بص عالتكت اللي في كبوت العربية من جوة غالبا حاتلاقي مكتوب علية ضبطة التاكيهات و ضبطة التاكيهات
بص عالتكت اللي في كبوت العربية من جوة غالبا حاتلاقي مكتوب علية ضبطة التاكيهات و ضبطة التاكيهات
مش موجودة على الكبوت بس موجود فى الشاسية لوحة معدن مكتوب فيها رقم الشاسية والموتور وارقام قياس الكاوتش واللون مش مكتوب اى حاجة تانية
السلام عليكم يااهل الستارليت انا معروض عليا ستارليت 1000 cc موديل 1994 ممكن اعرف تساوى كام وشدة سحب الموتور فى السفر وداخل البلد مع حمولة 4 افراد مع تشغيل التكيف ارجو الرد بسرعة
اقتباس:
المشاركة الأصلية كتبت بواسطة yamr2006
سألتلك والدي لأن هو اللي كان مظبطها عند الميكانيكي ، بيقولي ظبطها بالخبره كده من غير مقاس :11:
اقتباس:
المشاركة الأصلية كتبت بواسطة head
رديت علي حضرتك في الموضوع بتاعك
http://www.nilemotors.net/Nile/18572...post3873096738
بالنسبه للسعر انا مش متابع قوي بصراحه لكن متوسط سعرها 28000 وعلي حسب الحاله طبعا
نعم قرات اجابتك يا اخ محمد سمير وانا متشكر جدا على الاجابة والله الموفق
تم شراء طقم جوانات كامل تايواني سعره 100 ج
شامل كل حاجه حتي جوانات الشكمان والاسبيراتير وجوان وش السلندر والكارتيره و12 كاوتش صباب اللي انا شاريهم علشانه اصلا
http://www.nilemotors.net/Nile/attac...1&d=1286241076
الحقيقه مكنتش مرتاحله في الأول بس عملت سيرش عليه لاقيتها شركه في تايوان من سنه 69 ومتخصصه في الحاجات دي اتطمنت شويه
للأسف الراجل اللي اشتريت منه كان الياباني خلصان عنده ، يا ريت لو حد اشتري الياباني قبل كده سواء للاستارليت او الكورولا يقول منين وبكام
تقريبا هوة دة الى انا اشتريتة بردوة بس فى حاجات كتير مركبتهاش منة لان الميكانيكى قالى الموجودين الاصلى وحالتهم كويسة بلاش نغيرهم .
بس هوة كوتش الصباب دة بيعمل اية ؟
دول بيركبو في الموتور والصبابات بتتحرك داخلهم ولو الكاوتش فيهم ناشف لما بتركن بيرشحو زيت داخل غرف الحريق واول ما تدور العربيه الزيت بيتحرق ويعمل دخن شويه في الأولاقتباس:
المشاركة الأصلية كتبت بواسطة yamr2006
تسلم يا استاذ سمير على التفسير
واحب اشارككم معايا امبارح طلعنا طلعة جريئة شوية بعد الشغل على سبيل التغيير لحد اسكندرية الحمد لله العربية مقصرتش فى الطريق بالعكس كانت غير ما انا متوقع كمان لان دى اول مرة اسافر بيها بسبب ظروف شغلى يعنى وصلنا تقريبا فى ساعتين وفى الرجوع ساعتين الا ربع لان الطريق الساعة 6 المغرب كان مهزلة وكنت تقريبا ماشى فى حدود سرعة 140 و 130 والحمد لله والله محستش بتعب الطريق وحبيت اعرض عليكم كام فيديو كدة بس طبعا الاهتزاز كان شديد شوية لانى انا الى كنت بصور بالموبايل
YouTube - Toyota Starlet In Alex Road
YouTube - Toyota Starlet In Alex Road
اتمنا يعجبكم
اقتباس:
المشاركة الأصلية كتبت بواسطة yamr2006
ما شاء الله ربنا يباركلك فيها وبتجيب اكتر من كده كمان لحد 160 بس في السفر الأفضل طبعا الثبات علي سرعه معقوله علشان متجهدش الموتور ، انا بسافر بيها كتير جدا حتي وصلت لنويبع قبل كده الحمد لله :)
بالنسبه لنور التابلوه عندك هو فيه لمبتين وكل لمبه عليها غطاء كاوتش لونه اخضر ، عندك اللمبه الشمال الغطاء بتاعها واقع علشان كده نص العدادات اخضر والنص اصفر ، لو فكيت هتلاقي الغطاء ده واقع جوا ركبه وهترجع زي ما كانت ان شاء الله لأنها حصلت معايا قبل كده وركبت الغطاء وشويه عواكس حوالين فتحات الاضاءه فرقت كتير في نور التابلوه
بالمناسبه انا فكيت الموتور علشان اركب الجوانات ولاقيته الحمد لله مش معمر قبل كده وحالته كويسه لكن محتاج تغيير شنبر
سألت علي الشنبر عند الصوابي لاقيته ب145 جنيه مش الأصلي لكن تويوتا ياباني
والأصلي موجود عند العالميه ب300 جنيه ، الكلام ده تليفونيا ربنا ييسر ويظبط سعره شويه