الموضوع: Linea ولا Seat Leon ولا Gen2 عايز مقارنه تفصيليه :)

ملهمش علاقه ببعض
ايه اللى جاب ليون للجين تو !!!!!!!!!!!!!!

يا باشا انت جايب 3 عربيات مختلفين فى الفئه السعريه ياعنى كل واحده ليها عربيات تتقارن معاها بس برده هجاوب على الاسئله

1 - الثبات بصراحه 3 متميزين جدا فى النقطه ديه و متفوقين فيها كمان و ثبات التلاته رائع جدا بدون مبالغه

2 - قوه الصاج اعتقد ان اللينيا صاجها كويس فاكر يا يوكو باشا فى المقابله بتاع ال i10 و بصراحه معرفش الباقى ايه بس لينيا و ليون واخدين 5 نجوم فى اختبارات الامان

3 - التقفيل الداخلى و الخامات بصراحه لينيا افضلهم و الجين 2 رغم حبى ليها بس خاماتها و تقفيلها مش قد كده الليون جميله جدا برده و خامتها محترمه جدا بس التقفيل الايطالى افضل من الاسبانى بس ممتازه برده

4- كلهم القطع الغيار بتاعتها غاليه و اغلاهم الليون و بعدين اللينيا عشان التربو و بعدين الجين 2 و لينيا قطع غيارها قليله و سيات الكل بيشكر فيه بصراحه

5- التوكيل سيات فى المقدمه و بعدين فيات اوماترا و بعدين بروتون عز العرب

6 - الاعطال فى السياره كلهم برده ممتازين جدا بس اعتقد ان البروتون لبعض عيوب التقفيل و ده بيبقى فردى اكتر من هو شامل

و فعلا ال3 عربيات رائعين بس السيات ليون هتبقى احسن من اللينيا فى شويه نقاط عشان اصلا مش فئتها الليون فئه البرافو بس اللينيا اقوى منها كلهم

اللينيا برده مش هتتقارن بالجين 2 عشان اللينيا ليها منافسين فورد فوكاس و نيسان تيدا و شيفورليه كروز و الكيا سيراتو و رينو فلوينس و كده ياعنى و كورولا و مازدا 3


الجين 2 ميزتها سعرها بصراحه سعر ممتاز عليها و بتشترى عربيه بقيمتها و عربيه ممتازه و ماتور و فتيس ميتسوبيشى و عفشه لوتس و ثبات و ينقصها فقط الخامات لو العربيه تتقفل و تتعمل بخامات افضل شويه هتبقى الاختيار الامثل بين كل عربيات فئتها و الاعلى منها كمان