الاستبن نزل ولا حول ولا قوة إلا بالله - والسبب رعونة الناس في بلدنا

**lastknight** · 22-08-2010 04:38 AM

الموضوع ببساطة ان شفة الجنط لما تكون مظبوطة بتحفظ الهوا فى داخل الكوتش أما اذا تعوجت بسبب خبطة فالكوتش بيسرب الهوا.

**M.Osman** · 22-08-2010 05:30 AM

المشاركة الأصلية كتبت بواسطة lastknight

الموضوع ببساطة ان شفة الجنط لما تكون مظبوطة بتحفظ الهوا فى داخل الكوتش أما اذا تعوجت بسبب خبطة فالكوتش بيسرب الهوا.

+1
و لذلك كلما قل ارتفاع اجناب الكاوتش (side wall aspect ratio) كلما قلت ملائمة الكواتش و الجنط لشوارع المحروسة ... و دي حاجة بيعاني منها اصحاب السيراتو اللي بيجنط 17 بسبب البروفايل القليل

**Ahmed A Rahman** · 22-08-2010 05:37 AM

الف سلامة يا باشا

وحمد الله على سلامة لوجي

ثاني مرة لما يحصل حاجه في الكاوتش اطلع على فروع بريدجستون وحيتعمل شغلك نضيف وحتاخد خصم على الشغل عشان نايل موتورز

**mohamedhmk** · 22-08-2010 01:42 PM

المشاركة الأصلية كتبت بواسطة lastknight

الموضوع ببساطة ان شفة الجنط لما تكون مظبوطة بتحفظ الهوا فى داخل الكوتش أما اذا تعوجت بسبب خبطة فالكوتش بيسرب الهوا.

الله ينور على حضرتك
شكرا جزيلا على المعلومه
تحياتي

المشاركة الأصلية كتبت بواسطة m.osman

+1
و لذلك كلما قل ارتفاع اجناب الكاوتش (side wall aspect ratio) كلما قلت ملائمة الكواتش و الجنط لشوارع المحروسة ... و دي حاجة بيعاني منها اصحاب السيراتو اللي بيجنط 17 بسبب البروفايل القليل

شكرا جزيلا لحضرتك على المعلومه الجميله دي
تحياتي

المشاركة الأصلية كتبت بواسطة د.أحمد عبد الرحمن

الف سلامة يا باشا

وحمد الله على سلامة لوجي

ثاني مرة لما يحصل حاجه في الكاوتش اطلع على فروع بريدجستون وحيتعمل شغلك نضيف وحتاخد خصم على الشغل عشان نايل موتورز

الله يسلمك من كل شر يا دكتور
هو انا عارف طبعا ان بريدجستون محترفين في موضوع الكاوتش بس انا كنت في وقت صعب الاقي حد فاتح + اني كان لازم اظبط زوايا باسرع وقت ممكن
تحياتي

المشاركة الأصلية كتبت بواسطة super_star_h

متزعلش يا باشا
اومال هما سموه استبن ليه
انا فى الحقيقه بستغرب من الناس اللى بتقولك مش عايزه انزل الاستبن على الارض
اومال هو محطوط فى العربيه ليه ؟ زينه يعنى
عشان اما تيجى تبيعها تقول الاستبن منزلش على الارض ؟
يا راجل اتمتع بعربيتك
ما علينا
مش تقلق مش حكاية عوجان الجنط دى
حصلت معايا قبل كده واستعدلته كانت الفرده شمال قدام برضو
وبعدين الكاوتش من الخبطه مش هيتخرم
غالبآ بيتقطع علطول ومبينفعش الا باللحاااااااام
بس الكاوتش نوعه نضيف ولسه مش هيحصله الكلام ده
الحمد لله انه طلع سليم
قدر الله وما شاء فعل

الحمد لله قدر الله وما شاء فعل

وطبعا انا زعلي على نزول الاستبن هو اني انا لسه ممشتش علشان استخدمه لسه يا دوب 1200 كيلو

بس الحمد لله انها جت على قد كده

وكنت عايز اسأل حضرتك هو الاستعدال كان على البارد ولا السخن
اصل هما في البنزينه عدلولي العوجه على البارد بالشكوش بس انا النهارده كنت عند بتاع كاوتش تاني قالي هي اتعدلت تمام كده ومش هتأثر على أي حاجه بس لو عايز تظبطها اكتر ممكن تروح لواحد بتاع جنوط يستعدلهالك على السخن

إيه رايك؟

**yahiazakaria** · 22-08-2010 02:12 PM

حمد لله علي سلامتك وقدر الله وما شاء فعل

**DViPER** · 22-08-2010 03:43 PM

حمد الله علي سلامتك
المهم أنت بخير

والله أنا بعاني من الخبط والخدوش

أخرها أمبارح الرفرف اللي قدام أتخدش وبان اللو الأسود وأنا عربيتي بترولي

الحمد لله علي كل حال

**mohamed_e36** · 22-08-2010 03:56 PM

حمد لله علي سلامتك
وقدر الله وما شاء فعل بس نصيحتي ليك متديش الامان للطريق حتى لو انته حافظه وخليك دايما متوقع اي حاجه تظهرلك وانته ماشي
وربنا يسترها معانا جميعا

**hesham_tawfiq** · 22-08-2010 04:04 PM

اهم درس اياك تستأمن واحد بتاع كاوتش فى بنزينه كلللهم بصراحه غير جديرين بالثقه وعاوزين يطلعو باى مصلحه
الكاوتش التيوبلس يا اما بيتقطع وبكده مينفعش معاه اى حاجه او بيتخرم ودى ليها اكتر من حل اسوئهم اللحام بالخابور وافضلهم الاستيكر او مكوة اللحام

**mohamedadelemam** · 22-08-2010 04:26 PM

الحمد لله وقدر الله وما شاء فعل..والحمد لله إن حضرتك من الأسرة الفرنسية باللوجان............وإلا كان العفشة ضاعت

-

الموضوع: الاستبن نزل ولا حول ولا قوة إلا بالله - والسبب رعونة الناس في بلدنا

LinkBack

أدوات الموضوع

عرض

-

-

المواضيع المتشابهه

كنت هعمل حادثه والسبب حمارين

لا حول ولا قوة الا بالله (ارواح الناس سهلة اوى للدرجة دى )

رعونة + انعدام خبرة ودراية بقواعد القيادة + عدم محاسبة!

من كان حالفا فليحلف بالله . بالله ادخل وأقرأ الموضوع

الناس حصلها ايه لاحول ولا قوه إلا بالله

الكلمات الدلالية لهذا الموضوع

المفضلات

المفضلات

ضوابط المشاركة