الف الف حمدا لله علي سلامتك و قدر الله و ما شاء فعل . و هي دي المحروسة و اهل المحروسه . و ربنا يسترها معاك و معانا . و مادام انت ركبت العربية و لقيتها مضبوطة . انسي الموضوع ده و استمتع بلوجي .
رقم العضوية : 67069
تاريخ التسجيل : 05Apr2010
المشاركات : 197
النوع : ذكر
الاقامة : مصر الجديدة
السيارة: ---------------
السيارة[2]: Renault Logan 2010 F/O
دراجة بخارية: NO
الحالة :
كل سنه والوحوش طيبين وبخير
انا مستلم العربيه من شهر كده وعامله 1200 كيلو دلوقتي والحمدلله عربيه كويسه جدا في كل حاجه وتستاهل تمنها
المهم حصلي النهاردة موقف مش ظريف لكن قدر الله وما شاء فعل - بس الموقف ده اظهرلي شيء مهم
الي حصل اني كنت ماشي النهارده بعد الفطار في منطقة شيراتون - مصر الجديده في شارع فاضي ومفتوح بس الاضائة فيه خافته شويه
طبعا انا فاتح النور العادي وماشي لقيت مطب طبعا عادي لوجي عارفه شغلها والي بعده كل ده والدنيا ظريفه
وبعد كده لقيت الطريق ممهد فجبت التالت وطلعت وعلى 3.5 rpm نقلت على الرابع وشفت على بعد 20 متر واحد واقف على الرصيف رعشتله نور وزمرتله وقولت امشي عادي وكان ده عند تقاطع بس المنطقه فاضيه قمت ماشي وكنت تقريبا على سرعه 70 وفجأة حسيت اني خبطت في حاجه جامد من تحت - انا اتلبشت وركنت بسرعه على اليمين نزلت ابص لقيت الكوتش الامامي شمال نايم على الارض والدريكسيون محدوف يمين!!!
نزلت ببص ورا لقيت اني خبطت في دبشه كبيره والخبطه كلها جت في فرده العجل الامامي شمال
المهم لقيت الولد الي كان واقف على الرصيف ده جيلي وقالي انا آسف هو حضرتك مشفتش الطوبه ولا ايه انا اصلي حطيتها علشان بعلم اختي تحود وكده
قولتله في حد يعمل كده يحط طوب بالحجم ده في المكان ده من الشارع
قالي ما الناس كلها عارفه ان ده شارع فاضي والناس بتيجي تتعلم فيه
قولتله ايوه بس بيحطه الطوب او الاقماع على جانب الطريق على اليمين مش في نصه على الشمال؟؟؟؟؟؟؟؟!
المهم قعد يتأسف وانا تحت امرك وحضرتك معاك عده ... لسه برد لقيت واحد جي معاه بالعده من عربيته وقالولي احنا هنغيرهالك لحد متروح بنزينه
المهم نزلت الاستبن وكان احساس وحش خالص والعربيه لسه ما مشيتش
المهم فكو العجله ببص عليها لقيت الكوتش نايم خالص والجنط شفته معوجه بشكل ملحوظ طبعا الدم فار في دماغي وهما عمالين يقولولي احنا اسفين وتحت امرك ... قولتلهم الحمد لله انا مش بقبل عوض
ركبوا العجله واتأسفوا وشكلهم ولاد ناس مش وش بهدله سبتهم ومشيت وحطيت الفرده البايظة في الشنطه
ولسه بقول يا هادي وبطلع حسيت بالدريكسيون في ايدي معوج ناحية الشمال
اتابني أسوء احساس في الدنيا وقولت اكيد حصل حاجه في الزوايا
المهم طلعت على بنزينة موبيل ملقتش فيها ظبط زوايا لكن رحت لبتاع الكاوتش قولتله بص على العجله وقرط عليها وظبط الضغط
وبعدين فتحت الشنطه وورتله الفرده
قالي الجنط ده اتعوج ما يتصلحش والكوتش عايز شنبر؟؟؟؟؟؟؟؟ وخدو بالكم من هذا اللص اللعين
قولتله طب شكرا ورجعت الفرده ومشيت وطلعت ادور على بنزينه تانيه فيها ظبط زوايا لاني مش هينفع امشي كده
المهم لقيت على طريق الاوتوستراد بنزينه وطنيه
دخلت لقيت فيه ظبط زوايا دخلت عليها وظبط العربيه
وابتدى يشيل الطاسات من الاربع فرد علشان يركب جهاز ظبط الزوايا والمفاجأة انه وهو بيشيل طاسة الفرده الشمال الي ورا لقيت برده شفة الجنط معوجه بس بصورة اقل بكتير جدا من الفرده الاماميه
فقولتله على القصه قالي بعد ما نخلص هنديها لبتوع الكوتش يبصوا عليها
المهم قعد يظبط في الزوايا وطبعا الموضوع كله كان في العجل الامامي ويتأكد من قرايات الجهاز ووزنه العجل والدريكسيون
وجاب مفتاح وراح للعجله الشمال قدام (وانا قولت في نفسي هو هيفك ايه ده) وانا على ايده وكان طبعا بيظط زاويه العجل
نزلت ابص على العربيه من تحت كانت طبعا حاجه جميله انك تنزل السلم وتشوف العربيه بالكامل من تحت وشوفت الدرع الي بيحمي المتور والحمد لله الطوب مجاش في اي حاجه في جسم العربيه
وقالي خلاص كده تمام ... حسابك كام ... قالي 20 جنيه قولتله ماشي كل سنه وانت طيب
المهم ركبت وحسيت ان الدنيا اتظبطت واتعدلت زي الاول
رحت لبتاع الكاوتش اول ما شاف الفرده الي في الشنطه قالي استعدال انت خبطت في طوبه ولا ايه يا باشا
قولتله ايوه الحمد لله قدر الله وما شاء فعل
المهم نفخ الكوتش تاني والعجيب انه اتنفخ وكشف عليه بالصابون مفيش اي خروم ولا حاجه؟؟؟ طيب هو هوى ازاي لو حد عنده اجابه يا وحوش؟؟؟
وجاب شاكوش وبدأ يعدل الجنط وكل دقه من الشكوش على الجنط كنت بحسها في دماغي ... اصل الفلوس لسه ما بردتش
المهم عدله وقولتله هي كده تمام؟؟؟ قالي زي الفل مفيهاش حاجه
قولتله طيب انا كنت لسه عند واحد بتاع كوتش في موبيل وقالي دي عايزة شمبر؟؟
رد عليه بصوت عالي وقالي شمبر!!!!!!!!!!!! ايه يا باشا دي تيوبليس
ده كان عايز يضحك عليك ويبعلك شمبر واصلا الكوتش ده تيوبليس مش بيتحطله شمبر
المهم سألني هو ده الاستبن .... قولتله لا الاستبن ركبته
خدته وقولتله بص بقى على الفرده الشمال ورا راح فكها وبرده استعدل الحته المعوجه في شفة الجنط وكشف عليها علشان الثقوب والخروم والحمد لله مفيش
وقمت مديله حلاوته واتكلت على الله وانا بقول الحمد لله
نيجي بقى للحاجه الجميله في الموضوع
اني اكتشقت ثبات واتزان العربيه دي ان بالسرعه دي وضخامة الحجر الي جه في العجل انا كنت حاسس اني ثابت على الارض ومتزن الحمد لله ... كان ممكن لا قدر الله في حركه زي دي العربيه تتقلب
انا حاولت اسرد القصه بالتفصيل الممل علشان الناس تستفيد من التجربه الوحشه دي وتاخد بالها من شوارعنا والناس الي في شوارعنا ... ربنا يهدي
ولو في حد منكم يا وحوش عنده نصيحه ليا بعد الي حصل ده يا ريت يقولي
شكرا جزيلا وربنا يسترها معانا جميعا
رقم العضوية : 53342
تاريخ التسجيل : 18Nov2009
المشاركات : 1,095
النوع : ذكر
الاقامة : الأسكندرية
السيارة: لوجان 2010
السيارة[2]: بيجو504 موديل 1979
دراجة بخارية: لا يوجد
الحالة :
الف الف حمدا لله علي سلامتك و قدر الله و ما شاء فعل . و هي دي المحروسة و اهل المحروسه . و ربنا يسترها معاك و معانا . و مادام انت ركبت العربية و لقيتها مضبوطة . انسي الموضوع ده و استمتع بلوجي .
اللهم انك كريم حليم عفو تحب العفو فاعفو عنا .
اللهم اعني علي ذكرك و شكرك و حسن عبادتك .
رقم العضوية : 72085
تاريخ التسجيل : 02Jun2010
المشاركات : 91
النوع : ذكر
الاقامة : cairo
السيارة: ////////////
السيارة[2]: logan
دراجة بخارية: NO
الحالة :
قدر الله وماشاء فعل
الحمد لله انها جت على اد كدا
والحمد لله كمان انك اتطمنت على ثبات العربية
رقم العضوية : 47545
تاريخ التسجيل : 19Sep2009
المشاركات : 2,171
النوع : ذكر
الاقامة : El tgmo3 el 5Ames
السيارة: logan2010 f/o
السيارة[2]: Fluence ES3 2014
دراجة بخارية: g
الحالة :
قدر الله وماشاء فعل والحمد الله انهاحاجه بسيطه وربنا يباركلك فيها ان شاء الله
وهل الوطنيه ظبط الزوايا بتاعهم كويس
يارب عفوك ورضاك
MoHaMeD
HaMeD
HaMeD_73 سابقاً
رقم العضوية : 25415
تاريخ التسجيل : 17Nov2008
المشاركات : 1,284
النوع : ذكر
الاقامة : Helwan
السيارة: Logan FO 2010
السيارة[2]: Maruti2000-accent2000
دراجة بخارية: No
الحالة :
ربنا يباركلك فى العربية
Eng. Ahmed Bakr
رقم العضوية : 69882
تاريخ التسجيل : 06May2010
المشاركات : 138
النوع : ذكر
الاقامة : cairo
السيارة: لوجان 2010
السيارة[2]: 1990 fiat 128
دراجة بخارية: لا
الحالة :
قدر الله وما شاء فعل
معلش يا باشا الحمد لله انها جت على اد كدة و محصلش حاجة فى العربية من تحت
ربنا يباركلك فيها
رقم العضوية : 67069
تاريخ التسجيل : 05Apr2010
المشاركات : 197
النوع : ذكر
الاقامة : مصر الجديدة
السيارة: ---------------
السيارة[2]: Renault Logan 2010 F/O
دراجة بخارية: NO
الحالة :
الف شكر لحضرتك وربنا يعنا على المحروسه واهلها
شكرا جزيلا
الحمد لله رب العالمين وربنا يسترها علينا جميعا
الحمد لله رب العالمين... شكرا جزيلا
بص انا النهارده اكتشفت ان الوطنيه دول كويسين في كل حاجه ... عارف ليه لانهم تبع الجيش فعندهم انضباط وامانه
والحمد لله الفني الي هناك ظبط الزوايا كويس
شكرا جزيلا
الله يخلي حضرتك يا أستاذ أحمد
شكرا جزيلا
الحمد لله رب العالمين
كانت اول مره اشوف العربيه من تحت بالوضوح ده عند بتاع الزوايا
الحمد لله ان مفيش حاجه جت في جسم العربيه
شكرا جزيلا وربنا يلهمنا الصواب وسداد الخطى اجمعين يا رب
رقم العضوية : 23065
تاريخ التسجيل : 24Oct2008
المشاركات : 6,831
النوع : ذكر
الاقامة : Egyptian highways
السيارة: -------
السيارة[2]: Hyundai Verna 2007
الحالة :
يعني الكاوتش طلع مش مخروم ؟
يبقى غالباً الفردة نامت عشان الجنط اتعوج ...
حمد لله على السلامة
رقم العضوية : 4080
تاريخ التسجيل : 11Jan2008
المشاركات : 1,577
النوع : ذكر
الاقامة : nasr city
السيارة: kia picanto 2
السيارة[2]: Renault logan
دراجة بخارية: No
الحالة :
رقم العضوية : 67069
تاريخ التسجيل : 05Apr2010
المشاركات : 197
النوع : ذكر
الاقامة : مصر الجديدة
السيارة: ---------------
السيارة[2]: Renault Logan 2010 F/O
دراجة بخارية: NO
الحالة :
المفضلات