أروح الشغل ولا لأ ؟؟

**تامر.محمد** · 23-08-2010 11:27 AM

المشاركة الأصلية كتبت بواسطة ahmadyusuf

اكيد لو مكانك مش حروح , و حستوعض ربنا فى الشغل و ربنا يكرمك فى شغل تانى ان شاء الله
المساله مش مساله مشاكل حتحصل او قلق من اهلك او او او
المساله مساله مبدأ , احنا اصلا المفروض منعترفش ان فى حاجه اسمها اسرائيل , فى حاجه اسمها فلسطين المحتله و ربنا يوفقك

دي خلاصة الكلام
و الأرزاق بيد الله
و من ترك شيئا لله عوضه الله خيرا منه

**ahmadyusuf** · 23-08-2010 11:58 AM

تفتكروا مفيش فلسطينيين شغالين عند يهود اسرائيليين (شغل عادى مش جواسيس يعنى)؟؟؟

اللى يعرف حد فلسطينى بصفة شخصيه يساله و يقولنا الاجابة بصراحة

بصراحه المنطق ده غريبه شويه , هو علشان حد بيعمل حاجه غلط يبقى انا اعمل زيه , و علشان البلد دلوقتى حالها مش اكد كده يبقى ابيها و اروح اشتغل عند اى حد, و بعدين القضيه مش قضية الفلسطينيين ومش معنى انهم او بعضهم عمل حاجه غلط يبقى نقول خلاص بقى

يقول الرسول صلى الله عليه وسلم: " لا يكن أحدكم إمعة يقول: إن أحسن الناس أحسنت، وإن أساءوا أسأت، ولكن وطنوا أنفسكم إن أحسن الناس أن تحسنوا، وإن أساءوا أن تجتنبوا إساءتهم

**Pharaoh** · 23-08-2010 12:13 PM

المشاركة الأصلية كتبت بواسطة ahmadyusuf

بصراحه المنطق ده غريبه شويه , هو علشان حد بيعمل حاجه غلط يبقى انا اعمل زيه , و علشان البلد دلوقتى حالها مش اكد كده يبقى ابيها و اروح اشتغل عند اى حد, و بعدين القضيه مش قضية الفلسطينيين ومش معنى انهم او بعضهم عمل حاجه غلط يبقى نقول خلاص بقى

يقول الرسول صلى الله عليه وسلم: " لا يكن أحدكم إمعة يقول: إن أحسن الناس أحسنت، وإن أساءوا أسأت، ولكن وطنوا أنفسكم إن أحسن الناس أن تحسنوا، وإن أساءوا أن تجتنبوا إساءتهم

يعنى عايزنا احنا نعانى مشاكل الفلسطينيين فى حين ان هما كل واحد فيهم بيدور على مصلحته؟!!!

انا مقلتش ان البشمهندس يسافر يشتغل فى اسرائيل (شخصيا انا مكنتش هسافر لاسباب تانية غير عدم الاعتراف باسرائيل)

لكن انا بس طرحت الفكرة عشان تساعد صاحب الموضوع فى اتخاذ قراره

**karimfadl** · 23-08-2010 12:52 PM

المشاركة الأصلية كتبت بواسطة karim_monir

استاذ كريم اشكرك كثيرا على التصحيح وفعلا غلط الاعتماد على الذاكرة شكلها عجزت :-)
غفر الله لي ولك

اللهم اغفر لنا جميعا يا عزيزي، أما بخصوص الذاكرة فأنا عندي قناعة أن كل سنة من سنين عصرنا بسنتين من سنين أباءنا وأجدادنا، يعني أنا وانت المفروض نطلع معاش عند سن الأربعين