الموضوع: Linea ولا Seat Leon ولا Gen2 عايز مقارنه تفصيليه :)

الليون كفاية شكلها التحفة

المشاركة الأصلية كتبت بواسطة noctis

ملاحظة الأول :
انا مش بحب الاوتو وبحب المانويال

بالنسبة للينيا قطع غيارها قريتها النهارده في قسم الفيات غالية اوي :((
مع اني بحبها جدا بس قطع غيار بالنظام ده مش هتتنفع لما حد يخبطها لي وهي واقفه تحت البيت وكدا فده مشكلة

الليون انا سمعتش ان اسعار قطع غيارها غاليه قد الي قريته عن اسعار اللينا
واليرافو ( برافو 150 فانوس قدام = 4700 تقريبا على ما افتكر وده شيء غالي حتى لو زينون وبيلف مع الدرسكيون) احنا في مصر والعربيه كدا كدا هتتخبط ويطلع عينها من غير مايكون لي يد في الموضوع

بالنسبة لمشاكل الجين تو هي حاجات عبيطه لما قريتها مش مهمه بس يضايقني ان توكيلهم في كلام كتير انه تعبان جدا وكمان جودة العربيه من جوا اعتقد الليون هتكون احسن واللينيا تتربع على عرش جوده العربيه من جوا :)

بس عايز تأكيد هل فعلا الليون قطع غيار اغلى من اللينيا؟ ده تبقا مشكله :(


ملاحظة:
انا مرديتش ادخل البرافو مكان اللينيا لان البرافو لاحظت ان قطع غيارها اغلى عن اللينيا

يا باشا انت دخلت فى البرافو 150 و ديه قطع غيارها تقرنها بالجولف و الاسترا و الكلام ده وكمان الجين 2 عمرها ما هتقف مع البرافو عموما وجه لوجه الا فى الثبات غير كده مفيش حاجه وشوف العربيه هتديك ايه و حالها حال اى عربيه اوروبى طب ليه الناس بتدفع فى المرسيدس و قطع غيارها الكلام ده معلش اللى يقارن قطع غيار عربيه زى ديه بالجين 2 يبقى اللانوس و الفيرنا انسب ليه حضرتك عايز تركب عربيه ولا عايز تركب قطع غيار و كل حاجه و تكلفتها و اسعار قطع غيار اللينيا قدام بقيت العربيات الى بتنافسها مش غاليه وشوف العربيه هتديك ايه قدام الى هتدفعوا ولما تقارن اسعار قطع الغيار تقارنها بالعربيات المنافسه ليها

ياعنى مثلا الفانوس ال قدمانى بتاع اللينيا 1400 جنيه و فى النيسان تيدا ب 1100 جنيه مفرقتش كتير
تيل فرامل فى اللينيا العاده ب 450 جنيه فى التيدا 425 امامى

شوف انا بقارن يابانى بى اوروبى فى قطع الغيار ما بالك بقى اوروبى مع اوروبى و على الفكره التأمين اهم شئ و حل لكل الامور ديه

المشاركة الأصلية كتبت بواسطة yoko

مين الي قال كده المفروض نازله على أول السنة 1400 تربو أوتو وكمان ال1600 أوتو بجانب ال1400 التربو المانيوال

تمام يا يوكو باشا بس فعلا اسعار قطع الغيار سعرها نزل و لما ال 1600 هتنزل هتعمل شغل اصلا العربيه اول ما تنزل هتعمل انقلاب

المشاركة الأصلية كتبت بواسطة noctis

انا فهمت من الكلام ان البرافو قطع غيارها اغلى كتير من اللينيا لانها فئة سعريه اعلى وتكنولوجي اعلى ,,, ده تمام

الوقتي بقا في نقظه عايز افاضل بيها بين التلات عربيات الي فوق جين2 وليون ولينيا
التعقيد وسهوله الصيانه ... يعني سهل حل المشكله ولا العربيه معقده زي الفكترا الجديد وهدوخ بقا على محلات تصليح وبتاع خصوصا اني مش ناوي ابيع العربيه غالبا :)

ده سؤال مهم جدا لو مش عايز أروح التوكيل هلاقي صنايعية ميكانيكا و كهربا يظبطوا العربية ؟