الموضوع: اسعار موديلات seat 2011

النهارده كنت فى معرض سيات اللى فى جامعه الدول
علشان ان شاء الله هحجز ابيزا 1400
سألت مدير التسويق هناك اسمه استاذ فادى على موديلات 2011 قاللى مش هتنزل قبل شهر مارس ومافيش اى تغيير هيبقى فيها عن 2010
بالعكس هتزيد 9% المقرره عليها بسبب الجمارك الجديده

الجميل ان المفروض كل سنة بداية من السنة اللى بتخلص دى الجمرك بينزل 4 % من سعر السيارة
و الوكيل ما بينزلش فيها حاجة :) بالعكس ده اول ما العربية نزلت زود السعر من 116 ل 125 فى معرض الاهرام اللى الناس بتنزل فيه عروض و تخفيضات :) قام منزلها من 125 ل 120 و فضلت بالوضع ده

العربيات الاوروبى زي الفيات و السيات و الفولكس المفروض سعرها ينزل كل سنة و بكده تبقي منافسة غير عادية مع السيارات الكورية و اليابانية اللى معندهاش ميزة تخفيش الجمرك كل سنة لحد ما يبقي صفر فى خلال 10 سنوات بداية من 2010


طيب لو قلنا الوكيل ما نزلش برضو المبلغ قليل

طيب توكيلات BMW , Mercedez الخ اللي الجمرك بيقل كل سنة 13.5% من سعر السيارة و برضو ما ينزلش سعرها ولا جنيه :)

ده اكبر دليل على فشل نظام العرض و الطلب و السوق الحر