مش شغاله بس لازم تكون فاتح كونتاكت جرب و قولى ايه اللى حصل

والله يابشا انا معتدش انها بوبينة لانه مش سامع اى اصوات غريبة فى الدوارة زى رجرجه ولا حاجة وخصوصاً ان كل حاجة فى الكهرباء عنده شغاله كويس

لكن الله اعلم
كلها اجتهادات

**khaled_sabry** · 19-08-2010 10:10 AM

المشاركة الأصلية كتبت بواسطة matrixco

السلام عليكم .
انا معايا bmw e30 مو 90 الموقف كالتالى وانا ماشى بالعربية على 20 بطلت منى قولت عادى جيت ادور تانى مرديتش الفكرة ان صوت المارش عادى يعنى هو هو نفس الصوت اللى قبل الدوران المهم حاولت ازقها وارميلها مارديتش تدور ... قولت ممكن فصلت بنزين و مؤشر البنزين معلق مع ان المؤشر على 25 لتر . روحت جبت بنزين و برده مفيش فايدة .. رحت راكن العربية فى المكان اللى عطلت فيه و طبعا الوقت متأخر انى اجيب ميكانيكى قولت اسأل هنا يمكن حد يفيدنى .. ملحوظة غربية حاولت ادور كذا مرة ولما نزلت من العربية كان فية رائحة بنزين ظاهرة جدا بس بصراحة معرفتش هيا منين بصيت تحت العربية مفيش اى حاجة .. ملحوظة اخرى . كهربة العربية شغالة كويس جدا يعنى الكاسيت و الزجاج و السنتر شغال مفيش مشاكل ودة يدل ان البطارية سليمة لأنى كمان لسة مغيرها من اسبوع منتظر ردودكم وانشاء الله نوصل لحل

شكرا

حصلت معايا الاسبوع اللى فات
و كان حلها بمنتهى البساطه انى غيرت الكوندنسر و اشتغلت بعد كده زى الفل
وموضوع ريحة البنزين دى علشان اكيد العربيه شرقت من كتر ما بتدوس بنزين و مش بتدور

فانتا اعمل كالاتى : اشترى ابلاتين و كوندنسر لأن العيب في واحد منهم (الاتنين ب 20 جنيه على بعض ) و غيرهم باللى راكب عندك و بعد كده دور عادى ولو شكيت ان العربيه شرقانه من كتر دوس البنزين فاضغط للأخر على الدواسه و انتا بتدور و استنى ثانيتين او تلاته و انتا فاتح المارش . حتلاقى العربيه دارت باذن الله

**amr_paolo** · 19-08-2010 10:12 AM

بص يا باشا أنا حصل معايا نفس الحركة ديه وكانت العربية ماشية تمام التمام وفجأة بطلت ومش عاوزة تدور نهائياً وعملت كل اللي الاخوة قالوه ده وطلع كل شيء سليم في الكهرباء والموبينة
روحت للكهربائي وكشف على طرمبة البنزين ولما فكها ونظفها دارت العربية وبقت تمام ولكن رجعت تاني زي الأول قطعت ومش عايزة تدور . طلع ان طرمبة البنزين بتعلق تشتغل شوية وتفصل تاني
روحت مغيرها واشتريت واحدة جديدة ماركة بوش الألماني وركبها وبقت العربية تمام التمام زي الأول
فأكيد ديه طرمبة البنزين
شوف كدة وابقى قولنا ايه الأخبار عشان نطمن
مع العلم عربيتي سيات قرطبة مو97

**bassam266** · 19-08-2010 10:26 AM

المشاركة الأصلية كتبت بواسطة amr_paolo

بص يا باشا أنا حصل معايا نفس الحركة ديه وكانت العربية ماشية تمام التمام وفجأة بطلت ومش عاوزة تدور نهائياً وعملت كل اللي الاخوة قالوه ده وطلع كل شيء سليم في الكهرباء والموبينة
روحت للكهربائي وكشف على طرمبة البنزين ولما فكها ونظفها دارت العربية وبقت تمام ولكن رجعت تاني زي الأول قطعت ومش عايزة تدور . طلع ان طرمبة البنزين بتعلق تشتغل شوية وتفصل تاني
روحت مغيرها واشتريت واحدة جديدة ماركة بوش الألماني وركبها وبقت العربية تمام التمام زي الأول
فأكيد ديه طرمبة البنزين
شوف كدة وابقى قولنا ايه الأخبار عشان نطمن
مع العلم عربيتي سيات قرطبة مو97

لو طرمبه البنزين فيها حاجه العربيه مش حتشرق دى حاجه تانى حاجه نرجع للموضوع من الاول ايه اللى يخلى اى عربيه متدورش حاجه من اتنين يا مفيش بنزين يا مفيش كهرباء طيب فيه بنزين يبقى مفيش كهرباء يعنى ايه كهرباء (بطاريه-موبينه-اسبراتير-سلوك-بوجيهات-مارش)
البطاريه: سليمه لان كهربه العربيه تمام غير انها جديده
مارش: الراجل بيقول صوته طبيعى
بوجيهات: مش معقول كلها حتقطع مره واحده يعنى على الاقل تدور بس تبقى متلته مش الاربعه قطعوا
يبقى فاضل ايه حاجه من اثنين يا موبينه يا اسبراتير(ابلاتين و كندنسر) شوف ال3 حاجات دول اكيد حاجه فيهم بايظه (ابلاتين-كوندنسر-موبينه) و ربنا معاك الموضوع مش صعب سواء كانت فى اى حاجه من الثلاثه خمس دقايق عند اى ميكانيكى و خلاص

**cOrn** · 19-08-2010 07:06 PM

انا تعبت والله و زهقت ... روحت عند العربية جربت ادور تانى النهاردة مفيش .. فكيت الكنبة الخلفية و بصيت على الطرمبة و سمعت صوتها لما باجى ادور جبت كهربائى فك خراطيم الطرمبة و جابت بنزين من خرطومين (الراجع - والداخل) كشف على الموبينة والبوجيهات والفيوزات كلها شغالة المشكلة ان العربية واقفة فى مكان مفيش فيه حد بتاع بى ام دابليو و مش عارف اعمل اية

**cOrn** · 19-08-2010 07:22 PM

المشاركة الأصلية كتبت بواسطة bassam266

لو طرمبه البنزين فيها حاجه العربيه مش حتشرق دى حاجه تانى حاجه نرجع للموضوع من الاول ايه اللى يخلى اى عربيه متدورش حاجه من اتنين يا مفيش بنزين يا مفيش كهرباء طيب فيه بنزين يبقى مفيش كهرباء يعنى ايه كهرباء (بطاريه-موبينه-اسبراتير-سلوك-بوجيهات-مارش)
البطاريه: سليمه لان كهربه العربيه تمام غير انها جديده
مارش: الراجل بيقول صوته طبيعى
بوجيهات: مش معقول كلها حتقطع مره واحده يعنى على الاقل تدور بس تبقى متلته مش الاربعه قطعوا
يبقى فاضل ايه حاجه من اثنين يا موبينه يا اسبراتير(ابلاتين و كندنسر) شوف ال3 حاجات دول اكيد حاجه فيهم بايظه (ابلاتين-كوندنسر-موبينه) و ربنا معاك الموضوع مش صعب سواء كانت فى اى حاجه من الثلاثه خمس دقايق عند اى ميكانيكى و خلاص

العربية انجكشن... اسف انى موضحتش