هو موجود بس معرفش سعره لكن المفروض ميوصلش 100 جنيه عمره
ممكن حضرتك تسألي في الحرفيين عند حد من دول
الحديدي
0121874249
العالميه - فرع الاستيراد
26971360
ولما تشتريه يا ريت تعرفينا منين وبكام علشان محتاج واحد :)
السلام عليكم
بالنسبة للاشارة ممكن تلاقيها عند الصوابى او التوفيقية ولو صعب قوى عليكى وعلى الاستيراد فى الحرفيين
عايز انبهكم لحاجة مهمة قوى يا جماعة تخلو بالكو منها ضرورى انا كنت لسة مغير 4 فرد كاوتش نوع gt من حوالى 7 شهور العربية بقالها مدة مش مظبوطة ناشفة فى المشى وفى المطبات يسلام تنفعك لو عايز تعذب حد روحت لبتاع عفشة قالى العفشة مفيهاش حاجة والمساعدين كوييسين اظبط زوايا وشوف روحت لبتاع الزوايا قالى الكاوتش باين علية انة جديد وانتاجه الاسبوع 41 سنة 2009 يعنى اواخرها بس بايظ فيه عالى ووااطى فى الكاوتش كلة طبعا رحت لبتاع الكاوتش قالى عليك وعلى التوكيل روحت التوكيل قالى الكاوتش معلهوش ضمان وللاسف مش هقدر افيدك :36_2_33:
فايريت يجماعة كلة يخلى بالة من كاوتشوة ومن النوع الى بيشترية وانا للاسف غصب عنى هشترى 4 تانى بس فى 3 انواع انا محتار بينهم بيريلى تركى 280 جنية وماكسيس تايلاندى 245 جنية وبريدجستون تايلاندى 300 جنية انا بصراحة محتار ياريت حد يفيدنى لانى تعبت قوى من الموضوع دة وخايف اجيب 4 تانين ويحصل نفس المشكلة
طيب كويس ان الصوابي عنده مكنتش اعرف ، ممكن حضرتك تتصلي بالدليل تسالي علي رقمه قوليلهم الصوابي قطع غيار تويوتا في شبرا ، أو لما اروح هحط لحضرتك الرقم ان شاء الله
قدر الله وما شاء فعل :s
الجي تي ممتاز جدا وانا مركبه عندي و مجربينه في البي ام بقاله سنين وبيستحمل بهدله متتخيلهاش
المهم تشتري من مكان يكون عنده حركه باستمرار علشان يكون الكاوتش جديد مش متخزن كتير لأن التخزين السيئ بيبوظه وبص علي تاريخ الانتاج وانت بتشتريه ، مش عارف انت تعرفها ولا لأ هو بيكون اربع ارقام جنب بعض الرقمين الشمال بتوع الاسبوع وبعدين السنه ، يعني مثلا 1510 يبقي اسبوع 15 سنه 2010
فكر بالمره لو عايز تغير مقاس الكاوتش هتبقي فرصه كويسه ، يعني لو عايز تجيب اعرض وتقلل البروفايل علشان تزود الثبات لو هيفرق معاك
تليفونات الصوابي
22013052 -- ده اللي بتصل بيه علي طول
22201352
24328136
محمد بيه
فعلا بالنسبة لل جى تى هوة فعلا ممممتاز وناس كتير نصحتنى بية والراجل قالى اول مرة اشوف كاوتش يعمل كدة بس الحمد لله على كل حال انا كنت عايز اعرف الانواع الى انا قولت عليها دى اية احسن حاجة فيها انا لحد دلوقتى بنسبة 90% عايز اجيب البريلى ومتردد بينة وبين الماكسيس مش عارف انت تنصحنى باية وبالنسبة للمقاس انا فعلا هجيب اكبر الى هوة 13/175/70 ولا فى حاجة تانية احسن من كدة لان الراجل قالى التفاوت دة مسموح بية ومش هيقصر على العفشة فى حاجة و اكبر من كدة يبقى انت هتبرجل العربية .
مجربتش الماركات دي قبل كده بصراحه ، ممكن تسيرش عليها كده شوف رأي الناس
بالنسبه للمقاس خد بالك ان لما بتزود عرض الكاوتش ارتفاعه كمان بيزيد ، علشان كده لما تزود العرض المفروض تقلل الارتفاع لو عايز العربيه بنفس الارتفاع .. مواقع حساب المقاسات بتنصح بإن أقصي تغيير مسموح بيه في قطر الكاوتش عن المقاس الأصلي 5% ، المقاس اللي حضرتك كتبته هيفرق 2.6 %
ممكن تجرب بالموقع ده
Tire size calculator
التيوتا ستارلت عربية جميلة جدا واقتصادية فى البنزين وقطع الغيار انا لسة جايب موتور ستار لت من الوكالة بالفتيس ب3200 ونعمة فى المشى وموتورها 1000 سى سى بس قوى وشايل التكيف كويس عن تجربة وانصحك ابعد عن الادا وعيلة الايطالى كلة
عندى عربية استارلت استحالة تلاقى اختها فى مصر-عربية رياضية موتور 1600 رياضى بالفلتر والدفيل الرياضى ومريات كهربا وتارة وغيار سرعات وهاند بريك سبورت وكمان تابلوة ال ستارلت ال 1997 وكشافات وشابكة امامية 1997 وفاونيس خلفية الgt بالفابيرة-مكيفة -سنتر -انذار-جنوط 15 استيراد-البيع باعلى سعر علشان انا لسة مغير كاوتش كمان وعافشة خلفية
انا اخويا عندة ستارلت جميلة جدا 1300 وجنوط وسنتر وفرش جلد ومكيفة وطالب فيها33000 والتيوتا كرولا الى عرضت مواصفتها سابقا مطلوب فيها 33500بس فعلا عربيات تستاهل وجربها هتحس انك راكب عربية 20011 من الثبات والنعومة