الموضوع: من أين أشترى البى واى دى إف ثرى وما الأسعار

المشاركة الأصلية كتبت بواسطة mostafa123

إلى الإخوة الأفاضل جميعا
السلام عليكم ورحمة الله وبركاته
فى سؤال بسيط جدا وقد يكون غبى بعض الشئ ولكن إعذررونى لأن العربية جديدة معايا
المفروض عداد الـ rpm يكون على كام وهى العربية واقفة طبعا ومن غير ما أدوس بنزين؟؟
والسلام عليكم ورحمة الله وبركاته

بالعكس .. هذا سؤال زكى وهام جدا .. وأجابتة أن للسيارة ذات الفتيس المانيوال .. يكون rpm بين 700 و 800 لفة فى الدقيقة .. أى تحت علامة العشرة بالعداد بقليل ..

المشاركة الأصلية كتبت بواسطة mostafa123

الإخوة الأفاضل جميعا
السلام عليكم ورحمة الله وبركاته
ذهبت اليوم لفرع الصيانة فى القطامية وكنت هناك الساعة الثامنة وعشرة دقائق صباحا
وجدت عدد رهيب جدا من سيارات التاكسى واقفين بالدور
كان هناك سيارة ملاكى واحدة ونفس لون سيارتى وجاية من السويس
قابلنى واحد من برة خالص قال لى هتعمل إيه
قلت له صيانة الألف
قالى يعنى تغيير زيت وفلتر بس ولا حاجة كمان
قلت له لا.. حاجة كمان..
قال لى طيب ياريت تعدى بعد بكره علشان النهاردة زحمة جدا ولو عربيتك دخلت فى "المدعكة" دى هتقعد معانا طول النهار وهتروح متأخر وبرضه العربية مش هتتعمل زى ما انت عايز .. قال لى لو عايز تغيير زيت وفلتر وبس أدخلك وتخلص فى ربع ساعة زى العربية اللى قدامك اللى جاى من السويس برضه لصيانة الألف. .. لكن لو حاجة كمان فمش هاتخد اللى انت عايزه.
الصراحة فكرت ولقيت إن الموضوع مش محتاج مجازفة والعربيه فيها ملاحظات كتير ولو خرجت من الصيانة بالشكل اللى انا مش عايزه هضطر أبر بقسم ما كنت أقسمت به.. فقلت أصبر..
قلت له طيب ماينفعش بكره بدل بعد بكره.. قال لى ينفع بس بكره برضه زحمة شوية
قلت طب وبعدين.. أنا لو جيت بعد بكره كده هكون داخل على الألف ونص.. ترجع تقول لى إيه اللى أخرك والكلام ده
قال لى مفيش مشكلة...
قلت له أسم الكريم أيه... قال لى فريد
طيب سلام عليكم

إيه رأيكم؟؟؟

لو رحت وكنت معدى الألف ونص ده عادى؟؟

ولا هندخل فى حوار مالوش لازمة؟؟

والسلام عليكم ورحمة الله وبركاته

الأخ الفاضل .. حمدلله على السلامة .. أولا نشكر الأخ الذى نصحك بالحضور فى وقت أخر .. وفعلا وفر عليك التعب بلا فائدة .. ولكنى بصراحة لا تعجبنى هذة القصة من بدايتها .. وهى تدل أن مركز الصيانة فى القطامية يغيب عنة حسن التنسيق .. والا قلى سيادتك مامعنى أن تذهب قبل الميعاد الرسمى بكثير.. ثم يقال لك هذا الكلام وأنت معك سيارة من أثنتين فقط ملاكى فى المركز .. وأذا كان عدد مهول من سيارات التاكسى أزاحت سيارتين فقط ملاكى فماذا سيحدث لنا بعد تطبيق المرحلة الثالثة والرابعة من مشروع التاكسى .. ولا أنكر عليهم حقهم فى الصيانة على أعلى مستوى .. ولكن أين التنسيق بين أنواع السيارات .. وأن كان سهل عليك أن تعود فى وقت أخر فماذا يفعل القادم من السويس لو كان عندة مشاكل فى السيارة ( لكن لو حاجة كمان فمش هاتخد اللى انت عايزه. ) هل يأتى مسافرمن السويس فى وقت أخر!!!!!!!! أم يصلح الأعطال ولكن ليس كما يريد ( يعنى أصلاح على ما قسم ) .. وأليس معنى هذا أن من أصلح أعطال من أصحاب التاكسيات فى هذا اليوم كان أيضا ( على ما قسم ) .. ما هذا الكلام الغريب !!!!!!!!! أرجو أن تنتبه شركة الأمل إلى أن ما يقولة الأعضاء المحترمون والذين نثق فى كلامهم تمام الثقة .. بخصوص مركز صيانة القطامية يدل أن الأمور لا تسير كما نتمنى لها .. رغم أن أعضاء محترمون أخرون شكروا فية .. ولكنى لو وضعت كلامهم معا أفهم منة أن مستوى الأداء فى مركز الصيانة مذبذب ..وليس على مستوى ثابت .. ولأنى أعرف جيدا أن بشركة الأمل رجال محترمون .. وعلى رأسها رجل فاضل .. فأرجو التدخل لتصحيح الأوضاع بسرعة حتى لا يرث المركز الجديد مشاكل من سبقة . وسيكون لهم عند كل ملاك السيارة جزيل الشكر .. ( رجاء لأخى العزيز .. mostafa123 .. بنقل مشاركتة هذة إلى موضوع مستقل ليسهل على الزملاء وعلى الشركة متابعتة لو أرادت .. وفى هذة الحالة سأنقل مشاركتى هذة معة .. وشكرا )