الموضوع: اللانشيا عقدتنى ...اغيثوووووووووووووونى

السلام عليكم انا اسف لانى اول مره اشوف الموضوع ده وبصراحه هى اول مره اعلق على حد فى المنتدى على العموم انا هحاول افيد بقدر الامكان انا معايا لانشيا ديدرا 1994 والحمد لله ماشيه زى الفل بس انا بحب اظبط كل حاجه فعرفت تقريبا 90% من اللى فيها وعرفت احسن صنايعيه ليها لو حابب ممكن تكلمنى على الموبايل 0119194024 وانا انشاء الله احاول افيدك بقدر استطاعتى

المشاركة الأصلية كتبت بواسطة ashrafbahaa

انا شارى لانشيا ديدرا من شهر بس كانت مركونه 3 سنين مش بتمشي ومن يوم ماخدتها وانا كل يوم فى ارف لما زهقت وكرهتها والمشكله ان مفيش حد فاهم حاجه من اللى بروحلهم ومش عارف اعمل ايه ارجوكم انقذونى ودلونى

اولا من الركنه كاوتش العفشه نشف وفى المطبات بلاقى هيصه فى العربيه من قدام غير لما اضرب فرامل اسمع طقه
ثانيا امبير الر بي ام فصل ومفيش حد عارف يشغلو وكلوا بيقول الاسلاك راكبه تمام ومفيش حد فاهم
ثالثا/ شحنت التكييف بس فى النهار ولا اكنو شغال لدرجة انى بفتح الشباك يجيب هوا فى عز الضهر ارحم من التكييف وباليل بيكون معقول وساعات فى الحر بلاقى بيقوم ويفصل ورا بعض بمعدل ثانيه وثانيه
رابعا/ ودا الاهم اللى عاوز حد يفيدنى بحل نهائي انا العربي لما ادور بتعلا اوى وكانك دايس بنزين ومش بتوطى غير بعد فترة لوحدها وممكن طول مشوار بتفضل عليه مش عارف ايه السبب بتعلا اوى ليه وممكن تكون باردة او سخنه بيحصل نفس العيب وفكيت العمه ونضفت البوابه بتاع الكربراتير ومفيش فايدة بس لاقيت فى صباع فى النص فى فيشه مش عارف بتاع ايه وجنبه من تحت شمال فى زى مقاومه راكبلها فيشه من الخارج
والعربيه بتاكل بنزين مش عارف ليه ارجو الرد للهميه لانى زهقت بجد
وبعدين بسمع صوت ونه والعربيه واقف بس الصوت بيروح ويجي ومسمع فى العربيه والصاج وبرضو محدش عارف لدرجة قالو الدينامو وفكيتو مرتين عند كذا كهربائي ويقول سليم بس الصوت موجود ومضايقنى وحدش عارف منين
اسف انى طولت عليكم

بص يا باشا انت تدخل على رابطة التمبرا هتلاقى الاستاذ هشام و مايكل او معروف بميكولوجى تمام
هوة معاه لانشيا و الصراحة الاتنين محترمين و متعاونين جدا بس رايى انا او كلامى ان اى عربية واقفة او مرفوعة بتاخدها بتصرف شوية عليها بس بترتاح لانك بتستفاد بعافية الموتور اول ما يفتح معاك لانها كانت مركونة فترة جامدة فبتغير زيوت بقى و الكاوتش بتاع المقصات و تغير المساعدين تعمل طقم اصلاح للفرامل شوية الحاجات البسيطة دى بس انت افيدلك تدخل على رابطة التمبرا و انت هتستفاد جامد ان شاء الله لكن لو هتبيعها و تجيب ريجاتا تعالالى انا بقى

المشاركة الأصلية كتبت بواسطة zenger

بص يا باشا انت تدخل على رابطة التمبرا هتلاقى الاستاذ هشام و مايكل او معروف بميكولوجى تمام
هوة معاه لانشيا و الصراحة الاتنين محترمين و متعاونين جدا بس رايى انا او كلامى ان اى عربية واقفة او مرفوعة بتاخدها بتصرف شوية عليها بس بترتاح لانك بتستفاد بعافية الموتور اول ما يفتح معاك لانها كانت مركونة فترة جامدة فبتغير زيوت بقى و الكاوتش بتاع المقصات و تغير المساعدين تعمل طقم اصلاح للفرامل شوية الحاجات البسيطة دى بس انت افيدلك تدخل على رابطة التمبرا و انت هتستفاد جامد ان شاء الله لكن لو هتبيعها و تجيب ريجاتا تعالالى انا بقى

يا باشا و الله العظيم كلامك دة ذوق جدا جدا جدا و كتر الف خيرك و عاوز معلش أقول كام حاجة ههههههه مش حاجة واحدة بص أنا شخصيا فى موضوع المواتير دة مش شاطر قوى على أدى فية أخواتنا فى الرابطة بتاعت التمبرا و الله العظيم أحسن منى و أقدر 100 مرة فى فنيات الموتور و فية أخواتنا تخصص كهرباء و فية تخصص كماليات هههههههههههههه يعنى تشكيلة متنوعة من الخبرات و الحمد لله كلنا فى الرابطة اصبحت تجمعنا صداقات شخصية يعنى تقريبا معانا موبيلات بعض و بنكلم بعض مش شرط فى العربية ممكن كدة و السلام رغى و سؤال و بس و لما واحد فينا بيلاقى خاجة فى قطع الغيار بسعر رخيص بيعمل نشرة ودة مخلينا كلنا عارفين أسعار الحاجات و قطع الغيار و حتى بتوع قطع الغيار الاستعمال ههههههههههههههههه و الله العظيم عارفينا تقريبا ب الاسم و دة مصلحة لينا لانة مش ممكن يدى حد فينا حاجة اى كلام الاتحاد قوة يا باشا هههههههههههه و بالنسبة للزميل انة يكتب الموضوع فى رابطة التمبرا انا برجحة لآن كل بتوع التمبرا مبرمجين أوتوماتيكيا على الرابطة يعنى بيفتح المنتدى يدخل على الرابطة لو نازل من بيتهم بيقول سلام و اشوفكم باليل مش بيقفل و السلام و الله بجد و شوف المشاركات حا تلاقى الكلام مكتوب بس انا لازم أحترم الزميل الى كاتب موضوع و ارد علية و مقدرش اقولة أكتب موضوعك جوة الرابطة عارف بنعمل اية بحط رابط الموضوع بتاعة جوة الرابطة او ببعت للزميل الى انا مثلا عاوزة يرد علية و اقولة شوفت الموضوع الفلانى ههههههههههههه علشان كدة حا تلاقى الرابطة بتاعت التمبرا نسبيا مشتركة فى الموضوعات الواحدة و انا على فكرة شوفت مواضيعك فى الريجاتا و بجد عجبتنى جدا و ربنا يبارك لك