الموضوع: Linea ولا Seat Leon ولا Gen2 عايز مقارنه تفصيليه :)

المشاركة الأصلية كتبت بواسطة noctis

انا فهمت من الكلام ان البرافو قطع غيارها اغلى كتير من اللينيا لانها فئة سعريه اعلى وتكنولوجي اعلى ,,, ده تمام

الوقتي بقا في نقظه عايز افاضل بيها بين التلات عربيات الي فوق جين2 وليون ولينيا
التعقيد وسهوله الصيانه ... يعني سهل حل المشكله ولا العربيه معقده زي الفكترا الجديد وهدوخ بقا على محلات تصليح وبتاع خصوصا اني مش ناوي ابيع العربيه غالبا :)

فعلا البرافو قطع غيارها أغلى كتير (ماعدا الموتور) والإتنين تكنولوجيا واحده بس إختلاف الفئة
اللينيا معقدة نسبيا عشان التربو وكذلك الليون عشان الفتيس
لكن الإتنين مفيش منهم خوف في الصيانة العاديه لكن الخوف من التربو لو الموتور حصل فيه مشكله (قليلين الي فاهمين فيه بره التوكيل -معرفش غير واحد وكان شغال في التوكيل-)
أما الليون فلو حصل مشكله في الفتيس فمحدش بيفهم فيه خالص

لكن الإتنين مشاكلهم ديه مستبعدة جدا (عيب الفتيس الdsg تم تلافيه في الموديلات الجديده) ومفيش حد غشتكى برة من موتور الفيات التربو مع إنه موجود نفسه من 3 سنين ومواتير فيات التربو التانيه من أكتر من 10 سنين!!! ومفيش منهم مشاكل

المشاركة الأصلية كتبت بواسطة noctis

يافندم انا معرفش اصلا ايه dsg واسامي الفتيسات الكتير دي انا بحب المانيوال وخلاص هو انا يعني لو محركتش ايدي اليمين ونقلت وانا ماشي هحس ازاي اني سايق بقا؟ انا كدا هاحس اني راكب جنب السواق

متهيألي كدا الليون مفيهاش اي عيوب بالنسبه لي

هل في حد شايف عيوب في الليون ياجماعه؟؟؟ علشان اللينيا مش قليله برده لما تخسر المنافسه يعني :d

الفتيس الdsg بتاع الليون ده متطور قوي وهو أوتو بس ممكن تتحكم في النقله براحتك وعيوب الليون (متقدرش تقول يعوب مس مش مناسبه ليا لحاجتين)
1) مفيش شنطة (هاتش باك) اللينيا 500 لتر الشنطة (ممكن تشوف تقرير في أهم الموضوعات في فيات)
2) شكل التابلوه مش عاجبني
3) إنها أوتو وأنا عاشق للمانيوال
4) موتور اللينيا أقوي بفارق ملحوظ بس مش كبير قوي

- من حيث قطع الغيار و اسعارها فأكييييد الجين 2 ارخصهم, ثم الليون, ثم اللينيا...

معاك في كله يا غازي معادا دي
وكمان الثبات الليون واللينيا أثبت من بعض (ثبات اللينيا أعلى من البرافو والجراند العاديه مش التربو عشان التربو فيها esp)

المشاركة الأصلية كتبت بواسطة noctis

طيب لو مش لاقي ليون مانيوال اخد ايبيزا مانيوال ولا الايبيزا مش هتبقا زي الليون في المواصفات السابقة؟

لا الإيبيزا بعيده عنهم شويتين تلاته

المشاركة الأصلية كتبت بواسطة ghazy12

اصل انا بشوف قطع غيار الجين 2 مش غاليه (قليل اللي غالي شويه)... بس عادي

لكن السيات تعتبر غاليه شويه, و الفيات غاليه شويتين تلاته

و في الثبات و بعد التجربه العمليه يا هندسه --ولا ناسي ;)-- اللينيا اكييد ثابته, و اثبت من البرافو
في رأي بعد تجربة الاثنين عملياً, و طبعاً مافيش كلام ابداً على ثبات الليون, خصوصاً مع الـTCS
و ده هيزود شويه من الثبات و التماسك على الطريق, علشان كده اعتقد انها اثبت من اللينيا شويه

تحياتي يا هندسه...

أعتقد السيات والفيات زي بعض في قطع الغيار
أما الثبات فاكر طبع ولو الليون أحسن بس مش بفرق ملحوظ (أكلت غرز على 200 وشويه في منزل نفق السلام وكانت ضيقة موت -إسأل ياسر في قسم كيا-)
والtcs هيفرق إن العربيه متفركش في الطلعات العنيفة فقط لكن معتقدش ليه تأثير في السواقة العاديه غيلر لو فيه مطر وواحد عمل كيك داون وساعتها يستاهل الي يجراله!!!

المشاركة الأصلية كتبت بواسطة ghazy12

لا يا باشا ازاي مش هيفرق غير في الطلعه.!!!

الـtcs يفرق في العربيه في اي وقت, و على طول, لأنه بيوزع عزم الموتور على العجلتين اللي قدام
و بيقلل من الفقد, و بيزيد من الثبات و تماسك الكوتش بالأرض سواء طريق جاف او جو مطر و خلافه

و ده بيخليك تستفيد بالعزم بتاع الموتور كله تقريباً بشكل ايجابي تماماً, و بدون فقد زي ما قلتلك

و زي ما انت عارف ان هو هو نفس النظام اللي في الجيتا و الاوكتافيا و اللي هو الـasr...

أيوه لكن الtraction control عموما بيشتغل لما العجل يلف على الفاضي (لما الإحتكاك يقل جدا) مش بيوازن بالملي (لإن لو حصل كده العربيه مش هتعرف تلفها وهتعيق التحكم) لإن في الملفات العزم بيتغير على العجل

ده طبعا على حد فهمي ممكن يكون كلامي غلط