Linea ولا Seat Leon ولا Gen2 عايز مقارنه تفصيليه :)

**ghazy12** · 20-08-2010 05:46 AM

المشاركة الأصلية كتبت بواسطة noctis

السلام عليكم ,,, كل سنه وانتوا طيبين

انا عايز مقارنة قوية بين fiat linea و sean leon و gen2 من حيث:

1- الثبات
2- قوة الصاج
3- التقفيل الداخلي والخامات
4- قطع الغيااااااار (السعر وتوافر القطع)
5- التوكيل
6- الأعطال في السيارة

أتمنى اشوف معلومات كتير لأني متشوق لمعرفة مين فيهم أحسن وانا هكون جوا المناقشه ان شاء الله

شوف يا باشا...

1- من حيث الثبات ترتيبهم كالاتي.... (ليون, لينيا, جين2)

2- من حيث قوة الصاج... (جين2, لينيا, ليون) و الفرق بينهم مش كبير على فكره

3- من حيث التقفيل و الخامات... (لينيا و ليون,............ جين2) فرق كبير فعلا

4- من حيث قطع الغيار و اسعارها فأكييييد الجين 2 ارخصهم, ثم الليون, ثم اللينيا...

5- من حيث التوكيل... (سيات, فيات, عز العرب)

6- الاعطال في السياره... دي حسب الاستخدام, و بتفرق من شخص للتاني

و لو بتسأل مين احسن بشكل عام فيهم, يبقى في رأي و بصراحه (( سيـــــات ليــــــون )) أكييييد

انا رديت على اسئلتك من وجهة نظري, لكن انا عايز اقولك انك اغفلت حاجات كتييير
و اهم بمرااااااحل من اللي انت سألت فيه...

زي انظمة التعليق, الموتور, الجيربوكس, ................... ده الأساس اللي يفرق فعلا

عموماً ده رأي الشخصي المتواضع...

تقبل تحياتي...

**yoko** · 20-08-2010 05:51 AM

- من حيث قطع الغيار و اسعارها فأكييييد الجين 2 ارخصهم, ثم الليون, ثم اللينيا...

معاك في كله يا غازي معادا دي
وكمان الثبات الليون واللينيا أثبت من بعض (ثبات اللينيا أعلى من البرافو والجراند العاديه مش التربو عشان التربو فيها esp)

**noctis** · 20-08-2010 05:56 AM

يعني الليون مينفعش منها مانيوال خالص ولا حتى السنه الجايه؟ :((
انا كدا شكلي هرسي على اللينيا مدام الليون كلها اوتو

في عندي سؤال خارجي كدا
العربيتين دول بشكل عام كدا السعر بتاعهم اعلى حاجه فيه باين 150 لليون فهل انا لما ادفع مبلغ زي ده ,,, العربيتين دول يتفوقوا على الكورولا واللانسر والكيا والالنترا؟ اصل انا كاره المجموعه دي لان الشعب كله راكبها :d

**yoko** · 20-08-2010 05:57 AM

المشاركة الأصلية كتبت بواسطة noctis

أغلفتهم لاني مش غاوي شد وسحب انا بقفل الشباك وانفض للطريق كله :d
وكمان انا عارف ان اداءهم هما التلاته حلو مش حاجه اقل من المطلوب في اعتقادي :)

لأ ده أكتر من المطلوب سيادتك

**yoko** · 20-08-2010 06:01 AM

المشاركة الأصلية كتبت بواسطة noctis

يعني الليون مينفعش منها مانيوال خالص ولا حتى السنه الجايه؟ :((
انا كدا شكلي هرسي على اللينيا مدام الليون كلها اوتو

في عندي سؤال خارجي كدا
العربيتين دول بشكل عام كدا السعر بتاعهم اعلى حاجه فيه باين 150 لليون فهل انا لما ادفع مبلغ زي ده ,,, العربيتين دول يتفوقوا على الكورولا واللانسر والكيا والالنترا؟ اصل انا كاره المجموعه دي لان الشعب كله راكبها :d

بص إن هتركب بيهم عربيه متميزه وأدائها أعلى وخماتها أعلي لكن قطع غيار أغلي ماعدا الكورولا (تعتبر زيهم ويمكن الفول أوبشن بتاعتها كماياتها أعلى سنة بس كاسرة ال150 -على حد علمي-) واللينيا سعرها القديم كان 110 والجديده على أول السنة غالبا مش هتعدي ال120 يعني أقل من ال150 بكتير

**ghazy12** · 20-08-2010 06:06 AM

المشاركة الأصلية كتبت بواسطة yoko

معاك في كله يا غازي معادا دي
وكمان الثبات الليون واللينيا أثبت من بعض (ثبات اللينيا أعلى من البرافو والجراند العاديه مش التربو عشان التربو فيها esp)

اصل انا بشوف قطع غيار الجين 2 مش غاليه (قليل اللي غالي شويه)... بس عادي

لكن السيات تعتبر غاليه شويه, و الفيات غاليه شويتين تلاته

و في الثبات و بعد التجربه العمليه يا هندسه --ولا ناسي ;)-- اللينيا اكييد ثابته, و اثبت من البرافو
في رأي بعد تجربة الاثنين عملياً, و طبعاً مافيش كلام ابداً على ثبات الليون, خصوصاً مع الـTCS
و ده هيزود شويه من الثبات و التماسك على الطريق, علشان كده اعتقد انها اثبت من اللينيا شويه

تحياتي يا هندسه...